الأحد، 19 يونيو، 2011

يومياتى5


لمتابعة الجزء اللى قبل كده ادخل       هنا







طلعنا على اوضة المدير ........والناس ورانا 

وفى طريقنا كنا وصلنا لقرار

صدرت صحبتى للمدير لانى كنت حاسة ان مش هيبقى بينىوبينه عمار ثم انا اصلا متنرفزة ومش فى افضل حلاتى

وكان قررنا اننا هنكون ابطال فدائين ونحلله الازمة دى بس بشروط
شروط اييييييه؟ده المدير طبعا وهو مبرق لينا

اندفعت انا وقولتله طبعا صاحبة العهدة مش موجودة والله اعلم الحال اى جوا فاحنا هنصرف للناس بس من غير مانمضى على اى حاجة وبعد مانخلص صرف هنبقى نجرد الصيدليه على وضعها الجديد ونستلم على الجديد ده والفرق بقى سواء بالعجز او الزيادة ولا لينا دعوة تسوه انتم او تشيلوا لحد مالناش فيه

الراجل بصلنا كده باستغراب وقال لنا انتم عارفين كل الحاجات دى ازاى مين قالكم على الحل ده؟

بصيناله كده بمكر وطبعا سكتنا.........الحل ده على فكرة كان من بنات افكارى ولله الحمد

المهم الراجل فكر كده شوية وقالى ماشى موافق
وقد كان


خرجنا من عنده لقينا الناس وكالعادة مشيوا ورانا 


رحنا قدام الصيدليه وراحت صاحبتى واقفة على الكرسى استعداد لالقاء خطبة سبق اعدادها بينى وبينها وطبعا هى اللى هتقول لانى بتكسف........:)


وبصوت جهورى عالى طلع منها بالعافيه :دلوقتى يا جماعه النهاردة ايه؟


الجماهير وفى صوت واحد:الخميييييييييييييييس


هى:طيب خلاص انتم هتسلموا التذاكر بتاعتكم لينا دلوقتى وتيجوا السبت ان شاء الله تستلم العلاج هننادى على كل تذكرة باسمها يجى ياخد علاجه 


وقد كان الناس سلمت الحاجة وروحت ودخلنا احنا بقى نتعرف على صيدليتنا


متر ونص فى مترين  .......ركن فيه ارفف وعلاج منتور فى كل حتة  


تلاجة....... 2 كرسى.......تربيزة.........بس!!!!!!!
فين المروحة؟؟؟؟؟؟؟؟ مافيش.........


نهارهم اسود ورحت جرى على المدير انا عااوزة مروحة حالا ماينفعش كده


الراجل راح شايل مروحة المكتب بتاعه وبنفسه وصلنى تانى لحد الصيدلية!!ثبتنى


المهم قفلنا علينا بابنا وشمرنا  وابتدينا نحضر فى التذاكر نحط التذكرة بعلاجها فى كيس ونربط


وصلنا لربع التذاكر تقريبا كده 1500تذكرة وكانت الساعه وصلت تقريبا 6 المغرب


خرجنا لقينا الدنيا اسكت هس طبعا وجرى خرجنا على معاد اننا هنيجى الجمعه من بدرى نخلص الليله دى
وقد كان نزلنا ونزل لينا نايب المدير  وجيبنا معانا الغدى بقى وكانت قاعدة


المهم خلصنا الجمعه كل حاجة ورتبنا حالنا استعداد لمعركة السبت


السبت صباحا


الناس قاعدة فى ترقب مش مصدقين انهم هيخلصوا


وصلت القوة الفادئية انا و صحبتى طبعا ومعانا 2 عمال


العمال هيوزعوا واحنا هنشرف علشان مافيش حاجة تتسرق


واستمر حاله الصرف فى هدوء لمدة يومين كانت اهم ملاحظة فيهم ان الناس لما كنا بنقول ياجماعه تعبنا نكمل بكرة كانت بتستجيب بدون خناق نظرا لانهم تقريبا شافوا حالتنا اللى يرثى لها او لانهم ناس عندها دم وشايفه اننا فعلا بنتعب علشانهم.........


خلصنا ...الحمد لله


بدئنا الجرد لقينا عجوزات وزيادات ماتعدوش كتييييييير جدا طب وبعدين
كده الصيدلانية صاحبة العهدة هتروح فى داهية والزيادة طبعا لو سلمناها للمستشفى كل سنة وانتم طيبين


والحل


صعبت علينا الصيدلانيه العروسة طبعا وقررنا نعاقبها عقاب متفرد شوية 

اخدنا تليفونها من المستشفى واتصلنا عليها كانت فى شهر العسل الهانم متجوزة بقالها تقريبا 4 ايام



اخدنا العنوان وطبينا عليها وحكنيلها على الكارثه اللى هى فيها وجرجرناها هى وجوزها على الصيدليه تظبط عهدتها باديها بقى علشان تستلم منها على وضع سلييييييم


وقد كان تمت المهمة بنجاح وبدون خساير تقريبا


ودول يا جماعه كانوا اطول خمس ايام مروا عليا فى حياتى والحمد لله انتهوا

هناك 23 تعليقًا:

موناليزا يقول...

شطورة يا ريماس بجد:)

وجريئة فكرة انك تتصلى بالعروسة وتخليها تيجى بنفسها المفروض تشيلهالك جميلة بجد لانك ماكنتيش ملزمة تعملى ده علشانها
أخلاق والله:)

reemaas يقول...

يلا عملنا الخير ورميناه البحر يا مونى

بس والله يابنتى ماطمر ايييييييييييه دنيا

FAW يقول...

محترمة

وعبقرية

وجدعة جدا

مش هقول أكتر من كده :)

reemaas يقول...

FAW

يا دى الكزووووووووووووف

هههههههه
ربنا يخليك يا مصطفى من ذوقك بس والله

سواح في ملك الله- يقول...

ده اللي شغال في الحكومة يابنوتة

لازم تبقي عينه في وسط راسه

ربنا يستر عليكوا يابنتي من اللي جاي

تحيتي

reemaas يقول...

سواح في ملك الله-

اه والله يا خالد مانا عامله اجازة حاليا بعد ماطلع عينى معاهم

دعاء العطار يقول...

ع فكره انتى بنوته جدعه أوووووووووووى ويارب كل اللى بيشتغل يتقى ربنا فى شغله كده

فرحانه بيكِ أوى يانور بجد

" الراجل راح شايل مروحة المكتب بتاعه وبنفسه وصلنى تانى لحد الصيدلية!!ثبتنى "

ههههههههههههههههههههههه

علمتوا الراجل الأدب

(:

مصطفى سيف يقول...

يعني لازم الافترا تنكدوا على العروسة في شهر العسل :)
انتي عملتي الصح برافو عليكي يا نور
حليتي المشكلة بذكاء واقتدار
تحياتي

عباس ابن فرناس يقول...

تجربة مميز
جديرة بالمتابعة

تحياتى المستعطر

Casper يقول...

ربنا يعينك يا ريماس
________

بالتوفيق دائما

Bent Men ElZaman Da !! يقول...

ماشاء الله يا ريماس على حسن تصرفك
ذكيه بجد
الاول فكرتى انك ماتوقعتيش نفسك انتى وصاحبتك فى مشكله
وبعدين فاكرتى فى الصيدلانيه صاحبه العهده عشان مايحصلهاش مشكله هى كمان
ربنا يوفقك :))

هبة فاروق يقول...

بنت بميت راجل يا نور
ربنا يحميكي عجبنى تصرفك قوى رغم قلة خبرتك وقتها
وعجبنى اهتمامك بظروف غيرك دة يدل على حسن الخلق والتربية
تحياتى لكى يا قمر

شيرين سامي يقول...

جدعه يا نور و شاطره بجد ما شاء الله عليكي دي مش تصرفات خريجه جديده.
ربنا يحميكي
تصفيق حااااااد
:)

reemaas يقول...

دعاء العطار

ههههههههههههه اهو يا دودو هو كمان ماكملش فى ادارة المستشفى كتير مش عارفه ليه:)

هههههههههههه
ربنا يخليكى ياقمر

reemaas يقول...

مصطفى سيف

طبعاااااااااااااا مش احسن ماتقضيه فى النيابه الاداريه واحتمال العامة ده تبدييد يا درش

reemaas يقول...

عباس ابن فرناس

ماحدش بياكلها بالسهل ياعبس

reemaas يقول...

Casper

تسلم كاسبير

reemaas يقول...

Bent Men ElZaman Da !!

انا وابن عمى على الغريييييييييييب

هههههه

منورانى

reemaas يقول...

هبة فاروق

الله يخليكى ياهبه بينى وبينك جايز لو كنت هتجوز كنت عملتها زيها بردو الله اعلم

reemaas يقول...

شيرين سامي

شكرا شكرا اخجلتى تواضعنا
هههههههههههههه

والله ياشرين هى جت كده ايامها وماكنتش اعرف وقتها ان ده زكاء ولا حاجة يعنى كنا حسين اننا بندبس وبنحاول مانغلطش

faroukfahmy58 يقول...

نور
قطعت اجازتى لخاطرين ... خاطرك باعتبارك كما اتفقنا وارتضينا شقيقة لهبه ولكى اخط تعليقى الى مدونتها ومدونتك بمداد قلبى وماء عيونى
نور .. نور الحياة ، نور الضياء ، نور الهداية والرعاية ، نور المحبة والذوق الرفيع
ان نسيت كل شئ لا أنسى بوستك الفريد وانت تحثيننى على ترك امرا من الممكن التغاضى عنه
فعسانى وقد وجدت النفس التى سطرت لى بكل ود وأخاء هى نفس النفس التى سعت وابت ان يتحمل آخرون خطرا قد يودى بمستقبلهم وهى لاتمت اليهم بادنى صلة حتى ولو برؤية العين
سلمت يانور وسوف يجزيك الله على جميل عطفك .. وهو وحده اسأل ان يحفظك لنا خير ملاذ فى الملمات

faroukfahmy58 يقول...

نور
قطعت اجازتى لخاطرين ... خاطرك باعتبارك كما اتفقنا وارتضينا شقيقة لهبه ولكى اخط تعليقى الى مدونتها ومدونتك بمداد قلبى وماء عيونى
نور .. نور الحياة ، نور الضياء ، نور الهداية والرعاية ، نور المحبة والذوق الرفيع
ان نسيت كل شئ لا أنسى بوستك الفريد وانت تحثيننى على ترك امرا من الممكن التغاضى عنه
فعسانى وقد وجدت النفس التى سطرت لى بكل ود وأخاء هى نفس النفس التى سعت وابت ان يتحمل آخرون خطرا قد يودى بمستقبلهم وهى لاتمت اليهم بادنى صلة حتى ولو برؤية العين
سلمت يانور وسوف يجزيك الله على جميل عطفك .. وهو وحده اسأل ان يحفظك لنا خير ملاذ فى الملمات

reemaas يقول...

faroukfahmy58


اد ايه يا استاذ فاروق الرد ده غالى عندى جدااااااااااااااا

وواالله العظيم وانا بحكيلكم عن اللى حصل ماجاش فى دماغى ان حد هياخد باله من الموقف على اساس جدعنه هى طلعت منى بتصرف تلقائى يعنى ولان ده كان حدث من ضمن الاحداث

بجد مكسوفه كتير

ربنا يتقبل منى ومنك الدعاء يا استاذنا وتفضل ديما منورنا