الاثنين، 6 يونيو 2011

الى الاستاذ فاروق فهمى


قريت اخر تدوينة حضرتك كتبتها واحزننى جدا التعليقات اللى حضرتك لقيتها واللى جعلت حضرتك تاخد قرار انك ترفع التعليقات

اوقات كتير يا استاذنا زمان ايام ماكنت نشيطة جدا فى الجروبات واقرء كل التوبيكات اللى بتزل وارد عليها كلها واهتم بكل رد يجينى على موضوع انا كتباه كان بيزعلنى جداااااا لما حد يقولى سلمت يداكى اختى الكريمة ويسكت علىكده من غيرنقاش

وخصوووووووصا بقى لما اكون كاتبة موضوع حوار اخره بيكون سؤال مطروح للنقاش طب يعنى الرد ده مابيكونش ليه اى محل من الاعراب طب ليه تعبت نفسك وكتبته

وكنت ديما بقول مافيش فايدة طول مافى ناس بتمضى وبس او بمعنى اصح بتبصم وبس

بس صدقنى يا استاذنا رغم كل الحاجات اللى تغيظ دى طلعت بصحبه حلوة اوى من ناس بتفكر قبل ماتكتب او تقول اى حرف

قصص حضرتك متعه روايات من الماضى انا عن نفسى احب جدا انى اشارك فيها
وماتزعلش من اى رد مش مسؤل او طالع من حد داخل لمجرد انه مش لاقى حاجة يعملها

وعتقد ان الحكاية ممكن نلاقى ليها حل غير رفع التعليقات زى مثلا اوبشن فى الاعدادات يحميك من تفاهات الردود ياريت لو اى حد من اصحابنا له خبرة فى ده يدنا حل

ملحوظة:اول مرة اعرف ان كارولين بنت حضرتك 

منتظرة كل التدوينات اللى حضرتك وعدت بيها وكل الذكريات اللى حضرتك شوقتنا نعرفها واتمنى انى الاقى باب التعليق مفتوح  عن قريب

هناك 12 تعليقًا:

مصطفى سيف الدين يقول...

الاستاذ فاروق فهمي اسعد طبعا بصحبته وهو من اوائل الناس هو وكارولين اللي بيتابعوا مدونتي باستمرار وده بيخلي ليهم معزة خاصة عندي
علشان كده احب اقول للاستاذ فاروق متتسرعش بغلق باب التعليقات في اوبشن بيخليك تشوف التعليقات قبل النشر ولو شايف تعليق ممكن يضايقك ممكن تحذفه
لكن متمنعش ناس انها تقول رايها وتناقشك وتحاول تراجعك في وجهة نظر ممكن يكونو شايفينها غلط او يحييوك لما يتفقوا معاك في وجهة النظر دي
معتقدش اننا هنا كمدونين بنتعمد نجرح بعض او نسيء لبعض احنا بنحاول نحث بعض على الافضل
تحياتي اختي العزيزة واشكرك على البوست الجميل ويا ريت الاستاذ فاروق يراجع نفسه في القرار ده

سواح في ملك اللــــــــــــــــــه- يقول...

بنت اصول يابنوتة

انا برضة كنت اول مرة اعرف ان
كارولين فاروق وهبة فاروق اخوات
وولاد الراجل المحترم ده

وانا مش مأيده في زعله

وبرضه ممكن يعمل خاصية الاشراف علي التعليقات

وانا برضة يانور هتابع معاكي

تحيتي يانور

reemaas يقول...

طب اهو فى حلول اهو يا ستاذنا

ومش وحدى بطالب بالعدول عن القرار ده يارب حضرتك تقرا البوست

Casper يقول...

انا برضه استغربت من قرار الاخ الفاضل فاروق في رفع التعليقات طبعا انا معرفش الموضوع بالتفصيل لكني مقدر الموقف اللي هوا فيه واكيد هوا رأى ما يدعوه لرفع التعليقات

اللى بتمناه انه يكون قرار مؤقت
واضم صوتي لصوت مصطفى انه اللى عاوز يناقش ويقول رايه اكيد مش هيقدر بسبب القرار ده

اخيرا وليس باخر
لك منا كل التقدير والاحترام يا فاروق
ولا تحرمنا من النقاش معك في ابداعاتك

________

خالص تحياتي ليكي ريماس
بوست أكثر من جميل

Casper

غير معرف يقول...

صباح الغاردينيا ريماس
وسبحان الله ربنا بيحبني اوي لاني تعرفت بيكي في الفترة دي الي كنت بسأل فيها عن أستاذ فروق لاني بجد فقدته من فترة ووكنت سعيدة بمدونته وتعليقاته عندي الي بتسعدني وتشرفني بجد وسألت عنه عند ماما زيزي ربنا مايحرمنيش منها وبوجه لها تحية لانها وصلت سلامي لأستاذ فاروق وبقوله انه فيه ميزة موافقة التعليق ممكن يعملها واي تعليق مش كويس او حتى حس انه دخول للمرور فقط يحذفه انما بجد حرام ننحرم من التعليق عند روائعك رغم اني حاسة اوي بمشاعرك لانه بجد بتحس لناس الي بتكتب الكلام بتاع سلمت ايدك وبوست جميل ويخرج انه استخفاف ب البوست لانه بيكون ماقراه اصلا وعلى فكرة سعيدة جداً انه كارولين خفيفة الدم الجميلة بنت حضرتك ولو شاف تعليقي يقولي كارولين غايبة ليه وكمان انت عاوز تحرمنا منك انت كمان :)
طيب اعتبرني ريماس فاروق هههههههه يعني بنتك ومش حرضى ابداً تتقفل تعليقات مدونة بابا ايه رايك تقبل ولا لا ؟؟
:)
بجد بشكرك على كلامك في البوست الاخير وتحيتك ليا ودا سؤال طبيعي لاني بحبك وبعزك كـ أب بفقده بغيابه وبتمنى بجد تفضل معانا وتفتح التعليقات للناس الي بتقرأ بظمير وبتحب تكون معاك دائماً
؛؛
؛
ريماس الجميلة وبابا فاروق
لأرواحكم عبق الغاردينيا
كانت هنا
reemaas

reemaas يقول...

والله انا نفسى بجد يجى يقرا تعليقاتكم يا جماعة اكيييييييييييييد هتفرق معاه

Unknown يقول...

أنا كمان ماكنتش أعرف ان كارولين بنت الأستاذ فهمي كنت فاكراه من أصغر من كده و عشان كده إستغربت أوي لما لاقيت بوست ليه من مدونتها...كان لازم يوضح ده.
مقدرش أقول اني مبحبش التعليقات القصيره أو الtemplate بس بعذر الناس يمكن في حد معندوش تعليق أكتر من إعجابه بالكلام أو حد مش بيحب يطول, لكن اللي بيضايقني أوي ان حد يعلق و هو مقراش بجد بتنرفز جداً.
ياريت ميزعلش و زي ما الدنيا فيها كده و كده المدونات بردو كده
تحياتي ليكي و ليه

ابراهيم رزق يقول...

ريماس

مفيش حاجة اقولها بعد اللى اتقال فى التعليقات السابقة
لكن هاقولك حاجة يا استاذ فاروق
انت عارف سيادتك لما علقت من مدونة كارولين حسينا برائحة مدونتها و ياريت هى كمان تعود الى التدوين
حاجة ثانية انت بنى ادم حقيقى

تحياتى

ابراهيم رزق يقول...

ريماس

مفيش حاجة اقولها بعد اللى اتقال فى التعليقات السابقة
لكن هاقولك حاجة يا استاذ فاروق
انت عارف سيادتك لما علقت من مدونة كارولين حسينا برائحة مدونتها و ياريت هى كمان تعود الى التدوين
حاجة ثانية انت بنى ادم حقيقى

تحياتى

دعاء العطار يقول...

بضم صوتى لصوتك ياريماس ولصوت كل حد هنا

أستاذ فاروق بيسعدنا بمواضيعه جداااااااً كون ان فيه ناس مش فاهمه وداخخله عالم التدوين غلط

أعتقد زى ماقولتوا كلكم أكيد فيه حلول زى الاشراف على التعليقات

بس مش لدرجة اننا نمنع نفسنا من التواصل مع بعض

شكراً ياريماس على دعوتك الجميله دى لأستاذ فاروق ويارب أستاذ فاروق يستجيب (:

Emtiaz Zourob يقول...

والله فعلا كلامك ياريماس ، انا كنت حابة اقول نفس الشيء للاستاذ فاروق فهمي بس للاسف رافع خاصية التعليقات من عنده ، عموما ، انا عندي اقتراح له لو انه يشوف تعليقي ده وهو ، انه ممكن يعمل خاصية الاشراف على التعليقات ، اللي يعجبه يضعه واللي مش ولابد ، يحذفه ويريح نفسه ، لانه حرام الواحد عن جد بيكون حابب يعلق على مواضيعه ،، بصراحة انا فاتحة مدونتي ع البحري ، بس لو اجت تعليقات مثل هيك ، اكيد راح اعمل اشراف عليها ..
انا كمان زيك اول مرة اعرف انه كارولين بنته ، فكرك هبه فاروق بنته كمان ؟؟؟ اصله ذكر انه له بنتين حببوه في المدونات ؟؟
وبعدين هم الاثنين اخذوا اجازة من التدوين مع بعض ..

reemaas يقول...

ايون يا وجع البنفسج هبة فاروق كمان بنته انا اكتشفت ده من كلام خالد