الثلاثاء، 13 سبتمبر، 2011

مش عارفة اسميها



للمرة الالف بدء الشجار بينهم بلا بدايه حقيقية,فهو متزوج منها من 7 سنوات ورغم ذلك لا يسطتيع ان يذكر كيف يبدء شجارهم؟!!

يعلم جيدا الاسباب ويعلم جيدا الاحداث التى تكاد تتشابه فى كل مرة .......صوتها العالى ,رفضها لكثير من طباعه,مسؤلية البيت التى يتركها كلها على عاتقها متعلل بشغله الدائم الذى يسرق كل يومه وبدون طائل ملموس

فهى تسمع عن المحاميين كل خير من فلل لشاليهات فى الساحل لسيارة للزوجة قبل الزوج احيانا
......وترى ان مايملكه من شقة جميلة بالنسبة للطبقة المتوسطة لم يبقى عليها سوى قسط واحد,او سيارة موديل العام قبل الفائت ماهم الا استهتار منه بها وببيته واطفاله .....!

حاول يشرح لها مرارا انه ليس مثل هؤلاء فهو لايقبل اى قضية لابد له ان يتاكد اولا ان قضيته عادلة وموكله مظلوم,حاول يشرح مرارا انه ليس بعبيط عندما يخصص وقت من مرافعاته بدون اجر للغلابة وان الله يعوض عليه دائما.....حاول مرارا ....ثم مع الوقت كف عن المحاولة.

فى بدايةمشاجراتهم كان دائما يحاول تهدئتها وبعد سنتين من التهدئة تعلم هو الاخر الصوت العالى وهو شئ مخالف لطباعه المعروفة لكل الناس واولهم زوجته,
وبعد سنتين اخرى اكتشف ان صراخ زوجته ماهو الا شحنة سواء صرخ امامها او حاول تهدئتها سوف تنفجر على اى حال...فقرر الانتظار حتى تخرج هى كل الشحنة ثم يبدء فى التوضيح واللوم والعتاب والذى منه...


ولكنه منذ فتره لابأس بها بدء يشعر انه منهك القوى لم يعد يستطيع ان يتشاجر او ان يهدئ او حتى ان يصمت...لم يعد يستطع ان يلوم او يعاتب...فما طائل كل ذلك؟
هل ستتوقف المشجرات؟هل سوف تهدئ تلك المرأة؟وما ذنب هذين الطفلين فى هذا الصخب الذى اصبح روتين يومى لهم
ماجدوى هذا كله وما جدوى نجاحه الملموس حتى وان كان بطئ فى عمله طالما حاله هكذا


اين هو من كل ذلك؟
عندما قرر اختيار زوجته اختارها بمقاييس ترضى الاسرة والمجتمع وهو ايضا ان امكن
ولكن هذه هى النتيجة؟فلماذا لايحب ؟هو الوسيم الذى مازال فى مرحلة الشباب لماذا لايجد امراة تسعده كما يريد؟

لماذا لايترك كل هذا وراء ظهره ويغير حياته كلها كما يريد هو ؟
وبالفعل ولدهشة الزوجة تركها فى نصف المشاجرة واخذ مفاتيح السيارة ورحل ..دون كلمة


ركبها وبدء يخطط لحياة بلا زوجة نكدية وبلا صراخ
حياه بلا موكلين ولا قضايا ولامحاكم ولا غلابة...حياة محورها هو فقط........

طيب اين يذهب الان ؟كل اصحابه من شلةزمان تزوجوا وماينفعش يروحلهم اكيد حالهم من حاله

ماعدا صديقه اشرف هو العاقل الاعذب الوحيد ......اذا سوف يذهب له ويأخذه وينطلقا على الاسكندريه ليقضيا يوم او يومين من ايام زمان....فلنجعلها اسبوع
بدء يخطط لتفاصيل الرحلة ولم يدرى كم ظل سائق لسيارته ولكنه قرر التوقف بعد ان اتم كل الخطة

وبالفعل توقف واذا بعم محمد البواب حارس العمارة التى بها مكتبه يفتح له الباب ويلتقط حقيبته
وهو يردد :صباح الخير يا استاذ احمد حضرتك اتاخرت النهاردة شوية لعله خير
         
ظل احمد ينظر له فى صمت ويكاد يصرخ مالذى حدث لخطتى وماذا جاء بى الى هنا؟؟؟؟؟؟؟؟
حاول منع عم محمد من الصعود مصححا له انه من المؤكد هناك خطئ ما فليس من المفروض ان يكون هنا
ولكنه ولدهشته وجد نفسه يقول :صباح الخير ادينى جيت ياسيدى


اسفة يا جماعة دى اول مرة اكتب حاجة زى دى وان كان هناك محاولة بيض بالعجوة لمن يذكرها منكم ماعرفش كويسه ولا لاء ولا عارفه اختارلها اسم بس بقالها فترة عماله تدور فى دماغى لحد ماصدعتنى وقرر اكتبها بقى وخلاص



هناك 29 تعليقًا:

سواح في ملك اللــــــــــــــــــه- يقول...

بالعكس يانور انتي اسلوبك جميل اوي فيها

وفيه حد يابنوتة يطيق زوجة نكدية زي دي

انا لو مكانه كنت طلقتها فورا

بدل مارتكب فيها جريمة هههههه

هتقوليلي والاطفال

هقوللك

يعني هي حياتهم وسط الصريخ والزعيق

هتبقي حلوة اوي

كدة كدة اتكتب عليهم ام

استنجلينا

قصتك حلوة يانور

وترك النهاية مفتوحة

دة جميل جدا

تحيتي

دعاء العطار يقول...

حلوه أوى يانور بجد وبيض بالعجوة برشه كانت حلوة

انا بتفرس بصراحه من البنات اللى بالنوعيه دى

وجعلنا لكم من أنفسكم أزواجاً " لتسكنوا " اليها

لتسكنوا مش عشان يبقى وهو جاى البيت كاره نفسه من الزن اللى هيحصل وبيقدم خطوه ويرجع الف عشان مايشوفش مراته

هو ده الزواج ؟!

قصتك جميله ومكتوبه حلو اوى وانا تعاطفت معاه جداً

عايزين من ده كتيييييير (: (:

reemaas يقول...

سواح في ملك اللــــــــــــــــــه-

نماذج موجودة يا خالد ولو جيت سمعتها هتطلعه هو اللى غلطان جدا جدا

خيوط رفيعه جدا بينسجها اتنين ليكملوها سوا ويتعمل توب ييقطعوا كل حاجة

مبسوطة اوى انها عجبتك فرحتنى الحقيقه

reemaas يقول...

دعاء العطار

بحاول يا دعاء والله على اد ماقدر بس انا مش قصاصة انا عارفه لكن بتيجى اوقات فى دماغى افكار من المحيطين بيا فبتطلع كده

الاحلام يقول...

مع انك لستى من هواة القصص نور الرقيقه لكن صدقينى اختى انا اعجبت بها جدا واسلوبك رائع ومتميز قصه كمان وتنفسينا فى السوق حاكم انا مش بعرف اكتب غير بيض بالعجوه فالمنافسه ستكون شديده بنا ههههههههههههه
تحياتى نور الخالصه ابوداود

haneen nidal يقول...

اسلوبك سلس و مشوق و ان كانت هذه المرة الاولى فهذا ابداع ما شاء الله

و متل ما قال الاخ سواح مكان طلقها و ريح راسو ^_____^

reemaas يقول...

الاحلام
هههههههههههه
والله طمنطنى يا ابو داوود

reemaas يقول...

haneen nidal

كان فيه محاوله بسيطة قبلها اسمها بيض بالعجوة بس كانت قصيره
هى اول مرة قصة طويله نوعا
مبسوطة اووووووووووووى انها عجبتك

ريــــمــــاس يقول...

صباحك غاردينيا نور
قصة واقعية للأسف هناك بعض الزوجات من تفتعل المشاكل وتحول ذلك العش الزوجي الى ساحة معارك تجعل الزوج يغادر وتبدأ المشاكل بتزيين زوجة جديدة لتكون حينها نهاية هذا الزواج او على الأقل إزدياد تخبطه بين الأثنين "
؛؛
؛
دائماً رائعة يانور
لروحك عبق الغاردينيا
كانت هنا
reemaas

مصطفى سيف يقول...

قصة واقعية جدا وتحدث يوميا
كل منا يحلم بثورة على حياته لكن يسوقه الروتين دوما الى طقوسه المعتادة
قصة رائعة تسلم ايدك يا نور

ابراهيم رزق يقول...

هاعترفلك اعتراف خطير جدا

حدثت قصص شبيهة لما حدث كثير

التعود قد نسرح بخيالنا كثيرا
لكن الواقع به من القوة و الجذب ليشدنا الى ارضه

تحياتى لفكرك الجميل
على فكرة اين يومياتك فى العمل هم بوستان و نسيتى

خواطري مع الحياة يقول...

الله يعينه
كيف صبر ع زوجة نكديه 7 سنين بحالهم
هههههههه
قصة واقعيه واسلوبك حلو في سردها

تقبلي مروري ياقمر^_^

reemaas يقول...

ريــــمــــاس

ده حقيقى يا ريماس فعلا

مبسوطة جدا انها عجبتك

reemaas يقول...

مصطفى سيف

مبسوطة اوى اوى يا مصطفى انك وصلت للفكرة دى من القصة اصلى بينى وبينك هى اللى كنت اقصدها

reemaas يقول...

ابراهيم رزق

وهى دى المشكله يا استاذ ابراهيم او التساؤل بمعنى اصح

هل ده حاجة صحيه اننا نسيب الواقع ديما يشدنا؟

فرحتنى اوى انك فاكر اليميات ولجل عيونك هكملها حاضر

reemaas يقول...

خواطري مع الحياة

منورانى ديما يا رشا
صبره التعود على الواقع ورغبه الانسان ان حياته ماتواجهش فشل

FAW يقول...

أعوذ بالله من الزوجة النكدية :))

ساعات الواحد بياخد وقفة كده في حياته ويقول : إيه اللي أنا بعمله في حياتي ده !!!

خيالك واسع يا نور وأسلوبك كويس
بس النهاية أحبطتني :)

تحياتي . .

reemaas يقول...

FAW

اه انا كمان والله بحس انى عاوزة اقف واقول ايه اللى انا بعمله ده

مبسوطة جداااااا انها عجبتك واسفه على النهايه

بنوتة مصرية يقول...

مشكلة كل يوم بنسمع عنها وبنشوفها ..

أسلوب وطرح جيد


تحياتى

ريري كربكه يقول...

تعبيراتك حلوه اوي يا نور
وهيفضل الازواج كلهم كده لازم يبقى في خناق وشجار بينهم
هي ديه بهارات الحياه

reemaas يقول...

بنوتة مصرية

مبسوطة كتير انها عجبتك
منورانى

reemaas يقول...

ريري كربكه

يارب بس البهار مايزدش عن حده
منورانى ديما ياااااارب

Tarkieb يقول...

والله حقيقية جدا....برافو عليكي

reemaas يقول...

Tarkieb

:)

تسلم
فينك من زمان مش بشوفك هنا

ريري كربكه يقول...

ربنا يخليكي يا قمرايه ده نورك انت
الحياة الزوجيه ديما مليانه بالملل والخناق والاختلاف في وجهات النظر اللي بيهون ده كله حاجه حلوه اوي اسمها الحب
يارب تبقى بيوتنا كلها مليانه بالحب والتفاهم

بنت قلبى يقول...

بجد
اسلوبك عجبنى جداااا
والا كتبتيه داا
بصراحه شبهنى بحاجه واحده بس
ان كتير بيقولولى نكديه وبالذات زوجى
وهوا بيكره النكد جداااا
وبخاف كتير ليذيد
بس الحممد انك طمنتينى على مستقبلى
ربنا يسترها ياااارب

tarek_salah1000 يقول...

جميله جداجداجداجداجداجدا يا نور

reemaas يقول...

بنت قلبى

بعد الشر عنك يا قمرايه

انتى بس ماتشليش هموم الدنيا اوى سبيها على الله

reemaas يقول...

tarek_salah1000

عيونك الحلوين يا طارق