الأربعاء، 7 سبتمبر، 2011

ندور ندور ....ندور



هل حاولت ان تغمض عينيك  وتفتح زراعيك وتدور...........

تدور .........تدور.............

فى محاولة منك لغربلة ما بداخلك..لترى ماذا سوف يقع وماذا سوف يبقى؟.؟

تجربه هى فريدة من نوعها تستحق التجربة:)

هناك 32 تعليقًا:

ابراهيم رزق يقول...

تصدقى حاولت
اجمل لحظات استمتاعى حين اغمض عينى و اتخيل
و حين اغمض عينى و اسمع سومة و فيروز

تحياتى

ابراهيم رزق يقول...
أزال المؤلف هذا التعليق.
reemaas يقول...

زوقك عالى جدا فى اختياراتك يا استاذ ابراهيم

عملت التعديل فعلا معلش بقى الكاى بورد بتخرف;)

سواح في ملك اللــــــــــــــــــه- يقول...

لا والله يابنوتة ماحاولتش

يمكن لاني رجل قدري بفتح الراء

يعني اؤمن بالاقدار وسايبها كده

زي ماترسي

ريــــمــــاس يقول...

صباحك غاردينيا نور
عارفة بعملها كتير وبدور لما بكون أسمع اغنية بحبها وساعات بغمض عيني زي ابراهيم رزق هههههههه طبعاً بشوف حاجات حلوة بتمنى لو تتحقق وافتح عيني الاقيها وفي نفس الوقت بتسقط احزاني وهمومي في الحظات الحلوة الي بنسى نفسي فيها "
؛؛
؛
لروحك عبق الغاردينيا
reemaas

دعاء العطار يقول...

ساعات كتير بعملها يانور

وخاااصة زى ريماس لما اكون بسمع اغنيه ... وفى الغالب بتكون لمنير وتلاقينى بشكل تلقائى غمضت عنيا فعلاً (: (:

امممممممممممم مش بفكر ساعتها انى اغربل الحاجات اللى جوايا

بحس انى مرتاحه .. لأنى بحس انى طايره ... وفاقده التوازن .. بحب الاحساس ده اوى

المره الجايه لما ادور هغربل الحاجات اللى جوايا (: لما أشوف ايه اللى هيفضل وايه اللى هيقع منى

حلو البوست وفكرته اوى لاننا من وقت للتانى بنحتاج للغربله (: (:

Sarah .. يقول...

أنا حاولت بس مش بالشكل دا
مش بإنى اغمض عينيا وافتح ايديا
بس كان بالاحساس دا
تحت المطر .. :)
سيبت نفسى تحت المطر فى الوقت اللى الناس بتجرى تهرب منه
حسيت انى بتغسل من جوا أووى وانى طايرة
عملتها مرتين
من الايام اللى مش بنساها والمرات القليلة اللى اتجننت فيها :)

حلوة فكرة البوست يا نور واحساس الغربلة كمان .. :)

خواطري مع الحياة يقول...

لما اكون مبسوطة بعملها
وادندن اغاني ام كلثوم وعبد الحليم
بس مااحال اشوف ايش الي يوقع مني

تقبلي مروري ^_^

Timo.. يقول...

خايف اعمل كده الاقي كل حاجة اتغربلت ووقعت وما بقاش حاجة ممكن تستنى..!!

صباحك نور.. يا نور :)

reemaas يقول...

سواح في ملك اللــــــــــــــــــه

جميله حاله الرضا دى يا خالد ربنا يديمها عليك

reemaas يقول...

ريــــمــــاس
يعنى جربتيها زى حلاتى يا ريمو مش انا لوحدى يعنى
الحمد لله
:)

reemaas يقول...

دعاء العطار

ايون يا دعاء صدقينى هتتصدمى من كتر الحاجات اللى هتقع وهتعرفى انك كنتى محملاها اكتر من اللى تستحقه

reemaas يقول...

Sarah ..

يا ياسارة احساس ان المطر بيغسلك ده احساس رائع انا عملتها مرة واحدة بس وماقولكيش

يارب اقدر اعيدها

reemaas يقول...

خواطري مع الحياة

حاولى تعمليها هتتبسطى كتير
منورانى ديما يا رشا

reemaas يقول...

Timo..
هههههههههه
تعرف ان ماعملتش حسابها دى
بس بردوا لو ده حصل يبقى كلها حاجات سطحيه ماتستحقش اصلا انها تستنى

صباح سكر يا تيمو :)

haneen nidal يقول...

اتدرين ذات مرة فردت يدي في الحواء و رحت ادور و ادور و اطوح بنفسي حتى فادركت انه اخذ روحي و تركني جسداً يعتلي دون جدوى من الانسجام مع الزمان . . .فعدت لنفسي فقد يعود الانسان !

reemaas يقول...

haneen nidal

نتيجة مؤلمة للتجربه

جايدا العزيزي يقول...

جربتها كثيرا نور

وخصوصا حينما يهزمنى اليأس وتسكنى الاحزان

فاعود صافيه كما كنت

اشكرك غاليتى

تحياتى

نهر الحب يقول...

فكرتيني بفيلم نهر الحب ونوال بترقص علي الفالس ولقت خالد وارتبطت معاها الرقصة دي بالسعادة كلها

انا حب اعمل حاجة كمان ممكن احط سمعات في وداني واغمض عيني والف الف مع اغنية بحبها واحس اني في عالم تاني سعاتها مش حغربل اللي جوايا ولا حاجة بس حنسي الدنيا كام لحظة كدة
:))

الاحلام يقول...

هنا الكل يريد فعل ما كتبتى ولكن هناك من يغربل ما بداخله وهناك من يدوخ من كثرة الدوران لان ما بداخله لا يظهر الا بالغربله الكثيره وهناك من لا يحب ان يقع منه شيئا فيحب ان يخزن ما بداخله دون ان يشعر به احد
هى تجربه فعلا تستحق التنفيذ ولابد ان تحدث كل مده حتى لا يكون بداخل الانسان شىء مخزن ومتراكم
تحياتى لكى ريماس وتحيه لقلمك الفيلسوف
ابوداود

Bent Men ElZman Da !! يقول...

بيبقى احساس جميل اوى
وبعيداً عن ان الواحد بيدوخ فى الاخر :)
بس احساس انك طلعتى بره نفسك ده حلو

reemaas يقول...

جايدا العزيزي

ايون يا عايدة ماهو ده للاسف احساسى اليومين دول

reemaas يقول...

نهر الحب

هو المشهد ده يا نهر الحب اللى نفسى بجد يحصلى
عرفتى تحتارى تشبيهك بمنتهى الروعه

reemaas يقول...

الاحلام

جربت التخزين يا استاذ محمد وصدقنى بيكبر الواحد وبيشيله هموم الدنيا

reemaas يقول...

Bent Men ElZman Da !!

من ناحيه يدوخ اه طبعاااااااا انصح كل واحد ان يغمض عينه بجد او بثبتها على حاجة محدددة ازاى ماعرفش :)

فشكووووووول يقول...

السلام عليكم
تحياتى
هذه مدونتى الجديده

على كل سأترك الكمبيوتر الآن واحاول بس خايف اقع .. هى محاوله مافيش منها خساره

تحياتى

reemaas يقول...

فشكووووووول

بالعكس هتكسب منها على ضمانتى
منورنى

citizen x يقول...

شكراً متير لإهتمام حضرتك
وياريت حضرتك تشرفيني بمتابعة مدونتي الثانية

تدويناتي

وبالنسبة لمسألة التحميل هحاول أجعلها 5 تدوينات بس في الصفحة الرئيسية

تحياتي

هينو يقول...

للأسف مفيش حاجة بتقع

ولو حاجة وقعت يبقى اللي إحنا أصلا عاوزينه يفضل

يا ريتها كانت بلفة تتحل

reemaas يقول...

هينو

بموت فى التفاؤل انا ياهينو

غير معرف يقول...

الحقيقة حاولت ولاقيت حاجات بجد مكنتش شايفها
وأحلى حاجة لما تعرف نفسك وتشوفها بتفكر إزاي وعاوزه أيه
وبعدين تحقق هدفك بكل مميزاتك

reemaas يقول...

غير معرف

عجبنى جدا اللى اكتشفته بعد التجربه
:)