الثلاثاء، 27 سبتمبر 2011

قلب فاضى


احساس غريب جايلى اليومين دول....

عاوزة اكتب بس مش قادرة اكتب...فى دماغى افكار كتير بس ماليش نفس اكتبها ومع ذلك عملالى صداع فى دماغى وعاوزة تخرج

حاولت اتغلب على الحاله دى واكتب حاجة بحبها زى اليوميات مثلا....الافكار والاحداث فى دماغى بس مش عارفه اصيغها

ومش بس الكتابه ......دى حاجات كتير متلخبطة جوايا

مش عارفه ان كنت زعلانة ولا فرحانة.....ولا عارفه اكشر وتبقى ملامحى حزينة زى الزعلانين ولا عارفه اضحك وافرفش زى الفرحانين
ولاعارفه اهيص كعادتى واعمل دوشه لما ابقى مهيسه ولا عارفه ابقى هاديه كعادتى برده لما مالاقيش حاجة اعملها
احساس غريب بانى فى منطقه رماديه مالهاش ملامح لانا مع الناس ولا انا لوحدى

لخبطكوا معايا صح................

هسيبكم مع الاغنيه دى ............وصباحكم سكر


هناك 36 تعليقًا:

Tarkieb يقول...

ههههههههه اديكي عملتي موضوع من لا موضوع شاطرة ..حلوة الاغنية دي....

ابراهيم رزق يقول...

تعرفى انا لا احب تلك اللحظات اسميها التشتت

لا انا سعيد احاول ان استمتع بسعادتى
و لا انا حزين احاول ان اخرج من حالة الحزن
و لا انا فى حالاتى العادية تسير بى الحياة
ربنا ينعم عليكى بالسعادة و الابداع

تحياتى

reemaas يقول...

Tarkieb

الاستفادة من الوقع يا تراكيبو

:)

reemaas يقول...

ابراهيم رزق

هى فعلا لحظات ماتتحبش خالص يا استاذ ابراهيم

تسلم ربنا يخليك

سواح في ملك اللــــــــــــــــــه- يقول...

لااله الا الله

تعرفي ان الاحساس ده بقاله شهور عندي

وبكتب مقاطع من حاجات كتيير

واحفظها

يلا بقي زهيمر يابنتي هههههه

تحيتي ليكي يابنوته

غير معرف يقول...

حد عايز قلب فاضي قلب طيب قلب هادي
قلب كله حنان وعطف يخطفك من الحزن خطف "
؛؛
؛
مساء الغاردينيا نور
عارفة انا كدا بـ إختصار حاسة اني مخنوقة والدنيا دي مش بترحمني يعني عماله تلطش فيا واديني ببتسم وبمشيها وبتحايل عليها بـ أحلامي عارفة يانور بـ ايه حاسه لما تبقي لاعارفة تضحكي ولا تبكي تفرحي ولا تحزني المشكلة يانور بتتوجعي اوي لما تحسي انك عاوزة الي يطبطب عليكي ومش يبقى هو والزمن عليكي لكن هي الحياة مش بتدينا الي نحبه "
؛؛
؛
نور
اكتبي الي في نفسك والي تحبيه حتى لو يومياتك بس المهم تتنفسي وتكتبي الي جواكي ولو عاوزة حد تفضفضي ليه انا هنا :) "
؛؛
؛
كوني بخير
لروحك عبق الغاردينيا
كانت هنا
reemaas

reemaas يقول...

سواح في ملك اللــــــــــــــــــه-
شكلها عدوة يا خالد ولا ايه
هههههههههههههههه

ربنا يستر

reemaas يقول...

ريــــمــــاس

تسلميلى يا ريموسة يارب
عارفه والله انك جدعه وهتسمعى


اهى ايام وهتعدى ان شاء الله

غير معرف يقول...

مساء الورد ريماس

بالفعل كثير منا يمر بلحظات الحيرة

والتوهان هذي ولا سبب منطقي لها و

لكن أعتقد أن هناك ترسبات داخلية

في عقلك الباطن لم تفرزها ذاكرتك

كانت السبب في الحالة هذي ولو

تجلسي مع نفسك شوي وتسترجعي كل

أحداث يومك خلال الأسبوع أكيد بتلقي

السبب ...

أتمنى تكوني بخير

نيللي علي يقول...

كلنا هذا الرجل اقصد التشتت ..انا ريحت نفسى وبقيت كل ماتيجى حاجه على بالى اكتبها عشان يمكن اعرف اجمعها ..لدرجه ان حسه ان كل فكره بتشدنى مره يمين مره شمال اما قربت اتجنن
بوست رائع اول ماقريته حسيت اكنك بتتكلمى عنى
وربنا يوفقنا يارب

tarek_salah1000 يقول...

بسم الله الرحمن الرحيم
الاجابه
كشرى

نور القمر يقول...

مساء الخير يا غاليه ..
شكرا لك على الموضوع .. اوقات زي هاذي بتحصل كثييير ... وعلى فكره الاغنيه حلوه زيك يا قمر
مع تحياتى نور
دعوتك لمدونتي
http://noursaalqamar.blogspot.com/

دعاء العطار يقول...

تعرفى يانور انا كمان عندى نفس الحاله

ولقيت ان فيه ناس غيرنا كمان عندهم نفس الحاله

هو فيرس فى الجو ولا ايه D:

احساس حلو انك تحسى انك مش لوحدك

كلنا شكلنا بنعانى من اللون الرمادى

وبالنسبه للكتابه انا كمان بقالى فتره بكتب حاجات بس مش بكملها وساعات حاجات تبقى فى دماغى ومش جايلى نفس اكتبها

.......

الاغنيه دى بموووووووووووووووت فيها .. منير ده اصلا بيعيشنى فى حاله لا توصف تتحس بس (: (:

Unknown يقول...

كفايه الأغنية يا نور وهميه أوييييي :)
بصي ماتشغليش بالك كلنا بنمر باللحظات دي..المهم بقى تعيشي حياتك اللحظه بلحظتها و الكتابة هاتيجي ما تقلقيش :)

أرق تحية لكي

نهر الحب يقول...

ايه حكايتكوا بقي

انتي ودعاء نفس الكلام
والرمادي مضايكوا
وانا كلامي الفترة اللي فاتت كلها مع بعض الناس عن الرمادي
وكنت خلاص حصدق ان الناس كلها رمادي وبتحب الرمادي

:)
ونفس الاحساس بس عارفة يا ريمو

الحلو ان انتي ودعاء كتبتوا وانا شلت الكلام جوايا وسكت
:((

Bent Men ElZman Da !! يقول...

ايوه هى حاله اللا حاله دى
بتبقى رخمه اوى
ان شاء الله تطلعى منها
جميله اوووى الاغنيه :)

reemaas يقول...

ريبال بيهس
اكيد هعمل كده علشان اقدر اوصل لحل
منورنى

reemaas يقول...

نيللى

انا كمان عندى نفس الاحساس يا نيللى
قربت تجنن
:)

reemaas يقول...

tarek_salah1000

ههههههههههههههههههههه

بتقول فيها
هى كشرى فعلا

reemaas يقول...

نور القمر

منورانى يا نور وميرسى على الدعوة ياقمر
من عيونى جايه

reemaas يقول...

دعاء العطار

يابنتى انتى زوقك عالى اصلا طبيعى تحبى منير

ومن ناحيه فيروس فهو فيروس كبير كمان

reemaas يقول...

شيرين سامي

بحاول واللى ياشيرى على اد ماقدر

reemaas يقول...

نهر الحب

ههههههههههه دعاء توئمتى باين يا سهاد


المهم اننا قدرنا نعبر عن اللى جواكى
هو فيروس زى ماقالت دعاء

reemaas يقول...

Bent Men ElZman Da !!


يااااااااااارب يا دينا يارب


انتى الاجمل ياقمرايه

مصطفى سيف الدين يقول...

على فكرة يا نور الحالة دي بتجيلنا دايما
دايما بتجيلنا حالة توهان وبنخترف ومش بتبقى مركزين في حاجة
لكن سرعان ما بنلم شتات النفس ونرجع
بس هو شوية صبر

reemaas يقول...

مصطفى سيف الدين


ياااااااااااااااااارب صبرنى يارب

حَنيّـن نِضال يقول...

مساء الخير :(

هو في فايرز في الجو و لا دا مرض معدي

اصل انا اضل الفايرس دا جالي من كذا يوم و عملي شلل و كمان انا عمال بقرا نفس الشي بكذا مدونة لغاية ما اتاكدلي انو فايرس معدي اجتاح الكل

ريري كربكه يقول...

قلبك مش فاضي ولا حاجه ده اكيد عامر بذكر الله وحب الناس
حلوه الاغنيه
تسلم ايداكي على البوست
تقبلي مروري

الاحلام يقول...

والله يا نور
احيانا لابدان يحدث هذا مع كل انسان وليس معكى وحدك يكن الانسان متطرب مشتت ومش عارف هو عاوز ايه ولكن سريعا ما يعود لطبيعته ويعيش حياته طبيعى جدا
تمنياتى لكى بالسعاده
تحياتى ابوداود

reemaas يقول...

ريري كربكه

ونعم بالله
منورانى ديما يا ريرى

reemaas يقول...

الاحلام

فى انتظار العودة للطبيعتى يا ابو داود

ツSmiLeY AnGeLツ يقول...

صباح البنفسج ع اجمل بنوتة

تصدقي ان الاحساس ده انا كمان بمر فيه
هو انا ليه بنزل مواضيع عن بلادي
لاني انا بنفسي مش عارفة اكتب
في كلام كثير عايزة اكتب فيه بس مش قادرة اعرف اكتبه
كيف اصيغة
قلت بدل ماالمدونة تفضل مستنيه مني موضوع جديد
انزل عن بلادي واعرفكم عليها

والله الشعور هذا جابلي الضيق
حاسة انه مليش لزمة بالدنيا دي
نفسي ابكي
مش عارف
نفسي اكتب كمان مش عارفة
بس يلا ازمة وتعدي

طولت عليك بالكلام
ماصدقت اني الاقي حد عنده نفس الحالة الي انا فيها
عشان اكيد هو بيحس بالي انا فيه
صح

جمعه مباركة ياقمر
تقبلي مروري ^_^

eng_semsem يقول...

احيانا بنتوه في سكتنا ونلاقي حاجات واختيارات قدامنا خايفين منها بس في الاخر لازم ناخد قرارنا اللي يخلينا نعيشها زي ما احنا عايزينها وبنحلم بيها
تقلبي تحياتي

reemaas يقول...

خواطري مع الحياة


منورانى ديما يارشا
وواضح ان الاحساس ده بقى دولى:)

هى فعلا فترة واكيد هتعدى ان شاء الله وادينا مع بعض لحد ماتتحل

reemaas يقول...

eng_semsem

ماهى دى المعادله الصعبه
اولا اننا يبقى من حقنا ناخد قرارنا

ثانيا اننا لما نخده يبقى بناخده علشان احنا نعيشها مش علشان نرضى الناس

اه لو اقدر احقق ده

افكار مبعثرة يقول...

احساس بيجيلي كتير و ببقى مش عارفة هو جاي ليه ولا هيخلص امتى و زي ما قلتي كده منطقة رمادية و انا اصلا بكره اللون ده :)
تحياتي ليكي و تقبلي مروري :)
الاغنية تحفة