الاثنين، 13 يونيو، 2011

يومياتى2

لمتابعه الجزء الاول ادخل هنا






                                              اول درس

عدت الايام متتابعه فىنفس الصيدلية اللى بدأت فيها حياتى العملية وكنت مبسوطة جدا الحقيقة لانى اكتشفت ان يجى منى كصيدلانيةاكتر مما كنت كطالبة

المجال ممتع جدا والتعامل مع الناس على اد ماهو مرهق على اد ما هو مفيد جداواكتشفت فى نفسى بسببه مواهب كتير منها القدرة على استيعاب الناس

المهم يعنى  عدت الايام وجينا اخر الشهر ..........عرفين معنى اخر الشهر ايه؟

ايوووووووووووووون.......اول مررتب فى حياتى ودى حاجة يعنى مش هينة

استنيت الدكتورة يومها تنزل بفارغ الصبر علشان اقبض بقى وكنت وعدتهم فى البيت بانى هعزمهم عزومة مالهاش حل

استنيت......استنيت.......استنييت...!!!!ومانزلتش

روحت البيت وانا زعلانة وقولتلهم معلش يا جماعه مانزلتش ابتسم بابا يومها وقالى عادى اكيد حصلها ظروف

رحت تانى يوم وانا متفائلة خير .........ولم يختلف كثيرا عن اللى قبله

واللى بعده واللى بعده ......خمس ايام لحد ما الهانم نزلت وقالتلى معلش يا نور نسيتك خالص!!!!!!!!!!!!ولايهمك حضرتك عادى

اخدت المرتب وعزمت بنصه العيله وبالنص التانى اشتريت دوشة"هبقى احكيلكم على دوشة بعدين"

ومرت الايام وجه  اخر الشهر التالى وتكررت نفس الاحداث وطالت المدة من خمس ايام لست ايام 

وعلمت مع الوقت وومع الرغى ان ده بيحصل مع كل الموجودين فى الصيدلية صيادله كانوا او مساعدين والكل مخنوق وهيفرقع

وبما انى كنت متغاظة وساكتة ولقيت الكل كده وبما انى حقنية شويتين وبحب اخد حق الناس طالما اقدر وطالما ماقدرتش اخد حقى

قررت انى اقولها.......مش على مرتبى طبعا لا عيب بردو ماتجيش على مرتب المساعدين الغلابة دول مابدهاش بقى طالما هى سايقه الزاهيمر لازم حد يفوقها

سنيت سنانى واتصلت عليها واقلتلها قالتلى بكل هدوء طيب يادكتورة افتحى الدرج وقبضيهم

اقبض مين حضرتك

قبضى البنات يا حبيبتى..........

حاضر

قفلت السماعه وانا فرحانة بانتصارى ورحت فرحت البنات وادتهم مرتابتهم واذا فجاءة اكتشفت الحقيقة المرة

دى ماقالتليش اقبضى انتى...........!!!!!!!!!

وعليها قبضت مرتبى بعد 10 ايام ماعرفش كان بردو زاهيمر ولا عقاب ليا علشان اتكلمت الله اعلم بالنوايا بقى

المهم انى اتعلمت درس انى لما ربنا يقدرنى وافتح صيدلية عمرى عمرى ما اخر مرتب حد من اللى هيشتغلوا معايا ابداااااااااااااااااااااا

هناك 24 تعليقًا:

سواح في ملك الله- يقول...

فيه ناس كدة

مبتحسش بظروف الناس طول ماهما مبسوطين

جايز اللي ماقبضش ده عنده جمعية ولا حاجة

وكل شويةصاحب الجمعية ينطله عايز فلوسة

او عايز يدفع ايجار او دروس عيال

تعرفي النوعية دي من اصحاب الاعمال

ممكن تكسب كتييير اوي

بس بعد كدة بتخسر كتير قوي

لان يوم مابتقع ماحدش بيحب يقف جنبها

المهم قبضتي الشهر ده ولا لسة ههههههه

ريبال بيهس يقول...

صباح الورد ريماس

للأسف اللي أيده في الميه مش

زي اللي أيده في النار ...

الرسول الكريم صلى الله عليه وسلم

أمرنا بأن نعطي الأجير حقه كامل

حتى قبل أن يجف عرقه في كنايه

عن الإستعجال في سداد حقوقه لكن بعض

الناس المستثمرين يستسهلون دعاوي

الموظفين ولا أعلم من اين تأتيهم

الثقة والقوة هذه ...

أتمنى ربنا يوفقك وتفتحي صيدليتك

قريب بإذن الله .

تحياتي

فتافيت يقول...

هههههههههههههههه
كويس انك اتعلمتي الدرس
بس ليه الغلاسة دي.. مادامت الفلوس موجودة
ليه ما تقبضش الناس في ميعادها
في ناس يوم واحد زيادة بيفرق معاها جدا
حلوة اليوميات يا دكترة :)

ابراهيم رزق يقول...

ههههههههههه
ادى اخرة انك تعملى زعيمة

الرسول بيقول اعطى الاجير حقه قبل ان يجف عرقه
محسوبك بيوصل الى اخر الشهر بالعافية يبقى استنى ازاى
يارب تفتحى صيدلية و هاكون اول زبون

تحياتى

reemaas يقول...

سواح في ملك الله-

اه يا خالد ماهى عملتهم على قلبها ههههههههههههه

حتى ولو ماكنش وراه كل الالتزامات دى فبرده مش من حقها تاجله دى اجلت فرحة اول مرتب ياسيدى

خلاص بقى دى كانت ايام دلوقتى الحال اختلف خالص

reemaas يقول...

ريبال بيهس

صباحك فل

ماهم اصحاب العمل لو يسمعوا بحديث النبى صلى الله عليه وسلم ده كانوا ريحوا واستريحوا

reemaas يقول...

فتافيت

والله يا بنتى مانا فاهمة لحد يومنا هذا اى النظرية من ده والعجيب بقى انى اشتغت مع كذا صيدلى بعدها والكل فيه نفس الداء

اتمنى ان يكون اول يومية عجبتك نورتينى

reemaas يقول...

ابراهيم رزق

تنورررررررررررنى هعملك خصم على فكرة
ههههههههههههههه

ريــــمــــاس يقول...

صباح الغاردينيا رموسه
امممم
هي من نور دي <<< ملقوفه
ههههههههههه
اولاً ربنا يوفقك ويسعدك واشوفك لما انزل مصر فاتحة صيديلة قد الدنيا عشان يمكن اكون مجوزة ساعتها واجي اخد من عندك عينة تحليل حمل وارجع السنة الي بعديها واخد من عندك بامبرز وسيميلاك والسنة الي بعديها اجي اخد من عندك بندول عشان الصداع وبعدها بسنة اخد تحليل حمل برضو
لحد بقى مااخد حبوب منع الحمل هههههههه واوعدك هتقفلي الصيدلية من ورايا :)
سوري انا بس حبيت اخرجك من جو الدكتور دي سبحان الله هي نسيت انها في يوم كانت زي البنات دول ونسيت حديث الرسول صلى الله عليه وسلم لكن تقولي ايه عمر الانسان مايجرب يحط نفسه في الموقف عشان يحس بمشاعر الناس بس انتي بت جدعه حتكون قدها :)
؛؛
؛
لروحك عبق الغاردينيا
كانت هنا
reemaas

مصطفى سيف يقول...

يعني ساعات بيبقى سبب التاخير هو تغطية شيكات الصيدلية او التزاماتها
وده يعتبر زي ميثاق عادي بين الناس اللي بتشتغل في الصيدلية وخوفها على المكان نفسه لكن لو الشيكات متغطية يبقى ده استهبال من صاحب العمل وعدم احساسه باللي شغالين معاه
تحياتي

دعاء العطار يقول...

هههههههههههه

ياعينى يابنتى .. دى حاجه رخمه أوى

يعنى الواحد يبقى منتظر بالعااااافيه اخر الشهر وكمان تتأخر

واضح انها فعلاً عندها زهيمر بس بإرادتها

ربنا يوفقك يانور ( مااعرفشى ان اسمك نور) مش تقولى ده أنا بحب الاسم ده جداً

ربنا يوفقك وتفتحى صيدليه ومايبقاش عندك زهيمر D: D:

(: (:

reemaas يقول...

ريــــمــــاس

اعمليها انتى بس وانا اجى افتح فرع عندك مخصوووووووووص

ماهو وقت الدفع كل حاجة بتتنسى يا ريمو

reemaas يقول...

مصطفى سيف

استهبال يا مصطفى استهبال اسالنى انا

reemaas يقول...

دعاء العطار


ياااااااارب يا دعاء يارب


ايون ياست البنات اسمى نور وريماس اسم بنت اعز صحباتى واسمى على الفيس علشان كده سميت المدونة بيه

موناليزا يقول...

يااا صبر أيوب
يا خبر أبيض وقدرتى تصبرى من غير ما تتكلمى كده

ده أنا ايام ما كنت فى شغلى لو القبض اتأخر عن يوم28 كنت بعمل اعلان انى ماقبضتش:)

Casper يقول...

انا برضه حصلي كده في اول شغل اشتغلت فيه بعد تخرجي وانتظرت اخر الشهر وعدى يوم والتاني والتالت وفين وفين لما اخدت المرتب وكان اقل مما استحقه ومن المتفق عليه بس اكتشفت ان مبدأ الاستعباط أو الزهايمر ^_^ موجود عند ناس كتير وان مفيش حد بيقدر اللى شغالين معاه او قليل اللى بيفهم او بيقدر

ساعتها تأكدت من صحة المثل القائل
اللى عنده دم احسن من اللى عنده فلوس
D:

قطرة وفا يقول...

يااااااااااااااه ايه دا ... بجد حاجة تغيييييييييييييظ اووووووي ... ربنا يوفقك و تفتحي عيادتك الخاصة :)

شيرين سامي يقول...

أنا بقى أول مره أقبض إستهبل و إستعبط و نقصني 100 جنيه قال إيه عشان كنت بمشي ربع ساعه بدري في الأيام اللي بيجي فيها يستلم مني و يمشيني بس أنا ماسكتش خصوصاً إني كنت ماشيه من صيدليته...جبت بابايا معايا و فشيت فيه غلي:)
بعتلي الفلوس على البيت بعدها أُمال جامده جامده يعني ههههههه
هفضل كل مره أعلق على ذكرياتك بذكرياتي
جميله أوي اليوميات يا نور
تحياتي ليكي

reemaas يقول...

موناليزا

هههههههههههههههه لا ماهو انا اتعلمت بقى يا مونى

reemaas يقول...

Casper

تصدق حتة مثل فى الجوووووووووووووون

reemaas يقول...

قطرة وفا
يارب ادعيلى انتى بس

reemaas يقول...

شيرين سامي

هم ماينفعش معاهم غير كده اصلااااااااااااااا

مبسوطة انى بفكرك بحاجات حوة ياشيرى

Bent Men ElZaman Da !! يقول...

هى بتنسى والا بتقصد تعزبكم ههههههههههه
فى ناس مش بيجى فى دماغها ان اللى مستنين مرتباتهم دول بيبقوا على نااااار علشان يوم القبض ده

reemaas يقول...

Bent Men ElZaman Da !!

هو انا مش عاوزة اظلمها واقول كانت متعمدة بس ممكن نقول مثلا ماكنتش بتنسى
هههههههههه