الأحد، 24 أبريل، 2011

اغضب كما تشاء




غاضب انت كثيرا,وتعتقد دائما انى لا اصدق انك احببتنى,وتعتقد انى لا اتفهم ان هناك ظروف حالت بين تحقيق احلامنا!!

لا يا سيدى انى اتفهم هذا جيدا.....وهنا تكمن المشكلة!!!!!!!!!

هذه العقبات او الظروف او ايا كان ما تسميه بها هى ماجعل حبى لك يختلف عن حبك لى


فحبى لك كان قادر على تحدى كل تلك العقبات, وحبك لى وقف امامها حائر عاجز!!!!!!!

حبى لك اكسبنى قوة المواجهة,وصلابة المحاربة من اجله...اكسبنى القدرة على الحلم بما سوف يأتى ,ولكن.....

حبك جعلك مقيد,ضعيف, ولم يستطع ان يجعلك تنظر الا تحت قدميك

هذا يا سيدى الفرق........

هكذا انت تحب....وهكذا احببت انا!!!!!!

الخميس، 21 أبريل، 2011

سذاجة

       




                 هم يرحلون لانهم لا يريدون البقاء...........ونحن بكل سذاجة ننتظرهم!!!

الاثنين، 18 أبريل، 2011

تاج الثورة

مسا الوردات على عيونكم النهاردة عندى تاج من الجميلة شرين  نبتدى........

السؤال الأول: * هل توقعت ثورة 25 يناير؟


     لا طبعا ماتوقعتهاش يعنى اخر توقعاتى كانت مظاهرات علشان تغيير حكومة نظيف ليس اكثر علشان كات افورت الصراحة

وهل كنت من ثوار ميدان ( التحرير - الكنبة - الكمبيوتر - حدد الميدان الآخر الخاص بك)؟

  لا الصراحة اناماكنتش من ثوار حاجة بالعكس انا كنت من المتخوفين جدا من الثورة ومن المقتنعين ان اكيد فى ناس هيخربوا فيها وكنت متوقعه احداث 28 يناير لابعد حدودها بغض النظر عن انها كانت مؤامرة وكده ده انا ماتوقعتوش بس توقعت ان العشوئيات هتهجم كنت خايفة جدا الصراحة على البلد

* ما لم تنجح الثورة في تحقيقه هو:

ان يكون فى ثقة بين الناس وبعضها لانها انعدمت فى الفترة الاخيرة,انها تتحكم فى غلاء الاسعار البشع اللى موجود,انها تنزع روح التشفى وتزرع روح البناء بقى ده لحد دلوقتى لسه ماتحققش

* أكثر شىء فرحك في هذه الثورة هو:

ان الخوف من اللى فوق قل رغم ان ده زى ماله مزايا له عيوب برده,وان الشباب احباطه وانكساره انتهى ماعدش فى حد كبير بيقول لحد صغير انت عيل مالكش لازمة فى الدنيا, وقبل كل ده ان مصر بقت من  تانى مركز اهتمام العالم ده غير اننا كمصريين عرفنا اهمية امننا واستقررنا للعالم قبل مايكون مهم لينا

* الشخصية التي أعجبتك خلال الثورة:

بينى وبينكم كده ماحدش اصل الكل ماكنش مستوعب والاراء كلها كانت وليدة اللحظة ماحدش يعنى رائيه او موقفه لفت نظرى

 * الشخصية التي احتقرتها بسبب الثورة:

كل اللى كانوا بيهللوا قبل التنحى وبعد التنحى شتموا ولعنوا واولهم مصطفى بكرى

* أطرف ما سمعته خلال الثورة؟

اكييييييييد النكت اللى كانت بتارخ كل لحظة من لحظات الثورة انتم عارفين اننا لو جمعنا النكت دى هنحصل على احداث الثورة بالترتيب؟

* القناة التي تابعت من خلالها أحداث الثورة هي:

العربية ودريم2

* الجريدة التي كنت تقرأها لتتابع الثورة:

لا ماكنتش بتابع اخبار الكل كان بيكدب سواء قومى او حزبى كله كان مش امين فى اراءه واخباره

* الكاتب المفضل خلال الثورة:

بامانة انتم .
كنت بتابع المدونات اكتر من الكتاب ماعرفش لى ماكنت مصدقاهم

* المذيع (المذيعة) المفضل خلال الثورة هو:

للاسف الشديد لايوجد


* كلمة تقولها لشهداء وجرحى 25 يناير:

انتم اللى عملتوا الثورة,قبلكم كانت مجرد احتجاجات وبعدكم بقت غضب وتكلمت الاغلبية الصامتة نحتسبكم عند الله شهداء

* متقولش إيه إدتنا مصر وقول حندي إيه لمصر.. عندك حاجة تديها لمصر؟ 

اول مرة تتقال الجملة دى من غير رنة التريقة اللى كانت بتتقال بيها قبل 25
عندى شغلى اللى اتقنه واتقى الله فيه علشانها,عندى رائ اللى ماخفش اقوله بعد كده
عندى صوتى اللى هشارك بيه علشان احدد مستقبلها

* من سترشح لرئاسة الجمهورية؟ ولماذا؟

ولا حد لحد دلوقتى لان كل الموجود يا اما نزل من نظرى بعد التنحى زى عمرو موسى يا اما ماكنتش حباه اصلا زى البرادعى يا اما ناس لسه مش باينلها برنامج او منهج زى الباقى يا اما ناس الغرض من ترشيحهم الضجة الاعلامية فقط وبالتالى اللى هيفرق اعتقد البرنامج الانتخابى

 * لو أصبحت رئيسا لمصر ما هي أول ثلاث قرارات لك؟

الاهتمام اكتر بامن مصر خارجى وداخلى,اعادة علاقات مصر بدول الجوار الدول العربية والافريقية والاسلامية واعادة توزيييييييييع المبانى الحكوميه على البلد كلها والغى المركزية بتاعه القاهرة دى
وكمان كل محافظات الدولة تبقى على قدرة لاستقبال اى وفود خارجية مش شارم والقاهرة بس

* لو أعطوك نصيبك من المليارات المسروقه, ماذا تتوقع أن يكون نصيبك منها و ماذا ستفعل بهذا المال؟

ويدوهالى لى  يا جماعه دى فلوس الدولة بمعنى لازم يتبنى بيها الدولة تانى اقتصاد مصر فى الضياع يعنى بتوجع لما بتابع على شبكة رصد ان مصر هتعلن افلاسها قريب جدااااااااااااا


* بمرر التاج ل


يعنى شرين مررته للكل يا جماعه ههههه
فانا احب اديه ل
Timoصاحب مدونة اسف على الازعاج


 

الجمعة، 15 أبريل، 2011

؟؟؟؟؟؟؟؟؟؟






يقولون لى كثيرا فى الاونة الاخيرة يجب ان تنسى يجب ان تكملى حياتك وتجعلى مافت مجرد ذكرى عابرة

قلت حسنا سوف انسى..سوف اجد طريقة لذلك وفكرت ووصلت الى خطة للنسيان

خطة محكمة وليها خطوات ثابته

سأمحى من هاتفى رقمه وصوره ورسائله,سأمزق هداياه,سألغى كل تفاصيل يومى التى تذكرنى به

نعم انها خطة مثالية جدااااا..................لم انسى

كل تلك التفاصيل محفورة فى الذاكرة,احفظها عن ظهر قلب......اذا الحل الوحيد ان افقد الذاكرة!!!!!!!

يقولون لى انسى ان النسيان هو الحل الامثل الذى سوف يعيدكى الينا كماكنتى

فنظرت لهم متعجبه وقلت وهل تغيرت؟!!

قالوا نعم اين ابتسامتك  الشهيرة؟! اين ضحكتك الطفوليه البريئة التى كنا نحسدك عليها؟!

نعم انا لم اعد ابتسم مثل الاول ,لم اعد اضحك مثل الاول,لم اعد انا نفسى مثل الاول

ما العمل اذا وانا لم استطع النسيان؟هل سابقى هكذا؟

اغمضت عينى فى يأس

واذ بذكرى له تحتل تفكيرى!

واذ بى ابتسم!!!!!!!!!!

الأحد، 10 أبريل، 2011

مخمخة2






كان لى صديق فيلسوف باقوال الحكماء شغوف

كنت جالسة معه يومامسهمة"شبه الصورة بتاعة البروفيل بالظبط"فقال لى ماذا بكى يابنيتى

نظرت له وقلت"هناك سؤال يتردد فى زهنى كثيرا مؤخرا ياسيدى
                        :من اين يبدأالحب ومن اين ينتهى؟؟ "

فقال"يابنيتى ان الحب يبدأمن العين وينتهى منها"

فنظرت له باستغراب وقلت"وكيف ذلك؟!!"

فقال"انه يبدأبنظرة من عين وينتهى بدمعة من نفس العين"    

الثلاثاء، 5 أبريل، 2011

مخمخة





كان لي صديق فيلسوف,بأقوال الحكماء شغوف...

قلت له يوما"ماذا اقول له اذا قال لى انا رجل بلا قدر فكونى انتى لى قدرى؟"

فسكت قليلا ثم قال"قولى له يابنيتى انما الاقدارالتى قدرها الاله فلو كنت قدرك فثق انه ات" 

السبت، 2 أبريل، 2011

talent

                                                صباكم سكر 

 فى المعتاد انا مابحبش الحاجات المنقوله عن برامج اجنبيه او افلام او مسلسلات لانها مابتطلعش بنفس المستوى وده بيضايقنى

لكن لكل قاعدة شواذ وحاجات ممكن تصيب زى برنامجarabs got talentطبعا معروف انه منقول عن برنامج مشهور انا من متابعينه جدا وهوamerican got talent

بغض النظر عن لجنة التحكيم المستفذة وبغض النظر انهم بعد كده لو هيعملولها اجزاء لازم يغيروا عمرو اديب بجد مستفذذذذذذذذذذ لابعد الحدود  بس البرنامج بجد مقدم مواهب حلوة اوى

معرفش انتم متابعينها ولا لاء بس انا هختار ليكم حاجات عجبتنى جدا جدااااا ويارب تعجبكم كمان واخترت احطها هنا علشان تبقى متسجلة عندى لانها بجد تستاهل ده

دى اول موهبة



ودى تانى حاجة


ودى  بقى تانى احلى الحاجات اللى عجبتنى جدااااااااااا

 الرسم بالرمل