السبت، 17 سبتمبر، 2011

اندهش من فضلك!


*عندما يتصدر فيلمى محمد سعد وشارع الهرم شباك التذاكر
اندهش من فضلك
*لما اروح علشان اجدد الاجازة بتاعتى والاقى الموظف المختص لسه ماجاش ولا مدير المصلحة واستناهم لحد الساعه 10 ونص والاقيهم جايين بيصبحوا لسه على بعض ويقولولى استنى بقى لما نفطر انتى مستعجلة ليه؟
يبقى من حقى وحقك تندهش
*لما يحصل حوار اماامى بين اتنين موظفين فى خلال فتره انتظارى السابقه يطلب فيها  الموظف أ من الموظف ب لاسراع فى تخليص اوراق ومصلحة المواطن فلان الفلانى
يقوم الموظف ب يقولوا ماشى بس فين الشاى بتاعنا بقى ؟؟؟
وانا جنبهم وعارفين انى سامعه!!!
وكنا فى رمضااااان!!
يبقى من الواجب عليا اندهش

*لما اكون بتابع برنامج باين ولا مسلسل على التليفزيون فى قناة مصرية فضائيه
والاقى الاعلان التالى على شريط الاعلانات اللى تحت ده
الشيخة اسراء لفك  المربوط والحالات المستعصية ,تقرب الحبيب ولجلب النصيب,النتيجة مضمونة خلال ايام والاتصال للنساء فقط!!!
يبقى الحل الوحيد انى اندهش

ليه بقولك اندهش؟
لانك لو ماندهشتش ولو كان ده كله عادى ومايصدمش تبقى كارثة بجد 

هناك 35 تعليقًا:

خواطري مع الحياة يقول...

اكيد بنندهش
دنيا تشوفي يفها العجب
ياما هنشوف حاجات بتخليك تندهشي اكثر واكثر

عاجبتني صورة الصغنونة تحفة

تقبلي مروري ياقمر ^_^

الاحلام يقول...

وان انتظرتى ساعات بالمصلح او كنتى راجعتى ليوم اخر هنا لكنى رايتى العجب العجاب ولئن فتحتى التليفزيون وسمعتى كل الاعلانات الى اتكلمتى انتى عليها قبل كده ولئن سرتى فى الشارع وتظرى فى كل من حولك كل هذا يدعى للاندهاش هنا اختى نور افعال كثيره جدا لابد ان نندهش عندما نراها وان نتج هذا فانما ينتج من قلة ايماننا بالله عز وجل تحياتى الخالصه
ابوداود

haneen nidal يقول...

مش عارفة هو يدهش و لا صار شي عادي . . هي اشياء بتحصلنا كل يوم و جتحصل لسا مدام ما في دين حقيقي عندنا . . فاللهم ردنا الى الاسلام ردا جميلا

و رح تكون النتيجة اذا عمل احدكم عملا فليتقنه و مخافة ربنا حتكون حاضرة بكل وقت و المصلحة العامة امانة مش متاجرة و الاعلانات دي و غير الكثير مش يكولنها مكان بالاعلام الي المفروش يكون نبرا العلم و الثقافة لا التجهيل

هي الدنيا صار لازملها شوية صبر :(

وان الله لا يغير ما بقوم حتى يغيروا ما بانفسهم

موناليزا يقول...

طيب ما هو فعلا ده بجد للأسف
أنا مستغربة لاندهاشك على فكرة :)

سواح في ملك اللــــــــــــــــــه- يقول...

لا ان بقي مش مندهش ولا حاجة

لان الثورة غيرت رايس وشخصيات بس

لكن مغيرتش اخلاق

الفساد الي اتزرع في تلاتين سنة

صعب يخرج في شهور


تعرفي يابنوتة

عشان نستاصل الفساد ده

اللي ياخد رشوة يتحكم عليه بمؤبد

واللي يتاخر عن شغله يترفد فورا

وامنع بقي الافلام الهابطة

علشان دي صدت عقول ناس كتير

وعلمت الشباب الخيبة

دعاء العطار يقول...

هههههههههههههههههه

انا من يومين كنت متمرمطه فى شئون الطلبه وكنت ناويه اكتب بوست طويل عريض عن اللى حصل

بس كسلت D;

كله كوم بصراحه والاعلان اللى شوفتيه ده كوم تانى

اندهشى يابنتى براحتك اصل لو مش اندهشتى هتنفجرى واحنا عايزينك (:

AHMED SAMIR يقول...

انا عن نفسي لم اندهش...!!
تقريبا زي ما قلتي
احنا في كارثة

ريري كربكه يقول...

للاسف هي ديه الحقيقه سلوك الناس بيسوء يوم بعد يوم اصبح الموظف الان اعتماده على الرشوه اكتر من مرتبه
وبقت الناس بتدور على اي حاجه تطلع منها فلوس حتى لو يعملوا شيوخ يطلعوا العفاريت ويجوزوا البنات
بوست حلو وحقيقى موجود في حياتنا ولو دورتي هتلاقي اكتر من كده يدهش
تسلمي يا قمر

reemaas يقول...

خواطري مع الحياة

اه والله اللى يعيش ياما يشوف

اتفضليها يا قمرايه

reemaas يقول...

الاحلام

طب والحل نعمل ثورة تانيه مثلا ولا ايه؟

reemaas يقول...

الاحلام

طب والحل نعمل ثورة تانيه مثلا ولا ايه؟

reemaas يقول...

haneen nidal
فعلاااااااااا ان الله لايغير مابقوم حتى يغيروا ما بانفسهم
يارب الكل يفهم ده

reemaas يقول...

موناليزا

يالهوى
انا الغلطان؟

reemaas يقول...

سواح في ملك اللــــــــــــــــــه-

اه والله الشعب كله محتاج تغيير يا خالد

reemaas يقول...

دعاء العطار

ايون يا دودى سيبونى اندهش براحتى بدل ماطق
ههههههههههههههه

reemaas يقول...

AHMED SAMIR

طب ايه مافيش حل كده يعنى؟

reemaas يقول...

ريري كربكه

ان جيتى للحق انا فعلا ليت من شويه العجب العجاب
بس بجمعلكم بقى واضح انها هتبقى سلسله اندهش من فضلك

Bent Men ElZman Da !! يقول...

لازم نندهش ونستغرب ونزبهل كمان
فى ناس كتير بجد محتاجه تغير اللى جواها
تغير البلد لسه مش وصلهم تقريباً !!

ابراهيم رزق يقول...

ساعات من كثر التعود اصبحنا لا نندهش
انصحك بتغيير البوست الى
تعود من فضلك
او تعايش من فضلك
حتلا لا تصاب بالامراض

تحياتى

مصطفى سيف الدين يقول...

وكيف تندهشين وانتي في مصر بلد العجائب؟

بنت قلبى يقول...

وفى كتير واكتر من كده
بس يمكن احنا عدنا بنقول عادى من كتر محنا اخدنا على كده
الشعب خلاص بحا
وربنا يسترها علينا

نهر الحب يقول...

:)
عارفة يا ريمو احلي حاجة ايه؟؟
انك بنتدهشي من الحاجات اللي بندهش منها بالظبط ونفس المواقف

بضايق كتير لما احس الناس زي ما هما عمرهم ما حيتغيروا سواء ثورة او من غير ثورة
:(((

ربنا معانا بقي احنا اخر الرجال المحترمين باين كدة

غير معرف يقول...

احنا في زمن عجيب يا ريمو
مستنيا أيه يعني من ناس تناست إن ربنا شايفها
حقًا إذا ضيعت الأمانة فانتظر الساعة

آخر العنقــــــود يقول...

اكتر حاجه مابحبهاش في حياتي اني انزل مصلحة حكومية
ببقى نازلة وانا مش طايقة نفسي لاني عارفه انى هشوف الويل
ربنا يرزقنا ثبات العقول مع كم الأشياء الغربية اللي بنمر بها

reemaas يقول...

Bent Men ElZman Da !!

اه والله انا عماله اقول كده من الصبح

reemaas يقول...

ابراهيم رزق

اتعايش مع ده؟
لا لا لا ياستاذ ابراهيم لازم نلاقيلنا حل

reemaas يقول...

مصطفى سيف الدين

كنت ديما بقول الكلمة دى قبل الثورة
مانت فى مصر
وجالى امل انى ابطلها بس واضح ان ده مش هيحصل

reemaas يقول...

بنت قلبى

يعنى خلصت كده خلاص مافيش امل؟

reemaas يقول...

نهر الحب

طيب الاندهاش ده معناه ان فيه امل على فكر ة

:)

reemaas يقول...

غير معرف

ربنا يسترها معانا يارب ويحسن ختامنا

reemaas يقول...

آخر العنقــــــود

اه والله بيبقى يوم مش باينله شمس

citizen x يقول...

هههههههههه

طيب فين الشاي بتاعنا إحنا بقي عمالين نعلق ونعلق ومشفناش حاجه

(:

من حق حضرتك تنذهلي
حلوه تنذهلي دي
شكلي بخرف

فعلا شكلنا راجعين بظهرنا للخلف در
بأسرع درجة

تحياتي لحضرتك

reemaas يقول...

citizen x

اه تحس كده انى هعمل حاجة فظيعه........هتزهل هههههههه

ربنا يستر

محمد نبيل يقول...

هذه الحالة من الإندهاش مصاحبة لنا - للأسف - منذ وعينا على الدنيا ..
والتزام الإنسان غالباً لا يكون إلا من داخله نابعٌ منها ..
ويظل أملنا كبيراً فى الله ثم فى عملنا المشترك من أجل تغيير أنفسنا أولاً ثم تغيير المجتمع كله إلى أن يصبح كما نحبه لأنفسنا ويرضى به الله عنا.

أختى .. لقد اندهشت معك.

reemaas يقول...

محمد نبيل

وانا مبسوطة انك اندهشت يا محمد ده معناها اننا لسه ماتعودناش على الغلط
منورنى