الثلاثاء، 1 أكتوبر، 2013

على الهامش 6








فى الافلام الامريكانى كل الناس اصحاب البيوت الفخيمة واصحاب البيت الاوضة وصالة بيشيلوا مفتاحهم تحت الدواسة اللى ادام الباب او على عقب الباب من فوق .. او تحت الزهرية اللى محطوطة فى اي حتة ادام الباب بردو.. مش فاهمة ايه الفكرة اللى المفروض توصل هنا..
انهم عايشين فى امان ؟!... ماعندكوش حرامية؟ الحرامية بتوعكم تخصص بنوك وبيدخلوها من بلعات المجارى اللى انضف من اجدعها شوارع عندنا؟!!

ده احنا ناقص نحط بيوتنا فى قفص حديد وبردو بنتسرق!!
وبعدين هم الحرامية الامريكانى مابتفرجوش على افلام امريكانى ولا ايه ؟ 
عزيزى الحرامى الامريكانى المفتاح  فى الاماكن السابق ذكرها على فكرة .. تعامل بقى 

هناك 10 تعليقات:

ابراهيم رزق يقول...

دايما الحرامية مرتبطين بالمجتمع

حرامية الغسيل فى المدن مثلا

و حرامية الفراخ زمان لما كان فى عششش

و حرامية المواشى فى الاقاليم

reemaas يقول...

ابراهيم رزق

هههههههههههههههه اوبا ده احنا كده متأخرين حتى فى السرقة والحرامية

رحاب صالح يقول...

هههههههههههه
تصدقي صح الكلام
تقربيا عما حاجة من اتنن يا مبيتفرجوش ع الالافم دي يا اما الامريكان بيرسموا صورة للحياة الامريكية منافية للواقع
واعتقد ان الرأي الثاني هو الارجح عزيزتي
سلنمت يداك
مساؤك بنفسج عطر

سواح في ملك اللــــــــــــــــــه- يقول...

اصل هناك يابنوتة مبيخشوش البيت يسرقوه

لا دول بيسرقوا البيت بحاله هههههههه

يعني صاحب البيت لو راح ملقاش المفتاح

مكانه يبقي البيت كله اتسرق يروح يدور

بقي علي بيت غيره بدل مايوجع دماغه

ويقعد يدور علي الحرامي هههههههه

Nour يقول...

احنا بنحط المفتاح كده على فكرة مش امان على قد ما هو مكابرة
فاكرة وقت الانفلات الامني، كنت بتحايل على بابا يجيب قفل لباب العمرة وكوالين جديدة لأبواب الشقة وهو كان مصصم ان مفيش حاجة والحياة عادية :D

Gamal Abu El-ezz يقول...

إحنا ممكن نوردلهم حرامية بيفهموا من هنا وهيعملوا أحلى شغل
بس على فكره الحراميه هناك بيفهموا لان الامريكى مبيسبش حاجه ليها قيمة فى بيته كله فى البنوك حتى المجهورات وكمان الحرامية هناك مش عايزين يتمسكوا بحاجت تافه حلة أو فازه أو أى حاجه ملهاش قيمة كبيره بيطبقوا الى يسرق يسرق جمل

reemaas يقول...

رحاب صالح

انا حسيت ده والله

reemaas يقول...

سواح في ملك اللــــــــــــــــــه-




ههههههههههههههههه تصدق صح

reemaas يقول...

Nour

ماهو بصراحة اللى احنا مرينا بيه ده من العجائب وماحدش بسهولة يقدر يقتنع بيه

reemaas يقول...

Gamal Abu El-ezz

تخيل كده لو فعلا صدرنا الحرامية بتوعنا هههههههههههههههه