السبت، 3 سبتمبر 2011

اين تذهب؟




كتير منا لما بيتخنق اوى بيحب يروح مكان معين بيحس فيه بالراحة....بيقدر يلملم نفسه تانى

حتى لو ماكنش مخنوق كفاية يروح المكان ده علشان يعيد شحن نفسه لمواجهة اعباء الحياة

وانا اقدر اقول وبكل ثقة انى امتلك مثل هذا المكان

المكان:منطقة اللسان براس البر

الزمان:وقت الغروب ومايليه يعنى ممكن تمتد لبليل

بفضل ماشيه لحد ماجيب اخره على راس اللسان بالظبط ...اقعد على الصور ورجلى ناحيه الصخور الفاصله بينه وبين الميه

هناك حيث تلتقى مياه البحر مع مياه النهر فى مشهد تتجلى فيه عظمة الخالق بكل صورها
بسم الله الرحمن الرحيم"مرج البحرين يلتقيان*بينهما برزخ لا يبغيان*فبأى الاء ربكما تكذبان"صدق الله العظيم
ضيف على كده وقت الغروب والتقاء الشمس بالمياه واحتضان المياه ليها فى سكون واستسلام غريب
بحس وقتها ان نفسى اوصل هناك......هناك عند نقطة التلاقى بينهم ......حاسة ان هناك اخر الدنيا.
ورغم الزحمة اللى بتبقى موجودة هناك لكنى مابحسش بالناس اللى حواليا

كل اللى بيبقى شاغلنى انى اتابع موج البحر المتلاطم الهايج وموج النيل الهادى الرايق وهم بيتقابلوا بتناسق عجيب كل منهم محتفظ بكيانه وكينونته  وهيبته

اد ايه منظر بديع يخطف القلب  ويغسل الهموم.

ياترى عندك مكان بترتاح فيه كده؟

هناك 28 تعليقًا:

سواح في ملك اللــــــــــــــــــه- يقول...

كنت زمان كثير الاسفار

لكن دلوقتي الواحد مش عارف ليه

معندوش الرغبة يروح اي مكان

لكن الاماكن الاثرية القديمة اكثر مايجذبني

Unknown يقول...

أنا برتاح لما اشوف البحر عند الساحل الشمالي تحديداً بحس إني بفكر في و لا حاجه أو في حاجات تفرح بس :)

مصطفى سيف الدين يقول...

انا برتاح لما باقعد مع نفسي لوحدي في لحظات صفاء نفسي :)
موضوع حلو اوي

MeDo ALi يقول...
أزال المؤلف هذا التعليق.
MeDo ALi يقول...

المسجد .. انا برتاح لما بدخل المسجد لصلاة الفجر .. معتقدش انه في وقت فيه سلام وسكينة وصفاء وهدوء زي وقت الفجر بجد بيبقى وقت جميل وهادي جداً ..

Bent Men ElZman Da !! يقول...

اجمل حاجه بجد اننا دايما نلاقى مكان لما تقفل اوى معانا نروح فيه
لما نرجع منه تحسى اننا اتغسلنا ونقدر نبدأ من جديد
البحر دايماً بيعمل معايا التاثير ده

دعاء العطار يقول...

بحب البحر أوى يانور وبرتاح جداً لما بقف أفكر قدامه

مش بحب انزله قد مابحب اقعد قدامه وأتأمله

لدرجة انى لما اروح أصيف مش بقيت انزل البحر خالص

بحس ان المتعه الاكبر انك تقعدى تكلميه

بس عارفه يانور

ساعات مفيش اى مكان بيريحك وتحسى ان هموم الدنيا محاوطاكى ومفيش اى حاجه مريحاكى

واكتر مكان يريحك ساعتها

سجده على سجادتك فى اوضتك وانتى غرقانه فى دموعك لربنا وبتشتكيه همك

اقدر اقولك ان ده اكتررررررر مكان بيريحنى لما اكون مهمومه اوى

حلوه جداً فكرة الموضوع يانور (: (:

ابراهيم رزق يقول...

تعرفى يا نور ان راس البر من المصايف اللى محبتهاش لانى احب لكل مصيف تكون له خصوصية معينة و بصراحة راس البر و جمصة و بلطيم مش قادر الاقى ليها خصوصية

لكن المكان اللى بتحكى عليه من اكثر الاماكن اللى بتعجبنى فى راس البر و نفس الشعور ده بيجينى و باتذكر نفس الاية القرانية
تحياتى

غير معرف يقول...

صباحك غاردينيا نور
فعلاً حلو يبقى لينا مكان نهرب ليه بهمومنا تقدري تقولي بهرب لذكرياتي مع بابا الله يرحمه يعني بهرب لطفولتي يمكن لاني بحبها جداً ولاني بحس بأمان فيها أكتر ساعات بكتب رسايل كتير لبابا وبخبيها وبعد ماكتبها بحس براحة اممممم دا سر خليتيني احكيلك عنه اما لو عاوزة مكان فـ أكيد البحر بس ساعات الفجر بحس ليها جو مختلف "
؛؛
؛
لروحك عبق الغاردينيا
reemaas

kmhmhgfd يقول...

بوست مميز وواقعى
اول زيارة ليا ف المدونة وش هتكون الاخيرة ان شاء الله
انا بقا البحر بينسينى كل همومى وبرتاح وانا معاه جدا جداا
تلمى ريماس

حَنيّـن نِضال يقول...

سبحان الله و لا اله الا الله لله في خلقه شؤون

استطعتي بحرفية رهيبة تجسيد جمال المنظر بروعه الكلمة و هنا يكمن الابداع ^____^

reemaas يقول...

يعنى من السابق ذكره نقدر نقول الصلاة والبحر والوحدة هم وسيلتنا كلنا لاستعادة النفس

لسه لحد دلوقتى ماحدش قال انه بيتنطط علشان يهدى نفسى ههههههههه
اصلى اعرف ناس كده

reemaas يقول...

ابراهيم رزق

معاك انه مصيف فيه تجمع رهيب من البشر بس نعمل ايه بقى
بس المكان تحفه بجد

reemaas يقول...

ريــــمــــاس

حلو اوى الهروب بتاعك يا ريمو
الله يرحمه

reemaas يقول...

zay maTigy

منورانى ديما يارب

reemaas يقول...

haneen nidal

الله يخليكى ياقمر على ادى يعنى

FAW يقول...

جميل قوي الإحساس ده

البحر عامة في أي حتة مشاهدته ممتعة

بس المكان تحديدا , أي مكان بعيد عن الزحمة والدوشة (أكتر كائنين بكرههم في حياتي) :)

نهر الحب يقول...

ريماس
ممكن اعمل كوبس بيست لكومن دعاء العطار
:))

لسه النهاردة كنت بتأمل في الغروب اوي وقد ايه كان جميل

نفسي الناس كلها تشوف المناظر الحلوة دي وتقدرها اوي

reemaas يقول...

FAW

اه والله انا كمان بكرههم جداااااااااا

reemaas يقول...

نهر الحب

اعملى كوبى للتحبيه حد هيحاسبنا :)

اه والله ياريت فعلا بس الوقت

موناليزا يقول...

من أول ما شوفت الصورة عرفت إنك هتتكلمى عنه
على فكرة المكان بالتوقيت دول تبعى :)
أمال مابشوفكيش هناك ليه
مش تبقى تيجى :)

جايدا العزيزي يقول...

مساء الورد على ارق ورده

موضوع رائع جدا

دايما فى السفر سبع فوائد

واكيد الانسان بيرتاح لو سافر لاماكن جديده

عارفه يانور ان برتاح جدا لما ازور البحر بحس انى بحكيله كل اللى جوايا

شكرا على الموضوع الجميل ده

تحياتى

reemaas يقول...

موناليزا

هههههههههههههههههه
والله يا مونى لو اعرف انك هناك كنت اتصرفت

بس تصدقى كدع ممكن تكونى قاعده جنبىوماعرفكيش
مشكله

reemaas يقول...

جايدا العزيزي

اه والله يا جايدا بتحسى كده بسعته دى انه هو الكائن الوحيد اللى ممكن يستوعب كل اللىجواكى ومش هيفضح سرك

منورانى ديما حبيبتى

εïз زهرة εïз يقول...

منظر رائع جدا اصلا
وحشني البحر اوي
وصفك جميل :)

ツSmiLeY AnGeLツ يقول...

عندي مكان لو بيدي اروحة كل يوم في اي وقت واي زمان
نفسي اروحة الفجر عشان اشوف شروق الشمس
ونفسي اروحة بالمغرب عند غروب الشمس
نفسي اروحة بالظهر عشان احس برحرارة الشمس ونفسي اروحة في العصر عشان احس ببرودة الشمس والهواء الجميل
نفسي كل يوم اروح لهذا المكان بس هو بعيد عنا مسافة وكمان بعيد عني ارتفاعا هي قلعة فوق جبل كل ماروحها واطلع واتعب واقول لنفسي دي اخر مرة اطلعها
ديقطعت خلفي
بس اول ماوصلها واشوف المدينه والبحر من فوق انسى كل الي قلته وكل التعب الي حسيت فيها
تشوفي افق البحر من جه ومن الجهة الاخرى تشوفي المديونة يالله ع منظر كل مااذكرة روحي تروح ليه
سبحان الذي صورة لتك اللوحة الجميلة
ان شاءالله بعرفك عليها وبكتب عنها في بوست ع مدونتي وانزل الصور الي صورتها وكمان صور المناظر الي صورتها من القلعة

ازيك ياقمر؟؟؟؟
يارب تكوني بالف خير و

وحشااااااااااني كثييييير

تقبلي مروري ^_^

reemaas يقول...

εïз Semsema εïз

وانا كمان وحشنى جدااااااااااا

reemaas يقول...

خواطري مع الحياة

وصفك ليها يجنن يا رشا بجد ونفسى اشوفها
انتى كمان وحشانى كتييييييييير