الأحد، 18 سبتمبر، 2011

عدت سنة



عدت سنة.....
والله مانا مصدقة!!!!!!!

المدونة دى بقى عمرها سنة لا ومش كده وبس وبقى فيها 100 تدوينة كمان!!!!!!

فلاش باك كده وبفتكر بدايتها كانت ازاى

مجرد حاله ملل وزهق من الفيس بوك وزوربيا 
حالة ملل خلتنى اقول ليه ماعملش حاجة جديدة.......انا هعمل مدونة اكتب فيها براحتى  اللى يجى على بالى وماستناش حد يعلق من اصحابى

وفعلا اخترت التصميم والاسم والصورة  وظبطت كل حاجة وبدات اكتب
فى الاول مجموعه من اصحابى عرفوا وردوا عليا واعتبرتها مجامله رقيقه منهم لكن بينى وبينكم ماهتمتش كتير اصلى دول اصحابى يعنى......وفضلت اكتب مع نفسى وخلاص

لحد ماصديقى الشحات صاحب مدونة يوميات شحات سابلى رد فى يوم فدخلت مدونته ولقيت موهبه فريدة فى سرد القصص 


وتوالت بعدها زيارات الناس عرفت شرين سامى وبعدها مصطفى فوزى اللى مش هنسى يوم ماقالى والنبى غيرى لون  الخط انا اتحولت ههههههه واللى متابعه معاه لما اشوف اخره (حسام اي);)


تيمو اللى عرفت عن طريقه انى ممكن احط ميوزيك فى المدونة عندى (صاحب اروع تصميم لمدونة على فكرة)
خالد (سواح فى ملك الله)اللى ديما يناديلى باطيب بنوته :)
عباس ابن فرناس اللى ديما كل ما بيسيبلى تعليق بفتكر قصيدة ازرق لاحمد حلمى (هو عارف ليه)
مصطفى سيف الزميل الفنان العبقرى  صاحب اجمل خيال 
الاستاذ فاروق فهمى وبناته اللى عرفت بعدها بفتره انهم بناته. (وما اروعهم الحقيقة)..واللى ديما يقولى بتفكرينى بايام زمان.....والله يا استاذنا انا نفسى اكون من اهل زمان اصلا:)




اسامة صاحب مدونة همسات قلب..... وغيرهم كتير جدا عرفتهم من خلال مدونات الناس دى واقدر اقولكم انهم غيروا فيا كتير جدا غيروا اسلوبى فى الكتابه وحتى فى النقد اتعلمت منهم كتير اوى بصراحة؟؟؟؟؟؟؟؟
لحد مافى يوم شرين كتبت قصة المعطف واللى تناولها من بعدها مجموعه من المدونين باساليب مختلفه  اتعرفت من خلالها على المدون والناقد والاديب وحاجات كتير كده فوق بعض ابو زياد :الاستاذ ايراهيم...
هعترفلكم بمناسبه حكيات المعطف دى باعتراف صغير انا كمان حاولت اكتب عنه بس فى اجندتى
ماجتليش الجراءة الصراحة انزل المحاولات دى اصل بامانة كانت هتتقارن معاهم وقتها وهم كانوا قمة الابداع:)
ومر الوقت واذ بفكرة حمله التدوين اليومى كانت فكرة مجنونةوماتخيلتش بامانة انى اقدر استمر فيها حتى لاسبوع وكانت المفجاءة الكبيره انى استمريت وكتبت كل يوم وكان احلى شهر بجد وعرفت خلاله مواهب واصحاب بجد مالهومش حل
على راسهم الجميله دعاء العطار (قرينتى)ههههه اه والله بحسها شبهى كتير ماعرفش ليه

وماقدرش انسى صاحبه ارق احساس واعذب كلمات الجميله جدا ريماس مش هنسى ياريماس يوم ماغبت هنا بتاع اسبوع كده ودخلت لقيتك ساله  عليا ماتتصوريش بجد انا فرحت اد ايه

وبنت من الزمن ده ,واخر العنقود,وتراكيب,ومناليزا,ومؤخرا القصاصة الرائعه نهر الحب
وغيرهم كتير والله خايفه انسى حد
ناس بتابعهم  وحريصه جدا اقرى كل اللى كاتبينه اختلف معاهم واتفق معاهم واستمتع جدا بمواهبهم
ناس كفايه عليا بجد انها بتتابعنى وبتقرا تخاريفى وفضفضتى 
ناس اصبحوا جزء من يومى وبيوحشونى جدا لو انا مادخلتش اتابعهم لاى وقت او هم غابوا لاى ظرف
ناس ليهم جزء من وقتى بقى ملكهم وحاسه كمان انى باخد جزء من وقتهم عن طيب خاطر

ناس بحكى حكايتهم لوالدتى ولاصحابى......طب تعرفوا بقوا انى داوشه اصحابى بيكم؟
يعنى مثلا الاستاذ ابراهيم وشيرين انتم ياما كنتم محور احاديث بينى وبين اصحابى مقولكوش يعنى 
هههههههه
سنة بحالها وانا بكتب......


كل سنة ومدونتى بخير وديما جمعانى باللى بحبهم
:)

هناك 46 تعليقًا:

مصطفى سيف الدين يقول...

كل عام ومدونتك وانتي بخير وعقبال التدوينة رقم مليون
مدوناتنا تحمل كثيرا من ارواحنا فنكهتها هي نحن وما اجمل نكهة مدونتك وما اروع عبيرها
اشكرك على كلماتك الرقيقة في حقي واتمنى ان اكون مستحقا لها
واود ان اقول لك من علامات رضا الله عن عبده ان يحبب فيه خلقهوهنا علامة رضا المولى عليكي ان جعل لك اصدقاء طيبين صالحين يحثونك دوما للخير واستجداء الرائع من روحك
تحياتي الخالصة لك ولمدونتك وكل عام وانتي بخير

citizen x يقول...

كل عام ومدونة حضرتك بخير
وحضرتك كمان بخير وصحة وسلامه

تحياتي

Bent Men ElZman Da !! يقول...

كل سنه وانتى بخير دايماً يا نور
ومدونتك بخير وموجوده معانا على طول :)
مبسوطه بجد ان ان حمله التدوين كانت سبب فى انى اعرف مدونتك
وأقرا لحد موهوب اوى زيك
وعقبال يارب التدوينه ال 1000 مش 100 بس :)

كل سنه وانتى معانا :)

reemaas يقول...

مصطفى سيف الدين
صح يا مصطفىودى نعمة بحمد ربنا عليها فى كل وقت
ربنا يديمها

reemaas يقول...

citizen x

وانت بالف خير وديما موجود معانا يارب

reemaas يقول...

Bent Men ElZman Da !!

تسلميلى يا بنوتة
اه والله كانت حملة جميله تجربه بجد ماتتنسيش

منورانى ديما يابنوتة

سواح في ملك اللــــــــــــــــــه- يقول...

صباح الفل يانور

كل سنة ومدونتك الجميلة بخير

والله يانور انا بحس ان فريق المدونين دول

عيلة واحدة

اكتر حاجة عجبتني في التدوين

هو رقي اصحابها واحترام بعضهم البعض

بس انا زعلان منك

عشان مكملتيش يوميات صيدلانية

كانت عجباني اوي

والمواقف اللي فيها كانت جميلة

علي فكرة انتي اسلوبك في القصة كمان

جميل

هنستني باذن الله منك الجديد

كل سنة وانتي طيبة بااطيب بنوتة

reemaas يقول...

سواح في ملك اللــــــــــــــــــه-


لا حاضر والله يا خالد
ان شاء الله كملها اكيد بس عاوزة اتعمل احط اللينكات فى البوست بكلمة يعنى اكتب هنا والناس تروحلها لان كتير مش عارفها

وفعلا معاك حق بحس اننا عيله واحدة
:)

سواح في ملك اللــــــــــــــــــه- يقول...

بصي يابنوتة

لو عندك بوست قديم مثلا

بتاخدي الرابط بتاعة

وتفتحي رسالة جديدة

بتلاقي في الرسايل فوق كلمة مكتوب فيها الارتباط

بتحطي الرابط

في عنوان ur

وبعدين بتحطي فوق الكلمة مثلا هنا

وبتعملي حفظ ونشر

reemaas يقول...

تسلم يا خالد ريحتنى ربنا يكرمك :)

ريري كربكه يقول...

كل سنه ومدونتك حلوه وشيقه
تقبلي مروري وصداقتي

نور القمر يقول...

مسااااء الخير ..
كل عام والمدونه الرئعه دي بخير يارب...
ومزيد من التقدم لك ..
مع تحياتى نور

موناليزا يقول...

كل سنة وانتى ومدونتك بخير ومنورين عالم بلوجر
سعدت بالتعرف عليكِ هذا العام وأتمنى لكِ مزيداً من التوفيق

أسد المنابر يقول...

هههههههههههههههه
وانا حزين أني دخلت المدونة بعد سنة كاملة .. يا خسارة
بس أنا مبسوط جدًا أني شفت حاجة زي دي
وعرفتك يا ريموووو بجد من خلال مدونتك

مش قلتك دكتورة نفسية وكاتبه صحفية
وعيد ميلاد سعيد للبنوتة المصرية

AHMED SAMIR يقول...

كل سنة و مدونتك اكثر تألقا و ابداعا
تحياتي

شيرين سامي يقول...

نور حبيبتي آسفه إتأخرت عليكي غضب عني بحبك أويييي و مبسوطه أوي إنك في خلال السنة حققتي كل التألق و الجمال ده و بجد إنت من أكتر الناس اللي برتاح في مدوناتهم و كأنها مدونتي :)
إنت إنسانه صادقه في مشاعرك و بسيطه في تعاملك و طبيعيه في كتاباتك و دي أكتر حاجات بتخلي الإنسان محبوب ربنايديم بينا المحبه.

المعطف أممممممم فين المعطف يا نور مش هسكت غير لما تكتبي الجزء بتاعك و أنا متأكده إنه تحفه...لو سمحتي إنشريه بجد ده هيسعدني و يشرف السلسلة جداً...بالمناسبة شهرزاد المصريه لو تعرفيها طلبت إنها تكتب جزء و أنا كمان نفسي إتفتحت بس مش هكتب غير بعديكي أنا بقولك أهو :)

كل سنة و إنت جميله زي ما أنت و مدونتك دائماً في تألق:)

haneen nidal يقول...

كل سنة و عقبال مليون سنة من الابداع و حضرتك كمان بخير و كل سنة و انتي الى الله اقرب

reemaas يقول...

ريري كربكه

منورانى ديما يا ريرى وبجد بدأت اتعود انك موجودة ديما يارب ديما على طول

reemaas يقول...

نور القمر

وانتى بالف خير يا نور تسلمى ياقمر

reemaas يقول...

موناليزا

وانا والله يا مونى فرحانة اوى انى عرفتك
ما احلى خباياكى النسائيه ياقمرايه

reemaas يقول...

أسد المنابر

متوعوضه ياسيدى معانا لسه سنين جايه ان شاء الله
بس اى حكاية دكتورة نفسية دى ؟؟؟؟؟؟؟

reemaas يقول...

AHMED SAMIR

ميرسى يا احمد على ذوقك
منورنى دينا

reemaas يقول...

شيرين سامي

انا كمان قلقت من غيبتك على فكرة بس قلت اكيد مشوغليااااات
تسلميلى يا شيرين يارب انتى ماتعرفيش انا متاثرة بطريقتك اد ايه والمدونتة مدونتك طبعا

بالنوسبة بقى للمعطف استنى عليا شويه طيب اظبطها متفقين؟

reemaas يقول...

haneen nidal

وانتى بالف خير يا حنين ومع بعض ديما ان شاء الله

ريــــمــــاس يقول...

صباحك غاردينيا يااحلى نور
ولا اقولك ريماس ماحنا تشاركنا في الاسم ريماس السعودية وريماس المصرية عارفة يانور انا بجد كنت بقرأ واقول في سري طب يارب تفتكرني هههههههه مش عشان اسم او حاجة عشان احد ان انا فعلاً بجد في قلبك وبجد بجد انا الي اتشرفت فيكي وفاكرة اني انا الي دخلت عندك وقلت اتعرف على رموسه زيي ههههه وافتكر كان في حملة التدوين وفاكرة سؤالي عنك اكيد كنت هقلق عليكي مش حكاية نعلق يانور وبس الحكاية نحس ببعض ونخاف على بعض وبجد سعيدة انه ليا مكان صغنن في قلبك ويارب كل سنة ومدونتك من نجاح لنجاح وتفضلي بنفس قلبك وروحك الجميلة "
؛؛
؛
كل سنة وانتي معانا يااجمل نور
لروحك عبق الغاردينيا
كانت هنا
reemaas

reemaas يقول...

ريــــمــــاس
ياريموسه انا ماينفعش مافتكركيش طب تيجى ازاى يعنى
ولا هقدر انسى اليوم ده لانى كنت بجد وقتها مخنوقه وتصرفك ده فرحنى يومها
ربنا يديم المحبه يااااارب

ابراهيم رزق يقول...

ورد فى ورق سوليفان يا حلوة اهديلك
و الا انقله با لطين فى الشتلة و اجيلك
الاولانى لو وحا باعجابى
عجبى على التانى بايه يوحيلك
عجبى ؟؟؟؟

انا جيت و اسف على التأخير لظروف خاصة
كل سنة و انتى طيبة و عقبال البوست رقم ألف
سعيد جدا بأنك ذكرتينى فى هذا البوست الجميل
اتمنى ان تنشرى ما كتبتيه فى معطف بلا قيود لانى متأكد انه جميل و سيكون بنكهة مختلفة و هذا هو الغرض من المعطف اعملى لنك مع شرين ربما تبعثى الحياة من جديد فى المعطف
مرة اخرى كل سنة و انتى طيبة

FAW يقول...

نور

آسف علي التأخير :)

كل سنة وإنتي طيبة وعقبال مليون بوست إن شاء الله

بس إيه ده !! . . ده أنا إسمي مكتوب :)
معلش بقي اللون كان صعب قوي فعلا :)

علي فكرة أنا كمان لما عملت مدونة مكنتش مستني حد أعرفه يقراها , أصلا معملتش أي نوع من أنواع الدعاية :)
بحس إن دي حاجة منفصلة كده , عن الفيس مثلا يعني . .

كل متابعينك دول - بعيدا عن أصحابك - أكبر دليل علي صدق مدونتك وإحساسك :)

تحياتي ليكي و يا رب يوفقك في كتاباتك وفي حياتك

ملحوظة صغيرة : باقي لك في ذمتي فصلين :)

reemaas يقول...

ابراهيم رزق

توحيلى بالامل انها ممكن تنزرع تانى :)

منورنى ديما يا استاذ ابراهيم واكيد لازم اسمك يجى دى عشرة سنة تقريبا يعنى

بالنوسبه للمعط فحاضر ان شاء الله انزلها باقرب وقت ورربنا يستر :)

reemaas يقول...

FAW

طبعا لازم يبقى مكتوب يا درش ده انت تانى واحد معلقلى فى المدونة يعنى سنة بالظبط اهو


وشاهدة على روايه طويله بحالها بكل فصولها
واتن بالف خير ياااارب
ومنتراك ديما

نهر الحب يقول...

ريماس
كل سنة وانتي ومدونتك طيبين ويااارب سنوات كتييييييييير وبوستات اكتر
انتي بقالك سنة ونشرتي 100 بوست ما شاء الله

انا من 2006 ونشرت 82 بس
:D

انا اعرفك من فترة قليلة جدا ومن اقتراح من
"تيمو"..علي فكرة
قاللي اقرالك عشان انتي بتكتبي حلو وانك صيدلانية زيي واكيد كلامك حيعجبني
وفعلا دخلت عندك كذا مرة وفي الاول معرفتش اقول تعليقات وبعدين بقيت استني اللي تكتبيه


فرحانة ان رغم الفترة القليلة دي انك ذكرتيني وسط ناس كتير تعرفيهم من زمان
بس انا عارفة السنة الجاية انش اء الله وانتي بتحتفلي حتقولي انا اعرف نهر"سهاد" من سنة

:)))

reemaas يقول...

نهر الحب

مفجأه حلوة اوى اوى
تيمو بعتلى هدية كده ومش مبالغه والله
انتى يابنتى كتبتى قصة وكانت اول قصة اقرهالك خلتنى مزقططة لمده يومين
ههههههههههههههههههههه

فوق كده زمل يعنى

كون بقى انه يقولك انى بكتب حلو دى شهادة اعتز بيها جدااااااااا جدا منه ومنك

كتبت كتير فى السنة بسبب انى مش بكتب قصص دى مجرد احاسيس زى مابتطلع بكتبها
وبسبب شهر التدوين ده كان موال لوحده

كان لازم تيجى سيرتك لانك سيبتى بصمة من اول يوم
احلى الاوقات ليكى واتيمو المختفى ديما

آخر العنقــــــود يقول...

كل سنة وانتِ بخير يا نور ومدونتك كلها تدوينات رائعة ومتميزة ديما
المدونة دي غير انها جزء من حياتنا، بحس ان الواحد مهما قرأ فيها أو لف في مواضيعها وتعليقتها لن يمل ابدا
وكل مرة يقرأ يحس أنه بيقرأ للمرة الأولى
ديما لها مكانة خاصة في قلوبنا

اشكرك جدا انك تذكرتيني.. ربنا يجعلنا عند حسن ظنك
ربنا يسعد ايامك كلها يارب
:)

* اسفين على التاخير يا بنوتة يا رقيقة :)

reemaas يقول...

آخر العنقــــــود

اه والله معاكى حق جدا كمان
انا فعلا ماحستش مرة انى زهقانة حتى لو مش قادرة اكتب بقرا تعليقات الناس او اللى كاتبينه بحس بمتعه كبير
منورانى ديما يااااااااارب

غير معرف يقول...
أزال أحد مشرفي المدونة هذا التعليق.
محمد نبيل يقول...

إن عالم التدوين أكثر من ساحر ..

يقترب الناس فيه من بعضهم البعض رغماً عن بعد المسافات بينهم ..

يتبادلون فيه الآراء والأفكار برُقى وصدرٍ رحب رغم اختلافهم ..

يتعلمون فيه من بعضهم البعض .. من تجاربهم الشخصية .. من حكاياتهم من خبراتهم فى الحياة ..

عن طريقها .. نضيف أعماراً إلى أعمارنا , ونحيا بها فيها .. ونعيش كما لم ولن نعيش فى أى مكانٍ آخر.

mohammad nabiel يقول...

آسف ..
نسيت أقول إن مدونتك ظريفة ..
وكل سنة وأنت طيبة.

reemaas يقول...

محمد نبيل

صح جدا ودى كانت تجربتى معاه وسعيدة بيها اوى زى مانا سعيدة بكل الناس اللى عرفتهم

reemaas يقول...

mohammad nabiel

ميسرى يا محمد
وانت طيب يارب
وديما منورنى

حميد يقول...

شكرا لمقالك وأتشرف بزيارتك لموقعى

http://mytadwen.blogspot.com/

وجع البنفسج يقول...

ألف مبارك يا ريماس ،، انا كنت فاكرة نفسي انا الجديدة على خط المدونات بس طلع ناس كثير بدأوا المشوار بعدي بخطوات ،،
انا سعيدة كثير بتعرفي على مدونتك ومتابعتك ..وان شاء الله نقرأ لك التدوينة الالف ان شاء الله ..

حلو منك انك تذكري تفاصيل اول التدوينات والمدونيين اللي صادفتيهم وأثروا فيكي ..

ربنا يوفقك في مشوار التدوين وتفضلي منورانا ع طول ..

reemaas يقول...

وجع البنفسج

لا انا جديدة لانج
هههههههههههههههه

تسلمى ياقمرايه وهم فعلا اثروا فيا جامد علشان كده انا ديما فاكراهم
:)

دعاء العطار يقول...

يانهار أبيض ... هو البوست ده اتنشر امتى ؟

انا فى غيبوبه شكلى كده

انا ماخدتش بالى خالص انك نزلتيه الا من الكومنت عندى فى المدونه

يعنى بوست جديد لنور وكمان بمناسبه خاصة زى دى وكمااااااان فيه اسمى وماشوفهوش طب مش تبعتيلى دينج ولا حاجه تخلينى اخد بالى D:

كلللللللل سنه واحلى بنوته مصرية بخير

كللللللل سنة وانا شبهك وانتى شبهى

بجد بحس انى اعرفك من غير مااكلمك .. روحك ظاهره فى كل كتاباتك

بحس دايماً انك بسيطه رغم ان فيه حاجات كتير بتاثر فيكى

بحس جواكى طفلة .. بتحب الحياه رغم ان فيه حاجات مزعلاها منها

بحسك بجد والله شبهى يانور زى مانتى بتقولى .. لدرجة ان كان فيه احيان اكون حاسه بحاجه ومكتبتش عنها الاقيكى كتبتينى (:

ليكى معزه خاصة فى قلبى والله وربنا العالم (: (:

من الاخر كده

سعيدة انى عرفتك (: (:

reemaas يقول...

دعاء العطار

ماهو يا دعاء يا حبيبتى انا قلتلك فى المدونة علشان تاخد بالك
ههههههههههههههههههههه
اروبه انا

اه والله يا دعاء رغم انها فترة قصيرة اللى عرفتك فيها لكن كل اللى قلتيه ده انا حساه بالظبط
:)

Timo.. يقول...

ياااااخبر..
انا اتاخرت قوي كده..؟
مش عارف اقولك ايه بس بجد تقريبا انا لغيت اسماء ايام الاسبوع من حياتي لانها بقت (اليوم التالي) و ( اليوم السابق) وبسسس...
انا مرتبط (مش الارتباط الارتباط يعني) بمليون حاجة وعندي تجهيز لامتحانات ومذاكرة وشغل كتيييير جدا جدا جدا.
عشان كده باختفي فجاة غصب عني..!!

بجد مش عارف اشكرك ازاي على البوست والكلام الحلو ده رغم انك اشطر مني لانك بقالك سنة وكتبت 100 بوست ما شاء الله وانا بقالي 3 سنين و (بانشر) كل فين وفين..!!

كل سنة وانت ديما اجمل بنوتة مصرية :)

reemaas يقول...

Timo..

انت رديت هنا امتى

ههههههههههههههه
ده انا بقلب بالصدفة يا تيمو مش كنت تقولى

عارفه والله مشغولياتك علشان كده بعذرك والا كنت هتشوف
ههههههههههههه

كل سنة واحنا ديما اصحاب