الأربعاء، 9 أكتوبر، 2013

عن... الشيزوفرينيا











* عن الاخ اللى بيزعق لاخته علشان حبت وهو بيحب ومعرفها عليها كمان..!

* عن الاب اللى هارى نفسه سجاير وضرب ابنه اللى عنده 15 سنة علشان شم ريحه دخان منه!

*عن صاحبنا اللى متجوز من كام سنة وعنده اطفال وكاتب على اكونت الفيس !single

* عن صاحبتنا اللى عاملة اكونت على الفيس عايشه بيه حياتها واكونت لاخوها وخطيبها وباقى العيلة الكريمة!

* عن صاحبنا اللى شايل موبايليين موبايل للشغل والبيت ومبايل للحب والعواطف!

*عن صاحبنا اللى كل اسامى الناس اللى على موبايله رجاله بس لو جيت للحق مش كلهم رجاله واللى دايما  موبايله خالى من ذاكرة الاتصالات والرسايل!

* عن صاحبنا اللى بيشترط ان البنت اللى هيرتبط بيها وتشيل اسمه ماتكنش حبت قبل كده واحيانا ماتكنش حبته هو شخصيا قبل كده!

*عن صاحبتنا اللى مقطعة فروة طوب الارض وزعلت جدا لما عرفت ان صاحبتها جابوا سيرتها وهى مش موجودة!

هناك 7 تعليقات:

Nelly Aly يقول...

باب النجار مخلع..للأسف:(

faroukfahmy يقول...

اخترت واحسنت الاختيار
كتبت واجدت ما تكتبين
تدويناتك جذابه وخلاقه
بصمة احساسك طاغيــــه
مغمورةوفى طريقك للبروع
تتنفسين الواقع باختناقه
تحياتى وتقديرى لكتاباتك
الفاروق

ابراهيم رزق يقول...

ههههههههههههههه
انا مشكلتى فى المجتمع ده هو الازدواجية

اسيبك بقى عشان اغير الاكاونت بتاع و خليه سنجل
هاكتب ابو زياد و ساليناز و سولينا و سنجل
مشكلة لو افتكروا سنجل ده ابنى الرابع

ملحوظة
انا موبايلى معلهوش اسم راجل الا اسامة ازهرى و سيف و كله اسامى بنات و دى قصة طويلة
ههههههههه

تحياتى

Nour يقول...

اسلوب حياة للأسف !

Gamal Abu El-ezz يقول...

فيه ناس كتير عايشه حياة التناقضات دى
يحب يعمل الى هو عايزه بس عايز يظهر بقالب غير حقيقته..وانا بعتبر ده نوع من النفاق
زى الإنسان الى فيه كمية غل كبيره وظاهر قدام الناس انه طيب


تحياتى لكى على البوست الى بعتبره لمسه للواقع

سواح في ملك الله يقول...

ده يابنوتة مش شيزوفرانيا

ده تقدري تفسريه ان الكدب بقي جزء مهم

من حياتنا

والخديعة بقت فهلوة ونصاحة

تحيتي لاطيب نور

غير معرف يقول...

انا مصطفى.
اهالينا علمونا انى الراجل لازم يبق مدردح علشان يلاقى شغل والناس تحبو.والبنت لازم تكون حركه ودمها خفيف علشان تعجب واد حلو ومريش.خيبونا والله