الخميس، 16 يونيو 2011

د.رفعت........




عارفينه؟

اعتقد بعد تجربة بوست رجل المستحيل فى عدد مش بطال منكم عارفينه

ولكنكم لاتعرفون مدى تعلقى بهذا الرجل....هذا الشيخ الكبير المتهالك اللى عاش وحيد

وهيموت وحيد فى مساء ما......

لا تعرفون مدى تعلقى بهذا الطبيب الطاعن فى السن واللى بتحصله حاجات اوقات هو نفسه مابيقدرش يفرق ان كانت هلوسة شيخوخة اصابت عقل  اضناه تصلب الشرايين وامراض الشيخوخة المعروفة ام انها واقع ملموس؟؟!!!!!!!

اشياء لو كان اصغر فى السن قليلا لحاول البحث عن تفسير لها ولكنه يكتفى بالذعر ويترك لك انت التفسير!!!!!

لاتعرفون هذا الشيخ الذى يرفض كل ماهو خارق عن الطبيعة ويحاول جاهدا ان يجد له تفسير ..ثم يكتشف انه كان سااااذج ساااذج

من هو؟

لمن لا يعرفه......هو صديقى الملازم فى اوقات الفراغ وراسم ابتسامة على وجهى فى اغرب الظروف.......وهو الوحيد الى يجعلنى ابتسم ولا فخر عندما ينجح فى ان يرعبنى!!!!!!!!

من هو؟

انه د.رفعت اسماعيل...............استاذ امراض الدم المتقاعد والبالغ من العمر 70 عام

عمرك شفت بطل عمره 70 عام؟

هو الطبيب الاعذب...وطبيعى جدا يكون كده فلاتوجد زوجة تستطيع تحمل مايمر به

هو الرجل الذى لن يكف عن سرد قصص كابوسية الا حين يحين اجله.

هو الرجل الذى لايكتب مذكرات لان ذكرياته من النوع الذى لاااينسى

هو الرجل الذى يعلم انه مريض بكل امراض الدنيا ولكنه وبسبب مايتعرض له من احداث عجيبه يتحول الى مدخنة متحركة لكم رهيب من السجائر .....ويوصيكم من كل قلبه بعدم التدخين !!!!!!!!!!!!!

 هو الرجل الذى يوصيكم دائما فى اول سرده للقصة ان تذكروه بشئ ما مثل ان يصلح ثلاجته او مصباح غرفته ......ثم يعود ويذكركم فى منتصف القصة ثم يعاتبكم على الانشغال بالاحداث وعدم تذكيره.!!!!!!!!!!       

انه صديقى العجيب.....د.رفعت اسماعيل

هناك 18 تعليقًا:

سواح في ملك اللــــــــــــــــــه- يقول...

لا اعرف منهو دكتور رفعت

ولكن من خلال حكايتك عنه اكتشفت فيه شئ

انه ينطبق عليه مثل

( سبع صنايع والحظ ضايع )

وده معناه انه شتت جهود حياته في جبهات

كتيرة ولم ينجح في شئ منهما لانه اكتشف

ان العمر اقصر من كل مايريد تحقيقه

تحيتي يابنوته

FAW يقول...

نور . . (ما أنا عرفت الإسم بقي :))

أنا معرفوش بس فيه مدون أو مدونة كان كاتب عنه قبل كده , ولا تكون إنتي ؟ :)

عامة , قوليلي هو ده في سلسلة ما وراء الطبيعة ولا إيه بالظبط عشان عايز أقراه

تحياتي . .

مصطفى سيف الدين يقول...

رفعت اسماعيل صديق انا الصدوق
ليالي وايام قضيتها معه اراقب سعاله بقلق
احاول ان اعالجه من ذبحته الصدرية
ارافقه وهو يطارد اللهب الزرق وتطارده اوراق التاروت
اسمع النداهة وهي تناديه
دوما اشعر انني هو او جزء منه ذلك الكائن الوحيد الذي تتحدى وحدته الزمن ويتحدى ضعفه الاهوال التي يلاقيها وما زال قلبه نابضا
افضل شخصية قدمتها تلك السلاسل
اعشقه اكثر من ادهم صبري او نور
اشكرك اختي العزيزة
تحياتي

Casper يقول...

في الحقيقة معرفوش
بس واضح انك متأثرة بيه جدا D:

______

خالص تقديري لفكرك وقلمك

ابراهيم رزق يقول...

انها الكاريزما

حتى الشخصيات المكتوبة على الورق لها كاريزما

هى من عند الله

تحياتى و سلامى الى دكتور رفعت
هههههههه

Bent Men ElZman Da !! يقول...

انا بردو بحب الراجل ده جداااا ومغرمه بما وراء الطبيعه اوووووووووووى
بيخلى الواحد يركز معاه رغم انه زى ما قولتى عنده 70 سنه وبيرعبنا وحاجات كتير كده
بس دايما بيبقى فيه حاجه بتجذب الواحد ليه

reemaas يقول...

سواح في ملك الله-

الدكتور رفعت زىماقولت يا خالد لكن الغريب انك تحس انه راضى عن نفسه بعد كل مغامرة
هو بطل مجموعه ماوراء الطبيعه لاحمد خالد توفيق

reemaas يقول...

FAW

ايووووون يا درش هو بطل ما وراء الطبيعه واعتقد المدونة اللى اتكلمت عنه هى بتاعه احمد خالد توفيق المؤلف هتلاقيها عندى وشاكة انها عندك على فكرة عموما هى عندى فى المدونات اللى بتابعها

reemaas يقول...

مصطفى سيف

ايوووووووون هو ده بقى برافو يا مصطفى اخدت بالى انا من البوست اللى فات انك متابع

reemaas يقول...

Casper

جدااااااااااا ياكاسبير هو يشدك جدا اصلا بطريقة كلامه

reemaas يقول...

ابراهيم رزق

لو على الكاريزما فهو عنده منها بقدر هاااااااااائل جدا

reemaas يقول...

Bent Men ElZaman Da !!

معاكى حق يابنوتة
اهلا بكى فى عالم محبين د رفعت

دعاء العطار يقول...

أنا بحب جداً دكتور أحمد خالد توفيق وبحب إسلوبه

بلدياتى بقى D: D:

جميل إختيارك يانور (:

reemaas يقول...

دعاء العطار

دى اى البلد اللى طلعت دعاء العطار واحمد خالد توفيق

فعلا اسلوبه جميل واسلوبك اجمل يا دودو

موناليزا يقول...

وصديقى أنا أيضاً:)
لا أمِل من صحبته:)

reemaas يقول...

موناليزا

جمعااااااااااء

دعاء العطار يقول...

البلد

طنطا يانوووور

ماأنا طنطاويه (: (:

بس أنا فيييييييين واحمد خالد توفيق فين

reemaas يقول...

دعاء العطار

احسن ناس

اوعى تقولى كده انتى اهو واحمد اهو
ههههههههههههه

ربنا يكرمك حبيبتى وتبقى اكبر منه كمان