الثلاثاء، 30 سبتمبر، 2014

مع نفسى 30








احساس بانى عاوزة اكتب حاجة بس مش عارفة اى هى..

احساس بانى عاوزة افضفض بس مش لاقيه كلام افضفض بيه.

احساس بان جوايا كلام بس من غير حروف فمش عارفة اقوله ولا اشرحه..

# مما_قرأت









فى كتاب وصف مصر .. يصف المصريين ايام الحملة الفرنسية كالاتى

" لايمكنك ان تكتشف ما يتعمل فى نفوس المصريين عن طريق ملامحهم,

فشكلهم الخارجى فى كل ظروف حياتهم يكاد يكون ثابت..هو نفسه,

اذ يحتفظون بملامحهم بنفس الحيدة وعدم الثأثر.. سواء حين تأكلهم الهموم او

يعضهم الندم او كانوا فى نشوة من السعادة العارمة.. فليس ثمة مطلقا رد فعل..

ويمكننا ان نرجع ذلك الى الطقس الثابت , وربما رجع ذلك  الى تعودهم على ان 

يكونوا على الدوام عرضة لنزوات الطغاة الذين يعم ظلمهم البلاد وفى كل يوم

تنشأ بشاعات جديدة تصبح الغفلة معها بالنسبة للمصريين نوع من الحيلة

لمواجهة هذا العبث..


حقا ما اشبه الامس باليوم !

الأحد، 28 سبتمبر، 2014

# الاخلاق









يربى ونيس ابنائه على عدم الطفاسة..على الرضا بما قسم 

الله لهم.. 

تنصح الام ابنها بان يحمد الله على ما فى يده حتى لا تجعله طفاسته ينظر الى ما فى يد الناس..

يربى ونيس اولاده على تظبيط احتياجاتهم على حسب امكانياته.. ويشرح لابنه انه بسبب طفاسته وطمعه سوف يحرم باقى الاسرة من احتياجات معينة باقى الشهر..

يربيه على تحمل نتيجة خطئه وان هذه النتيجة  من الممكن ان يدفعها معه من لا ذنب لاهم حتى يقدر المسؤلية.

فى حين اننا نتفنن فى تحقيق احلام ابنائنا ورغباتهم حتى بما يفوق قدراتنا.. العيال نفسهم ياكلوا كذا ياحبيبى اتصرف.. الواد نفسه فى موبايل تاتش أو لاب ياحبيبى فاحنا نعمل جمعية ونزنق نفسنا علشان نحققله اللى مش فى مقدورنا..

يكبر يحتاس ويبقى بنى ادم طفس الدنيا مش بتعمله زى ما ابوه وامه بيعملوله وهو مش طايل فيبص فى اللى فى ايد غيره..

ربوا ابنائكم فكما يقول ونيس الاخلاق اهم من العلم..

فعالم بلا اخلاق عالم سافل.

السبت، 27 سبتمبر، 2014

# الغيرة









استيقظت ذات صباح  ونظرت لنفسها فى المراًة.. ما الذى اختلف ؟!

قبل زواجها كانت فتاة جميلة تحرص على اناقتها,تتابع احدث خطوط الموضة وتحاول ان تطبقها بما يتناسب مع امكانياتها وشخصيتها.. فكانت دائما جميلة فى نظر الجميع خاصة خطيبها.. الذى اصبح زوجها ووالد ابنائها يوسف وبسمة..

ولقد اثبتت طوال فترة امومتها انها ام مثالية..مثالية اكثر من اللازم لو اردت الدقة.. فلقد اهتمت بكل تفاصيل اولادها لدرجة انستها نفسها..

لم تكتشف هول هذه الغلطة الفادحة الا عندما ظبطت زوجها امس وهو يحدق فى فتاة الاعلانات فى التليفزيون.. كانت نظرته عجيبة .. لم تدم الا ثوانى ولكنها كانت كافية لتلاحظها..
كانت كافية لتلاحظ انه لم يقل لها انتى جميلة منذ زمن.. هل لم تعد جميلة فى نظره.. اخذت تتأمل ملامحها .. هى لم تجدد من نفسها منذ ان انجبت يوسف..

كيف سمحت لنفسها ان تقع فى هذا الفخ الذى طالما سمعت عنه من تجارب من سبقوها للزواج.. 
لن تستسلم.. قامت من تختها وعندما ذهب زوجها للعمل اسرعت وتركت اطفالها عند والدتها ثم ذهبت لصالون التجميل غيرت من لون شعرها وطريقة تصفيفه ثم  عادت لمنزلها مسرعة تحضر الغذاء لاولادها و زوجها الذى عاد وتناوله ولم يعلق على تغيرها .. لم يلحظه.
لم تيأس ثانى يوم نزلت واشترت ملابس جديدة وحرصت ان يراها زوحها عند عودته بأرقهم.. لكنه ايضا لم يعلق..
استمر هذا الوضع لما يقرب من الاسبوع حتى بدأ الحزن يتملك منها

وفى احد الايام وهى مستمرة فى المحاولة بيأس فوجئت به بعد تناوله الغذاء يتناول يدها ويقبلها ويبتسم اعذب ابتسامة رأتها وهو يقول تسلم ايدك ثم اقترب وهمس فى اذنها : لون شعرك يجنن على فكرة
نظرت له فى ذهول : انت اخدت بالك؟!
 ضاحكا اجابها : طبعا 
قالت: طب ليه ماعلقتش
اجابها: كنت عاوز اعرف التغيير ده نتيجة غيرتك بسبب فتاة الاعلان اللى اتعمدت ابصلها  ولا وصلتك فكرتى ووصلك انى انا كمان محتاجلك زى ولادنا

الجمعة، 26 سبتمبر، 2014

# صورة_تحكى













عيش حلمك بكل تفاصيله ولابعد حدوده.. ماتعرفش مكتوبلك تحقق ايه فيه..

جايز اللى تخيلته شطحات احلام يكون هو قدرك :)

الخميس، 25 سبتمبر، 2014

عنها 33








عن احساسى لما كنت بقترح عليك حاجة نعملها فى بيتنا لما نيجى نجهزه وانت قلتلى براحتك ده بيتك اعملى اللى تحبيه..
عن بيتى.. عن بيتنا :)

الثلاثاء، 23 سبتمبر، 2014

# صورة_تحكى







دائما عنده بطء استيعاب للاحداث المفرحة.. او للتعاملات الجيدة مع البشر..

عندما تُلقى امامه نكتة ما فهو يأخذ ثوانى حتى يتفاعل معها..

عندما يبادره احدهم بمفاجئة مفرحة يأخذ وقت قبل ان يندهش ويفرح او حتى يُصدم..

عندما يقوم انسان ما بعمل معروف له فهو يصمت قبل ان يشكره او حتى قبل ان يفرح به ..ليث شكا فى نواياه وانما وقفة مع النفس للاستيعاب..

 فقط عندما  تبادره مشكلة او صفعة غدر .. فهو يبادرها بباتسامة !

الأحد، 21 سبتمبر، 2014

# مما قرأت









فى حوار دار بين المفكر الفرنسى اندريه مالرو ورجل دين امضى اكثر من 15 عام 

يستمع الى مشاكل الناس وهمومهم

مالرو: ماذا تعلمت من اعترافات البشر ؟

رجل الدين: تعلمت ان الناس اتعس كثيرا مما نظن..وان ليس هنا اشخاص كبار

فلا تحكم على الانسان من مظهرهه اللاهى والعابث , فعندما تقترب منه

قد يكشف لنا ماًسى مختفية وراء الاقنعة الظاهرة.. اننا جميعا صغار امام مشاكلنا

وامام الالم والوحدة وافتقاد العطف.

السبت، 20 سبتمبر، 2014

# الحلم









لا تبنى كل الاحلام على حلم واحد ان فقدته او تعسر تحقيقه ضاعت باقى الاحلام..

لا تَحمل باقى احلامك ذنب حلم لم يتحقق .. ولا تعاقبها وتعاند وتطيح بها فى مهب الريح من اجل عقاب هذا الحلم او حتى عقاب نفسك..

ان لم يتحقق الحلم فلا تأخذ قرارات سريعة واترك لنفسك فرصة للتعافى  فحلمك يستحق منك فترة حداد مناسبة تبكيه فيها وتتعافى وتعيد ترتيب اولوياتك حسب معطياتك الجديدة..

الخميس، 18 سبتمبر، 2014

#ذكرايات









عن .. نزولنا قبل بداية الدراسة بفترة علشان نشترى هدوم المدرسة.. بنى , رمادى ,كحلى

عن .. جزمة المدرسة السودا ام رباط والشراب الابيض ابو دانتيل

عن .. شنطة المدرسة الجديدة والزمزمية 

عن.. الصحيان بدرى وسماع الراديو كل يوم على اذاعة البرنامج العام ساعة الفطار وصوت فؤاد المهندس وهو بيقول كلمتيين وبس

عن .. وقفة الطابور وتحية العلم ونتسابق على مين يلحق يقعد فى التختة الاولى ولا تحت الشباك

عن الكراسات الجديدة اللى بيطلبها كل استاذ باشكال مختلفة والوان جلادتهم

عن.. الكتب الجديدة وريحتها الحلوة

عن.. اذاعة الصباح وكل المدرسة واقفة بتسمعك

عن.. اول مرة نلبس الحجاب الابيض فى المدرسة

عن.. الكتابة على التخت 

عن.. جرس الفسحة وكانتين المدرسة 

عن .. هيييييييه اللى بنقولها واحنا مروحين

 

الثلاثاء، 16 سبتمبر، 2014

على الهامش ..28









لما بنفرح اوى يتقال لنا ماتبينوش فرحتكم علشان ماتتحسدوش..

لما بنزعل اوى يتقال لنا  ماتبينوش حزنكم علشان ماتصعبوش على حد او ماحدش يشمت فيكم..

لما بنغضب اوى بيتقال لنا ماتبينوش غضبكم علشان ماحدش يعرف نقطة ضعفكم ويقدر يخرجك عن شعورك..

لما بنسامح بيتقال لنا ماتبينوش انكم سامحتوا ونسيتوا كده على طول ,ماتبينوش طيبتكم واعملوا زعلانين وخدوا موقف علشان ماحدش يركبكم ..

لى كبت المشاعر ده؟! ليه لازم نخبى اللى حسينه كده ؟! ليه ديما خايفين على نفسنا من بعض كده؟! ليه بنعمل حساب الناس كده ؟!!!

الاثنين، 15 سبتمبر، 2014

#صورة_تحكى










وقفت امام مراَتها تتأمل وجهها والدموع السوداء تغرقه.. لقد طلب مازن من سارة أن تحدد موعد مع أهلها لكى يطلب يدها !

مازن.. ذلك  الفتى الوسيم الذى يأتى شهريا ليحصل من صاحب المحل قيمة التأمينات.. أول يوم دخل فيه المحل لفت نظرها ..

أخذت تُحدث سارة عنه وتنسج قصة وتحلم بتفاصيلها مما جعلها  تتمنى أن تلفت نظره بخفة دمها الشهيرة .. نعم هى ليست جميلة مثل سارة ولكنها خفيفة الظل ومتحدثة لبقة..
وبالفعل كان دائما يلقى عليها وحدها التحية.. يلقى سلاما عاما ثم يقول (ازيك يا منى )..كان يبتسم لها.. لها وحدها.. أو هكذا هيئ لها..

فوجئت  مثلما فوجئت سارة نفسها بطلبه ! .. لماذا سارة ؟! منذ متى وهى تلفت نظره؟! لماذا لم يظهر؟ لماذا اختارها وهى التى لم تنظر اليه مرة واحدة؟!!

تُراها كانت تنظر له خلسة وهى غافلة ! ؟ أم تراه اختارها  لأنها لم تكن تحادثه أو تهتم به من الأصل ؟! ..نعم هكذا هم الرجال يلفت نظرهم من يهملهم !

أم تراه اعتقد انها تحادثه لانها متساهلة وسارة الصامتة هى المحترمة.. أغبياء !

لكنها تثق أن سارة لم تكن تراه .. هى وافقت لأنه عريس مناسب وفقط..نعم هو يستحق هذه النهاية.. يستحق من ترضى به لأنه عريس وفقط وليس لانه هو ..

مسحت دموعها وابتسمت لنفسها وقالت سوف يأتى من يرى ابتسامتى .. سوف يأتى من يفهم انطلاقى فى الكلام كطبع ولا يظن بي الظنون.. سوف يأتى من يقدر الاهتمام..
سوف يأتى.

السبت، 13 سبتمبر، 2014

عنها ..32








ولك فى كل يوم يمر علىَ نصيبا  فى الدعاء..

لك فى كل ساعة تمر علىَ نصيبا فى الذكر..

لك فى كل دقيقة تمر علىَ نصيبا فى الذكريات..

لك فى كل أُمنياتى وخطط مستقبلى دور..

لك فى كل أحلامى يقظة كنت او نائمة مكان.

الخميس، 11 سبتمبر، 2014

#صورة_تحكى









احساس مرير عندما تدفعك الظروف لدفن شيئا صنعته.. 

لقتل شيئا تفننت فى ان تجعله جميل ودائما..

كنت اعمل جاهدة لجعل كل يمر بنا جدير بان يحمل لقب ذكرى..
ذكرى نعيش على طاقتها..

وها انا اليوم استميت لقتل  تلك الذكريات حتى استطيع ان احيا !

الأربعاء، 10 سبتمبر، 2014

# اتجنن





عمرك شغلت مزيكا على العالى ورقصت لما قلت يا بس..

عمرك اكلت ايس كريم فى عز البرد..

عمرك مشيت تحت المطر وماهمكش حاجة..

عمرك كلمت اللى بتحبه وبدل ماتقول له الو غنتله اغنية هو بيحبها بصوتك  حتى لو مش حلو..

عمرك قلت رأيك بصراحة لحد مسؤول وماخفتش..

عمرك خفت بس ماوقفتش وكملت..

عمرك ماعملتش حساب لصورتك فى عيون الناس..

عمرك جيبت لنفسك هدية علشان تفرحها.. علشان حسيتها تستاهل..

عمرك فكرت تسيب شغلك اللى جيبت فيه اخر ماعندك وجربت تبدع فى حاجة تانية..

عمرك فكرت بعد ما تخرجت من الكلية اللى دخلتها تبع التنسيق انك تتعلم الحاجة اللى كنت عاوزها اصلا

عمرك اتجننت..

 

الثلاثاء، 9 سبتمبر، 2014

على الهامش ..27










زى ما بتصحى كل يوم تغسل وشك  وترجع تعمل ده كذا مرة فى اليوم ان كان فى الوضوء او بس علشان تفوق او تشيل أثر اليوم ..
زى ما بتعمل ده اتعود كمان تغسل روحك.. اتعود تغسل نفسيتك ومودك..
القالك طريقة تخرج بيها كبت اليوم وضغطه ..
اكتب.. غنى بصوت عالى.. عيط.. اضحك.. اجرى.. اعمل رياضة
 حتى لو هتشخبط..  اعمل اى حاجة تخرج بيها اللى جواك .. ماتسكتش.. ومش لازم كل مرة تنام .. النوم وسيلة ممكن بس مع التعود هيبقى هروب..
 

الأحد، 7 سبتمبر، 2014

# رحيل









على من نحبهم عند الرحيل ان يرحلوا مع اشيائهم.. لا يتركوا ورائهم تفاصيلهم.

فكر بذلك بعد ذهاب المعزين وخلاء البيت عليه.. اولاده بغرفهم كل منهم سوف 

يبكى أمه ثم سوف تحتل تفاصيل حياته وبيته الخاص تفكيره.. لكنه سوف يبقى 

هنا مع كل اشيائها..

سوف يبقى مع نصف سرير فارغ.. من سوف يحدث توازن به! من سوف يشغل 

الجانب الايمن منه..

هذا الهواء بالبيت كثير عليه وحده .. من سوف يتقاسمه معه..

افكار كثيرة اخذت تتلاطم فى رأسه الى ان من الله عليه بالنوم .




* مستوحاه من رواية الحب فى زمن الكوليرا

#صورة_تحكى 

السبت، 6 سبتمبر، 2014

#ابداع





ان تكون مبدع .. ان تجعل من فكرة بسيطة اية من الجمال وكأنها اختراع 

قام الفنان الامريكى مايك ستيلكى بجمع الكتب القديمة غير المستعملة وتحويلها الى لوحات فنية رائعة  جعلته من اشهر الفنانين 



#صورة_تحكى

الجمعة، 5 سبتمبر، 2014

على الهامش..26










فى حاجات كده بتكون شكل شخصيتنا عند الناس وعندنا..

مثلا طريقة كلامنا ,ضحكنا , طريقة بكانا , نرفزتنا , هزارنا ,مشيتنا ..

كل تفاصيل تصرفاتنا بتكون شكلنا اللى ممكن يكون احلى بكتير من شكل ملامحنا..

بنمتلك كلنا اشكال لشخصيتنا  فى الغالب بتبقى جميلة وبريئة بس للاسف ممكن تقع مننا تفاصيل منها مع الوقت وضغوط الحياة..

ممكن احنا ناخد بالنا ونحارب علشان نحافظ عليها .. وممكن حد يدخل حياتنا يرجعها لينا تانى .. او تضيع للابد بفعل الظروف 

الخميس، 4 سبتمبر، 2014

على الهامش..25







عندما نسجل لحظات من حياتنا بالتصوير او بالفديو يمكننا دائما ان نسترجعها ونشاهدها  فقط لنتذكر.. ولكن لا يمكننا ان نغير بها اى شئ ..
يجب ملاحظة ذلك ونحن نصنع لحظاتنا.. يجب ان تكون رائعة لتصبح على مستوى ذكرى غير قابلة للتغير وفى بعض الاحيان للنسيان

الأربعاء، 3 سبتمبر، 2014

عنها..31






مياه راكده كانت حياتى ..
وانت الحجر الذى رماه القدرفيها..
لن تعود حياتى ابدا كما كانت فلقد خلقت بوجودك حياة اخرى بتفاصيل متجددة دائما ستحمل دائما توقيعك..

الثلاثاء، 2 سبتمبر، 2014

على الهامش.. 24







ساعات بحس ان التجارب فى الدنيا هى حلقات مفرغة.. او دواير فيها نفس القصص بيعيشها ناس مختلفة.. بتختلف تفاصيلها فقط باختلاف ردود افعال ابطالها.. لكن هى نفسها فى كل شئ اخر