فى اوربا والدول المتقدمة.. الحب مالوش سن يعنى ممكن تلاقى حد عندى 10 ولا 15 سنة وبيحب .. حاسس انه متعلق بحد ..والاهل بيحترموا ده بغض النظر عن التفاصيل.. مابيقلوش له انت لسه عيل..
ممكن بردو تلاقى حد معدى الستين ولا السبعين ولا حتى التمانين وبيحب كتوكوتة كده اده فى السن ..وبيقرروا انهم ..يكملوا حياتهم مع بعض.. يفتحوا صفحة جديدة ..
ماحدش بيقولهم عيب على شيبتكم ولا اللى ادكم يفكر فى اخرته ولا هم اصلا بيفكروا فى العمر اللى لسه مش باقى فيه اد اللى راح!
ممكن بردو ا تلاقيهم متجوزين من زمان وكبروا فى السن ولسه بيقولها بحبك من غير ماتقوله هى يا راجل احنا كبرنا على الكلام ده..
وتلاقيها هى بتقوله بحبك من غير ما يقولها اعقلى بقى يا وليا انتى احفادك قربوا يتجوزا !
هناك 9 تعليقات:
أنا بعتبر ده يا ريماس وفاء وحب فى نفس الوقت ان اتنين يكبروا ولسه الحب بيكبر فى قلوبهم اما إنهم بيحترموا الحب فده لانهم عايزين مجتم مترابط طبعا ده بصرف النظر عن انهم معندهمش قيم اسلامية بس ممكن الغنسان يحب حب عفيف بس الأهم من كده هل المجتمع هيسمح بده ولا لا وهل طريقة التربية هتسمح بده ولا لا طبعا انابتكلم عن الشريحة الكبيره
ورغم كده الحب هو اسمى المشاعر البشرية أيا كان المحبوب
فالحب مذاهب
سلمتى وسلم قلمك
الترجمة العملية للحب في عندنا
الشرق يابنوتة هو الزواج
السؤال يانور؟؟
ليه بنقبل ده في الغرب وبنعتبره شئ
كويس ونيجي عندنا طبعا وبتقاليدنا
الآصيلة المعروفة بنرفض نجوز البنت سن
16 اوالولد بحجة انهم لسة صوغننيين
مع ان في الدين لايحرم مثل هذا الزواج
مع العلم ان الزواج لايتم الا بالطقوس
الدينية المعهودة ولكن حكوماتنا تحرم
ذلك
يا سلام يا نوووووووووووووووووووور
فين ايام ما كان فى حب
ايام رفاعى الطهطاوى و احمد عرابى و مصطفى كامل و عباس زغلول مين عباس زغلول ده
كنا رجالة و بنحب زى الرجالة
انا اخر مرة شفت واحد بيحب كان من عشرين سنة
و دلوقتى قاعد و مبسوط فى مستشفى العباسية
يالله بقى ربنا معاه
عشان يانوري إحنا عندنا البني آدم زي كيس الشيبسي له صلاحية :D
مش للحب بس للأسف وللحلم وللتعليم وللجنون .. حاجات كتيرة أوي بيتقال عليها "بعد ما شاب" .. للاسف :(
Gamal Abu El-ezz
ماهى طريقة التربية بقى هى المشكلة انك تستخف بعواطف حد بسبب سنه صغر او كبر دى مالهاش علاقة بالقيم الاسلامية دى ليها علاقة بقيمك انت
سواح في ملك الله
هههههههههههههه هو انا كنت بتكلم عن المشاعر مش عن الجواز
انا عارفة ان ترجمة المشاعر فى النهاية الجواز بس النهاية دى صعب نبتديها فى وقتنا ده فى السن اللى بتتكلم عنه لاسباب كتير اولهم اننا علشان نجوز ولد عند 16 ولا 17 يبقى لازم يكون كون نفسه علشان يشيل مسؤلية بيت زى برا طبعا مافيش كده
علشان الولد والبنت يتجوزا فى السن ده فى بلدنا لازم اهلهم هيجوزوهم وطبعا مافيش شغلانة ولا يقدروا يتحملوا مسؤلية ... الدنيا بايظة يعنى
ابراهيم رزق
ديما كدهون رافع روحى المعنوية .. يعنى خلصت خلاص !
doaa elattar
هههههههههههههههههه ديما كدهون فهمانى يا دودو
أكيد مش فى الغرب بس على فكرة لو دورت كويس هتلاقى فى الشرق كمان...
بس الصورة العامة والتقليد هو اللى بيخلينا نفتكر إن كل حاجة حلوة عند الغرب...
تحياتى.
إرسال تعليق