الاثنين، 20 يونيو 2016

رسالة 42 (رسايل الى مجهول)
















(42)

بمناسبة الرسالة اللى فاتت..

 تعرف انى ساعات بحسنى مشتركة معاهم فى المؤامرة عليك..

 فى احلام انا ممكن احققها لوحدى بس عينهالك تحققهالى او على الاقل تحققها 

معايا..

 عاوزة احس انى محتجالك.. 

انا معتمدة جدا على نفسى لدرجة تخوف..

 لو حققت كل حاجة واتعودت على كده خايفة ماحتجش ليك

الجمعة، 10 يونيو 2016

عنها ..52








- بتعملى ايه بس بطلى جنان !

- جنان ايه انا بتصور سيلفى ,تعالى نتصور يلا :)

-انتى مازهقتيش يا بنتى ده الموبايل بتاعك خلاص مابقاش فيه مساحة!

- لا طبعا مازهقتش وكمان بعد السيلفى هظبط تاي الموبايل ونتصور عادى هه بس

- مش عارف ! كان فيه واحدة باين بتقولى مابحبش اتصور كتير تعرفيها ;)

- ههه ده صحيح بس سيادتك ده كان قبل ما احبك, من بعدها  كل حاجة اتغيرت بقيت بحب اتصور بحب اسجل كل لحظة ليا معاك وافتكرها كل شوية بتفاصيلها واتخيل مثلا بعد عشر سنين لو شفت الصور دى هضحك وافتكر تفاصيلها وافتكر ليه عملنا الايموشن ده وقتها ولا هضحك بس على لحظة حلوة مرينا بيها..

-بس الاكيد يعنى انك هتضحكى وده اللى يهمنى 

- اه طبعا ده اساسى.. ثم انا بحب نفسى اوى بعد ما حبيتك .. حسانى احلى :)