الأحد، 2 أكتوبر، 2011

يومياتى 6



لمتابعة الجزء اللى قبل كده اضغط  
هنا 






                                    

ازيكم وحشتونى جدا....
اكمل معاكم بقى اللى حصل....

فضلنا انا وصحبتى على حالنا ده تقريبا شهر شايلين الليلة لوحدنا ومنتظرين الفرج....
هتقلولى اى الفرج ده ؟انتم نسيتوا ولا ايه...باقى الدفعة المكلفة...
عرفنا ان هيجيلنا اربعة كمان بس الاربعه دول ياعينى مقدمين تظلمات لبعد المسافة وانهم عاوزين يشتغلوا فى نفس مدينتهم
طبعا المدرية ماعجبهاش الدلع ده وقالت لتستلموا لتستقيلوا ..وكان وقتها ماينفعش حد يقدم على اجازة الا لما يستلم الاول ..وطبعا لو استلم العمل يقلولوا ماينفعش اجازات دلوقتى او موافق مع وجود بديل وطبعا مافيش بديل كل شعب الصيادلة شغال وفى ازمة .....
وهكذا دايرة مغلقة تجيلهم من هنا يجولك من هنا لحد ما الصيدلى يرضى بالامر الواقع ويستلم ..
وقد كان وانا وصحبتى قعدين مطحونين مع الناس وبنصرف فوجئنا بحد بيخبط علينا فتحنا لقيناه نائيب المدير ومعاه اربعة تانيين 3 بنات وولد .....مكشريين جدا ومش طايقين نفسهم والجميل بقى انهم بيبصوا لكل حاجة حواليهم بارف فظيع :)
تم التعارف وعرفنا انهم الى هيستلموا معانا وبابتسامة (معناها انتم جيتوا ياحلوين) سلمنا وكروتنا الناس سريع سريع وقفلنا عليهم وعلينا طبعا الباب واصرينا انهم يستلموا النهاردة ونوزع الشغل وتقسم الايام كل حاجة النهاردة.....اه ماحدش ضامن يرجعوا  يروحوا يفوقوا ولا حاجة......

العيال كانوا حاسيين انهم بيتدبسوا الحقيقة وخصوصا ان سالى صاحبتى كانت فعلا بتتعامل بطريقة هيستيرية اللى هو يسألوها عن حاجة تبصلهم بصة مرعبه كده وفى مرة فقدت اعصابها وزعقت وقالت مش كفايه انكم جايين بعد ما ظبطنا الشغل اومال لو كنتم جايين من الاول!!!!!!

اتدخل انا واحاول اهدى الموقف واشرحلهم تعب الاعصاب اللى عشناه الشهر ده..العيال يترعبوا اكتر طبعا
اخدت سالى على جنب وقلتلها هدى اللعب العيال هيجورا واحنا مش ناقصيين وبعدين ماتقوليش ليهم على كرتونة الزيادات علشان مايبلغوش  والمدير ياخدها.. الله اعلم دول هيبقوا معانا ويوزعوا فيها على الناس ولا هيبقوا مع الاسف..
وقد كان العيال مضوا على العهدة ..
وبعد ما مضوا وضحتلهم موقفنا من ادارة لمستشفى واد ايه احنا مخليين الصيدليه كيان مستقل بعيد عن حيتان المستشفى من اطباء  او مدير 
واتفقنا اننا نبقى ايد واحدة وماحدش يعرف عننا حاجة
                                    وبدأ عهد جديد فى تلك المخروبة (المستشفى الموقر)



ملحوظة:بعد ما اتبعت جواب استيلامهم للشغل المدرية بعتتلهم قرار بخصم شهر من مرتب كل واحد فيهم عقابا على عدم اتسيلامهم من الاول.....وطبعا واخدين بالكم انه اول شهر ليهم:))))

هناك 34 تعليقًا:

سواح في ملك اللــــــــــــــــــه- يقول...

ايوة كدة يابنوتة

كنت مستني السلسلة دي من زمان

وكمان خصم شهر من مرتبهم

طب كويس ان مخصموش خمس سنين

جميل يانور

متابعين ذكرياتك عن تلك المخروبة

( المستشفي سابقا)

تحيتي

ابراهيم رزق يقول...

مش هينفع كده نظام المط و التطويل بتاع المسلسلات العربى مش هينفع معانا

اليومية تبقى على بعضها و متخافيش يا ستى هنحاسبك على الاعلانات فى الفاصل
ههههههههههه

تحياتى

دعاء العطار يقول...

شطورة يانور (:

أحلى حاجه انكم بقيتم ايد واحده ... عجبنى برضه كفاحكم ضد جشع المستشفى والاداره ... هى دى الناس ولا بلاش (: (:

مستنين الباقى وماتتاخريش (:

sabry abo-omar يقول...

يوميات جميلة جدا.. اسلوبك كمان حلو فى سردها.. ربنا يوفقك فى حياتك.. تقبلى مرورى

reemaas يقول...

ابراهيم رزق

ماهو انا يا استاذ ابراهيم من كتر متابعتى ليها بهتت عليا باين
هههههههههههههههه
استحملوا بقى
يارب تكون عجبتك

reemaas يقول...

سواح في ملك اللــــــــــــــــــه-

والله اليوميات دى رجعت يا خالد بسببك وبسبب الاستاذ ابراهيم انتم اللى شجعتونى فشكرا ليكم بجد

بالنوسبه للمرتب فالعيال كانوا يومها تجسيد للبؤساء
ههههههههههههههه

reemaas يقول...

دعاء العطار

هى كانت احلى حاجة بس شوفنا ايام كحلى ههههههههههههههه

حاضر من عيونى

reemaas يقول...

sabry abo-omar

ربنا يخليك انا بس بسرد اللى حصل
منورنى ديما

مصطفى سيف الدين يقول...

كنا مستنين البوست ده من بدري :)
قعدت فترة افتكر هو حصل ايه وامتى وازاي
راعي ظروف الزهايمر بتاعنا يا نور :)
مستنين بقى العهد الجديد بتاع المخروبة بفارغ الصبر
اوعي تتأخري علينا

ريري كربكه يقول...

خلتيني ادور في المدونه علشان افهم
وبعدين اقولك اسلوبك في السرد حلو اوي
وشدني
تحياتي لكي يا ريماس

reemaas يقول...

مصطفى سيف الدين

مانا حاطة اللينك فوق علشان كده
معلش بقى سامحونى على التاخير وان شاء الله ماتتكررش

reemaas يقول...

ريري كربكه

مبسوطة كتيييير انها عجبتك معلش انا حاطة اللينك فوق والله علشان اسهلها عليكم :)

Bent Men ElZman Da !! يقول...

غلابه بجد والله
هما لسه خدوا حاجه لما يتخصم منهم شهر كده
جميله اليوميات يا نور بحبها جدا
مش تبقى تتأخرى فيها بقى :)

ريــــمــــاس يقول...

صباحك غاردينيا نور
الحلو تبقي تسجلي مذكراتك مهما كانت متعبة وأيام كحلي عشان بكرة ترجعي تقرأيها وانتي بإذن الله احسن :)
ماتتأخريش عشان الزهايمر بتاع مصطفى سيف اصله اليومين دي بقى مرض العصر ههههههههه "
؛؛
؛
لروحك عبق الغاردينيا
كانت هنا
reemaas

reemaas يقول...

Bent Men ElZman Da !!

غلابة جدا والله صعبوا عليا يومها اوى

حاضر من عيونى يا دينا ومبسوطة اوى انها بتعجبك

Casper يقول...

ناس لسه بتقول يا هادي
ويتخصم منهم شهر D:
مرزقين ههههههههه

=======

تحياتي

نهر الحب يقول...

هههههههههههههههههههههههههههههههههههههههههههههههههههههههههههههههههه
ضحكتيني اوي اوي اوووووووي
عشان انتي عايشة نفس الحالة بتاعاتي بالظبط بس احمدي ربنا انتوا جالكم دفعة واحنا بقي محدش جه بس احنا عددنا كبير بس كل يوم واحدة تمشي اللي تزهق واللي تتجوز واللي تحمل واللي تخلف

وانا واتنين صحابي الدنيا عمالة تصفصف علينا واعصابنا بتتعب خالص علي الشباك
هههههههههههه
وعندنا نفس ذات الصندوق ده
وكمان المديرة بتاعتنا سلبية بدرجة مستفزة ومعندهاش اي قابيلة انها تتماشي مع الظروف لما تتغير

ربنا يرحما
اهو احنا اللي جبناه لنفسنا

نهر الحب يقول...

ايه ده ايه ده
هما الناس ليه صعبان عليهم العيال الجداد دول

ايه ده
دول بيبقوا عيال سيس مش عاوزين يبشتغلوا اصلا وجايين يتدلعوا
تصدقي اتغاظت انا اوي
:D

ايه ده هو انا شريرة؟؟؟؟

نهر الحب يقول...

هههههههههههههههههههههههههههههههههههههههههههههههههههههههههههههههههه
ضحكتيني اوي اوي اوووووووي
عشان انتي عايشة نفس الحالة بتاعاتي بالظبط بس احمدي ربنا انتوا جالكم دفعة واحنا بقي محدش جه بس احنا عددنا كبير بس كل يوم واحدة تمشي اللي تزهق واللي تتجوز واللي تحمل واللي تخلف

وانا واتنين صحابي الدنيا عمالة تصفصف علينا واعصابنا بتتعب خالص علي الشباك
هههههههههههه
وعندنا نفس ذات الصندوق ده
وكمان المديرة بتاعتنا سلبية بدرجة مستفزة ومعندهاش اي قابيلة انها تتماشي مع الظروف لما تتغير

ربنا يرحما
اهو احنا اللي جبناه لنفسنا

نهر الحب يقول...

علي فكرة التعليق التاني قبل التعليق الاول

وده حيبقي التالت بقي

معلش النت عندي بيهيس
:D

ريبال بيهس يقول...

مساء الورد ريماس

تعرفي عجبني أنكم وقفتم ضد

هوامير المستشفى بس خصم من

أول شهر ههههههههه

الله يعطيك العافية موضوع جميل

وسرد أجمل ...

بالتوفيق دائماً

تحياتي وإحترامي

عازفة الالحان يقول...

ربِي يسعِدكْ
مدونَه روعَه

دمتي بخير ي أحلى بنوتَه

الاحلام يقول...

المهم يا نور بعد كل ده اول مرتب صرفتوا ازاى
المهم انى بحس من الكلام بالذكاء الى بتتحلى بيه كل المواقف محتاجه شويه ذكاء على شان الامور تمشى
تحياتى نور الخالصه
ابوداود

وجع البنفسج يقول...

خصم شهر وهم لسه مااشتغلوش ؟؟ شو هالظلم ..

عموما ربنا يعينكم ويوفقكم يارب ..

ويسعد صباحك .

خواطري مع الحياة يقول...

حلوة ذكرياتك
وحبه حبه ع الاولاد هههههههههههه

ربنا يسعدك يارب ويوفقكم

اعذريني ع تأخري ^_^

مصطفى سيف الدين يقول...

نور

يا ريت تشوفي اللينك ده
انا حاسس انه سارق البوست ده منك

http://www.facebook.com/book.like#!/photo.php?fbid=255124954531681&set=a.196583047052539.50102.196455720398605&type=1

reemaas يقول...

مصطفى سيف الدين

شفتها للاسف يا مصطفى حاجة تغيظ والله

reemaas يقول...

Casper

اه يا اسامة عيال نحس من يومهم

reemaas يقول...

نهر الحب
هههههههههههههههههههههه شر سلمى يا سهر لاتقلقى

reemaas يقول...

نهر الحب

حاسة جدا بشعور الصفصفة ده
ههههههههههههههههههههه
نحن السابقون

reemaas يقول...

ريبال بيهس

ماهى دى فعلا كانت احلى حاجة علشان كده ربك عان
منورنى

reemaas يقول...

الاحلام

مش عارفه هو سرعه تصرف مش ذكاء يا استاذ محمد
يعنى ياما دقت على الراس طبول
اول مرتب صرفناه فى الشهر الرابع من الشغل

reemaas يقول...

وجع البنفسج

الحكومة الرشييييييييييييدة يا بنتى

يسعدلى كل ايامك

reemaas يقول...

خواطري مع الحياة

ادينا بنقول ياهادى
بس مايغركيش انهم مسالمين كده