السبت، 26 أكتوبر، 2013

مع نفسى ..... 25





عدت سنة ... زى النهاردة  من سنة وزى كل سنة اتمنيت كذا امنية وانا بطفى شمعة عيد ميلادى
بس يمكن السنة اللى فاتت اتمنيت اوى .. اتمنيت بكل ما فيا من قوة ماعرفش يمكن هما هماهم الامانى ماتغيروش بس حسيت انى نفسى يتحققوا اوى وبصراحة جالى احساس ساعتها انهم هيتحققوا جايز من كتر ماكان نفسى فى كده وجايز من منطلق انك لو امنت بحلمك اوى هيتحقق.. بس للاسف ربنا مااردش.. وبصراحة بردو  خايفة اتمناهم تانى لمايتحققوش..
بس مافيش ادامى حل تانى 
يااااااااااااااااااااااارب يتحققوا السنة دى 
يارب..
**********

زى النهاردة من سنة نويت انى اعمل حاجات معينة فى حياتى فى السنة الجديدة من عمرى اممممممم هم بالظبط 3 حاجات 
1/ اتعلم سواقة
2/اخرج الكتاب بتاعى للنور
3/اقرا كل الكتب اللى عندى على اللاب 
ماعمتلش منهم تقريبا الا حاجة واحدة.. الكتب اللى عندى على اللاب  اينعم ماخلصتهاش كلها بس تقريبا قرأت اكتر من 100 كتاب فى خلال السنة دى .. سعيدة بالانجاز ده وهتكلم فى تدوينة تانية عن اهمهم بالنسبالى..
بالنسبة للكتاب اينعم مش هعرف انزله ورقى بس نويت انزله الكترونى وبشتغل على ده حاليا
ان شاء الله هقدر اكمل باقى الكتب واتعلم السواقة :)
*********

مش عارفة انوى اعمل حاجة السنة دى ماعرفش ليه .. جايز لانى ماخلصتش حاجات السنة اللى فاتت؟!
هعتبر دى الاجابة وهخلصهم واشوف فى خلال السنة الجديدة المستجدات ان شاء الله :)

هناك 10 تعليقات:

faroukfahmy يقول...

صباح الخير يا نـــــــــور
صدقينى يا نور مش عارف ليه لما بقرأ ليكى بشعر بان الكلام صادر من قلب القلب من جوه جواه مش مزوق ولا مموج ولا محوج ولا مبهرج انما صافى طازج رفيق رقيق انيس ونيس لاسع بغير سخن ساخن بغير لسع ، مولود من رحم الواقع فيُخرج طفلا صغيرا برئ لا يعرف الكذب ولا الرياء
الفاروق

P A S H A يقول...

كل سنة وانتي طيبة يا دكتورة وبألف خير وصحة وسعادة وإن شاء الله تحققي السنة دي كل ما تتمنين
:))

ابراهيم رزق يقول...

كل سنة و انتى نور
يعنى كل سنة و انتى طيبة

سواح في ملك اللــــــــــــــــــه- يقول...

كل سنة وانتي طيبة يانور المدونات

وتحققي كل احلامك

نهر الحب يقول...

اولا وحشتيني
وعايزة اقولك اني بجد كتير باجي وبمشي بسرعة قبل ما اقول تعليق بس باجي يعني

ثانيا
انا ليا وجهة نظر في حكاية الامنيات والاحلام دي
هو ساعات اللي ممكن يحصلك احلي كتير من اللي كنتي اتمنتيه وساعات ربنا بيأخر الحلو ده عشان تحسي بطعمه اووووي لما ييجي
ان شاء الله ربنا يحققلك اللي تتمنيه واحسن مليووووووووووووون مرة

حلوة اوي الاغنية اللي شغالة
أووووووووي

reemaas يقول...

faroukfahmy

ياارب ديما تفضل تحس كده لما تقرالى :)

reemaas يقول...

P A S H A

وانت بالف خير يا باشا:)

reemaas يقول...

ابراهيم رزق

هههههه تسلم يا ابو زياد وانت طيب يارب

reemaas يقول...

سواح في ملك اللــــــــــــــــــه-

تسلم يا خالد وانت بخير وسعادة يارب

reemaas يقول...

نهر الحب

يارب يا ساسو يارب

انا كمان بحبها اوى