الجمعة، 24 يونيو 2011

بيض بالعجوة!!!!!!!!






كل يوم يخرج مع اصحابه ويسهر اد مايسهر ويرجع يقعد يتفرج على التليفزيون فى صمت من غير مايوجهلها ولا كلمة

زهق وتعبت وقررت انها تواجهه بقى كفاية سكوت لحد كده


هى:هو انت قاعد ساكت كده ليه مش كفاية انك سهران لبعد نص الليل برا وسايبنى؟

هو:عادى بتفرج وبعددين انا كنت مع اصاحبى

هى :طب يعنى هو اصحابك دول مالهوش بيوت وزوجات انا تعبت من كتر القاعدة لوحدى

هو:ما يردش

هى: طب انتم بتتكلموا مع بعض انت واصحابك ولا ساكتين بردوا

هو:طبعا بنتكلم

هى:طب ماتتكلم معايا انا
هو:مانا بكلمك اهو

هى:بغيظ مكبوت....طيب مش اصحابك دول متجوزين؟

هو: اه


هى:طب ماتعرفنى على مراتتهم يمكن نبقى اصحاب ياسيدى بدل حبستى دى


هو:يبصلها كده بهدوء بصة مالهاش اى معنى ويقولها.....اعمليلى بيض بالعجوة


هى:نعم؟ انا بكلمك فى اى دلوقتى انا بقولك انا زهقانة ياتقعد معايا ياتعرفنى عليهم


هو:وانا بقولك انا جعان وعاوز بيض بالعجوة......




وانتهى الحوار 


مشاركة منى فى حملة اتكلمى


هناك 27 تعليقًا:

Bent Men ElZman Da !! يقول...

الفتور فى العلاقه كده اللى بيخلى جوازات كتير اووووى تنتهى

سؤال بعيدا عن الموضوع
اشمعنا بيض بالعجوه؟هههههههههه
اصل انا اول مره اسمع عنه صراحه

reemaas يقول...

Bent Men ElZaman Da !!

ههههههههههه
سؤال وجيه

مش عارفه جه على بالى كده

طعمه حو على فكرة ابقى جربيه

Casper يقول...

هو فتور + ملل + اكتئاب + غرق في هموم الحياة وكل دول لما بيتجمعوا مع بعض بيقضوا على الاسرة في اقرب وقت

___________


خالص تقديري لفكرك وقلمك

faroukfahmy يقول...

نـــــور
يستحوز عرضك دائما اعجابى الشديد الذى يشع فى نفسى الهدوء والراحة لما يحمله ويتمتع به من امانة العرض وصراحته وصدقه
فكتاباتك يانور تمتاز:
السرد الممتع الذى لا يشعر معه قارؤك بالملل والشرود
الاختصار المفيد الذى يتفق وطبيعة وقتنا الضيق وعصبنا المعوق
تذكرين وتذكرينا بواقع تذوقنا المصرى وخاصة عندما اشرت الى وجبة العجوة بالبيض وهى الوجبة التى كانت تعدها لى امى حين رضائها عنى
نهاية عرضك المفتوح الذى تتركين فيه قارئك وانت تعلمين جيدا انه لن يترك سطورك حيث ينثر الخيال نسيجه فى ذيل كلماتك ليكمل قصتك المفتوحة
اننا معك حيث قصدتى واينما ذهبتى فنحن دائما مع سطورك الضاحكة الباكية

سواح في ملك اللــــــــــــــــــه- يقول...

اما دااا راجل عجوة خالص

لايستقيم الامر يانور والاتنين بيتعاملوا

مع بعض علي انهم طرفين في صراع

تحيني يانور

Tarkieb يقول...

هههههههههه في مثل الماني بيقول انت زي ما بتاكل...الراجل ده بيض وبعجوة

FAW يقول...

ههههههه . . بيض بالعجوة , إيه الراجل ده . . تنح قوي :)

فعلا لازم الراجل يفهم إن الست فعلا بتبقي مستية الكلمتين بتوع بالليل دول من أول ما بتصحي , بالذات لما تكون مبتشتغلش

وعلي فكرة موضوع حلو والله إن الزوج يعرف زوجته علي زوجات صحابه . . بيقلل مشاكل كتير قوي

تحياتي . .

مصطفى سيف الدين يقول...

طيب ما تعمله بيض بالعجوة يمكن يتفك لسانه
على فكرة مشكلة الصمت الزوجي مشكلة رهيبة انا كنت ناوي اكتب قصة عنها
تحياتي

reemaas يقول...

Casper

معاك حق يا كاسبير بس فى حالتنا هو مابيحاولش نهااااااائ

reemaas يقول...

faroukfahmy58

صباحك سكر يا استاذنا والله ديما حضرتك بتدينى مساحة كبيره عليا اوى ربنا يخليك لينا

انا حبيت اسيبها مفتوحة لان فيه اللى هيتخيل خناقة فظيعه هتقوم بينهم
وفى اللى حابب ان الزوجة تاخدها من قاصرها وتسكت او حتى تقوم تعمله البيض بالعجوة
كل واحد وزى مايحب النهايه تبقى ازاى

اا بحب البيض بالعجوة جدا على فكرة:)

reemaas يقول...

سواح في ملك الله

اكييييييييييد يا خالد وطول ماهم شايفين ان كل واحد فيهم هو اخر مايمكن ان يشغل تفكير التانى

reemaas يقول...

Tarkieb

هههههههههههه عجبنى المثل جدا

reemaas يقول...

FAW

اه طبعااااااااا
عارف يا درش الراجل ده ولامؤخذة غبى او مابيحسنش التفكير لانه لو فكر كان عرف انه لو حكالها اى حوار دار بينه وبين اصحابه اى حدوتة ولو بسيطة او حاول فعلا يعرفهم على بعض مشاكله هتتحل

reemaas يقول...

مصطفى سيف

هنتظرها بفارغ الصبر يادرش كتابتك غيييييييييييييييييييييييير

ابراهيم رزق يقول...

المشكلة فى البيض بالعجوة

طبعا المشكلة
مش فى الكلام المشكلة فى فتح اطار للكلام

لكن تعالى هنا لم تذكرى طريقة البيض بالعجوة
ارجو ذكرها فى الرد اهو نطلع منكوا بحاجة فى حملتكوا دى
ههههه
تحياتى

ابراهيم رزق يقول...

المشكلة فى البيض بالعجوة

طبعا المشكلة
مش فى الكلام المشكلة فى فتح اطار للكلام

لكن تعالى هنا لم تذكرى طريقة البيض بالعجوة
ارجو ذكرها فى الرد اهو نطلع منكوا بحاجة فى حملتكوا دى
ههههه
تحياتى

موناليزا يقول...

ومن ده كتييييييييير:(
وبعد العجوة لسه هيطلب شاى كمان
هيشلها يعنى:) وفى الاخر هيسيبها متغاظة ويدخل ينام

دعاء العطار يقول...

هو:يبصلها كده بهدوء بصة مالهاش اى معنى ويقولها.....اعمليلى بيض بالعجوة

يافرستهاااااااااا

مايستفزنيش الا انى اكون بتكلم جد جداااااا وحد يكلمنى بنتهى البروووووود

وللاسف ده كتيييييييير منه فى الجواز

جميله يانور .. تسلم إيدك (: (:

آخر العنقــــــود يقول...

للاسف في رجال كتير بالشكل ده
بره تلاقيهم بيرغو بسرعة عشان يلحقو يقولوا اللى عوزينه قبل ما ينسو وكأن حد بيجري وراهم
وبمجرد يدخل عتبة البيت تلاقيهم صمٌ بكمٌ عميٌ :)

بوست جميل وواقعي
تحياتي

reemaas يقول...

ابراهيم رزق
ههههههههههههه

لازم تطلع مستفيد انت يا استاذ ابراهيم هبقى اقولهالك حاضر

reemaas يقول...

موناليزا
ههههههههههههههههههههه ده لو ماسبهاش ونزل يكمل سهر برا بجد متغاظ اوى من اللى يعمل ده

reemaas يقول...

دعاء العطار

هههههههههههههههههههههه
اه والله يا دودو بتبقى حاجة تفرس

reemaas يقول...

آخر العنقــــــود

وياريتهم ساكتين بس لا ويسكتوها بالعافيه كمان

aya mohamed يقول...

جميله جدااا
وانا بموت ف البيض بالعجوة:)))
علشان كدا هقوم اعمله واكل معاه
جايز وقتها يتكلم :)

reemaas يقول...

Aya Mohamed


مبسوطة جداااااااااا انه عجبك فى ناس ماكنوش يعرفوه:)

بيدفى على فكرة

rona ali يقول...

مبحبش البيض بالعجوه
ههههههههههههههههه
معرفش علاقته ايه بالموضوع بس حبيت اقول كدة ههههههههههه
ومش هعمله لجوزى يبقي ياكله برة بقي

المهم انك اتكلمتى وارتحتى
انا البوست ضحكنى بس ساب ليا فكرة
في العلاقه بين اى اتنين حياتهم الروتينيه وفتورهم بيوصلهم لمرحله مستفزة من الردود ومن التتنيح

:) يستحق اعاده النشر ياعسل :)

reemaas يقول...

rona ali

اانا لو عندى جوز منده يا رنا احتمال تسمعه خبره يعنى هههههههههه