كل يوم يخرج مع اصحابه ويسهر اد مايسهر ويرجع يقعد يتفرج على التليفزيون فى صمت من غير مايوجهلها ولا كلمة
زهق وتعبت وقررت انها تواجهه بقى كفاية سكوت لحد كده
هى:هو انت قاعد ساكت كده ليه مش كفاية انك سهران لبعد نص الليل برا وسايبنى؟
هو:عادى بتفرج وبعددين انا كنت مع اصاحبى
هى :طب يعنى هو اصحابك دول مالهوش بيوت وزوجات انا تعبت من كتر القاعدة لوحدى
هو:ما يردش
هى: طب انتم بتتكلموا مع بعض انت واصحابك ولا ساكتين بردوا
هو:طبعا بنتكلم
هى:طب ماتتكلم معايا انا
هو:مانا بكلمك اهو
هى:بغيظ مكبوت....طيب مش اصحابك دول متجوزين؟
هو: اه
هى:طب ماتعرفنى على مراتتهم يمكن نبقى اصحاب ياسيدى بدل حبستى دى
هو:يبصلها كده بهدوء بصة مالهاش اى معنى ويقولها.....اعمليلى بيض بالعجوة
هى:نعم؟ انا بكلمك فى اى دلوقتى انا بقولك انا زهقانة ياتقعد معايا ياتعرفنى عليهم
هو:وانا بقولك انا جعان وعاوز بيض بالعجوة......
وانتهى الحوار
مشاركة منى فى حملة اتكلمى
هناك 27 تعليقًا:
الفتور فى العلاقه كده اللى بيخلى جوازات كتير اووووى تنتهى
سؤال بعيدا عن الموضوع
اشمعنا بيض بالعجوه؟هههههههههه
اصل انا اول مره اسمع عنه صراحه
Bent Men ElZaman Da !!
ههههههههههه
سؤال وجيه
مش عارفه جه على بالى كده
طعمه حو على فكرة ابقى جربيه
هو فتور + ملل + اكتئاب + غرق في هموم الحياة وكل دول لما بيتجمعوا مع بعض بيقضوا على الاسرة في اقرب وقت
___________
خالص تقديري لفكرك وقلمك
نـــــور
يستحوز عرضك دائما اعجابى الشديد الذى يشع فى نفسى الهدوء والراحة لما يحمله ويتمتع به من امانة العرض وصراحته وصدقه
فكتاباتك يانور تمتاز:
السرد الممتع الذى لا يشعر معه قارؤك بالملل والشرود
الاختصار المفيد الذى يتفق وطبيعة وقتنا الضيق وعصبنا المعوق
تذكرين وتذكرينا بواقع تذوقنا المصرى وخاصة عندما اشرت الى وجبة العجوة بالبيض وهى الوجبة التى كانت تعدها لى امى حين رضائها عنى
نهاية عرضك المفتوح الذى تتركين فيه قارئك وانت تعلمين جيدا انه لن يترك سطورك حيث ينثر الخيال نسيجه فى ذيل كلماتك ليكمل قصتك المفتوحة
اننا معك حيث قصدتى واينما ذهبتى فنحن دائما مع سطورك الضاحكة الباكية
اما دااا راجل عجوة خالص
لايستقيم الامر يانور والاتنين بيتعاملوا
مع بعض علي انهم طرفين في صراع
تحيني يانور
هههههههههه في مثل الماني بيقول انت زي ما بتاكل...الراجل ده بيض وبعجوة
ههههههه . . بيض بالعجوة , إيه الراجل ده . . تنح قوي :)
فعلا لازم الراجل يفهم إن الست فعلا بتبقي مستية الكلمتين بتوع بالليل دول من أول ما بتصحي , بالذات لما تكون مبتشتغلش
وعلي فكرة موضوع حلو والله إن الزوج يعرف زوجته علي زوجات صحابه . . بيقلل مشاكل كتير قوي
تحياتي . .
طيب ما تعمله بيض بالعجوة يمكن يتفك لسانه
على فكرة مشكلة الصمت الزوجي مشكلة رهيبة انا كنت ناوي اكتب قصة عنها
تحياتي
Casper
معاك حق يا كاسبير بس فى حالتنا هو مابيحاولش نهااااااائ
faroukfahmy58
صباحك سكر يا استاذنا والله ديما حضرتك بتدينى مساحة كبيره عليا اوى ربنا يخليك لينا
انا حبيت اسيبها مفتوحة لان فيه اللى هيتخيل خناقة فظيعه هتقوم بينهم
وفى اللى حابب ان الزوجة تاخدها من قاصرها وتسكت او حتى تقوم تعمله البيض بالعجوة
كل واحد وزى مايحب النهايه تبقى ازاى
اا بحب البيض بالعجوة جدا على فكرة:)
سواح في ملك الله
اكييييييييييد يا خالد وطول ماهم شايفين ان كل واحد فيهم هو اخر مايمكن ان يشغل تفكير التانى
Tarkieb
هههههههههههه عجبنى المثل جدا
FAW
اه طبعااااااااا
عارف يا درش الراجل ده ولامؤخذة غبى او مابيحسنش التفكير لانه لو فكر كان عرف انه لو حكالها اى حوار دار بينه وبين اصحابه اى حدوتة ولو بسيطة او حاول فعلا يعرفهم على بعض مشاكله هتتحل
مصطفى سيف
هنتظرها بفارغ الصبر يادرش كتابتك غيييييييييييييييييييييييير
المشكلة فى البيض بالعجوة
طبعا المشكلة
مش فى الكلام المشكلة فى فتح اطار للكلام
لكن تعالى هنا لم تذكرى طريقة البيض بالعجوة
ارجو ذكرها فى الرد اهو نطلع منكوا بحاجة فى حملتكوا دى
ههههه
تحياتى
المشكلة فى البيض بالعجوة
طبعا المشكلة
مش فى الكلام المشكلة فى فتح اطار للكلام
لكن تعالى هنا لم تذكرى طريقة البيض بالعجوة
ارجو ذكرها فى الرد اهو نطلع منكوا بحاجة فى حملتكوا دى
ههههه
تحياتى
ومن ده كتييييييييير:(
وبعد العجوة لسه هيطلب شاى كمان
هيشلها يعنى:) وفى الاخر هيسيبها متغاظة ويدخل ينام
هو:يبصلها كده بهدوء بصة مالهاش اى معنى ويقولها.....اعمليلى بيض بالعجوة
يافرستهاااااااااا
مايستفزنيش الا انى اكون بتكلم جد جداااااا وحد يكلمنى بنتهى البروووووود
وللاسف ده كتيييييييير منه فى الجواز
جميله يانور .. تسلم إيدك (: (:
للاسف في رجال كتير بالشكل ده
بره تلاقيهم بيرغو بسرعة عشان يلحقو يقولوا اللى عوزينه قبل ما ينسو وكأن حد بيجري وراهم
وبمجرد يدخل عتبة البيت تلاقيهم صمٌ بكمٌ عميٌ :)
بوست جميل وواقعي
تحياتي
ابراهيم رزق
ههههههههههههه
لازم تطلع مستفيد انت يا استاذ ابراهيم هبقى اقولهالك حاضر
موناليزا
ههههههههههههههههههههه ده لو ماسبهاش ونزل يكمل سهر برا بجد متغاظ اوى من اللى يعمل ده
دعاء العطار
هههههههههههههههههههههه
اه والله يا دودو بتبقى حاجة تفرس
آخر العنقــــــود
وياريتهم ساكتين بس لا ويسكتوها بالعافيه كمان
جميله جدااا
وانا بموت ف البيض بالعجوة:)))
علشان كدا هقوم اعمله واكل معاه
جايز وقتها يتكلم :)
Aya Mohamed
مبسوطة جداااااااااا انه عجبك فى ناس ماكنوش يعرفوه:)
بيدفى على فكرة
مبحبش البيض بالعجوه
ههههههههههههههههه
معرفش علاقته ايه بالموضوع بس حبيت اقول كدة ههههههههههه
ومش هعمله لجوزى يبقي ياكله برة بقي
المهم انك اتكلمتى وارتحتى
انا البوست ضحكنى بس ساب ليا فكرة
في العلاقه بين اى اتنين حياتهم الروتينيه وفتورهم بيوصلهم لمرحله مستفزة من الردود ومن التتنيح
:) يستحق اعاده النشر ياعسل :)
rona ali
اانا لو عندى جوز منده يا رنا احتمال تسمعه خبره يعنى هههههههههه
إرسال تعليق