قالولى هى الدنيا كده..يا تضحك فيها يا تعيط..مافيش حلول وسط..
قولتلهم اومال التتنيح ده يبقى اسمه ايه!! حل ده ولا مش حل؟
***********
قالولى..لازم تلاقى حد تفضفضيله وتحكيله عن كل اللى جواكى..
قلتلهم طب لما الاقى الحد ده ويطلع فتان ..ويروح يسيح..
يبقى الحل ايه بقى!!!!!
**********************
قالولى..الصوت العالى يدل على ضعف الموقف..
قلتلهم ..طب نعمل ايه فى ناس مابتفهمش الا لما نزعقلهم..مابتسمعش الا لما نصرخ باللى جوانا
مابتحسش الا لما نلطشها ألم.!!!!!
**************************
قالولى لما تكبرى هتحققى كل احلامك...
قلتلهم ..هى تكبرى دى مالهاش حدود زمنية؟ فى المطلق يعنى ؟
ولا انا لسه ماكبرتش ؟؟!!!!!
*************************
قالولى كل اللى يضايقك طنشيه ولا كأنك شيفاه..
قلتلهم..علشان ماشفهوش لازم اغمض عينى...
ادينى غمضت عينى اهو..مشى ولا لسه..
لسه!؟
خلاويص؟!!!!!!!
*********************
هناك 30 تعليقًا:
قالولي نور كاتبة بوست جديد
قولت اروح ابص عليه
عندك حق يابنوتة
احنا محتاجين نتعلم كتير
تجيتي
صباح الغاردينيا نور
ساعات بنتنح لاعارفين نضحك ولا عارفين نبكي وساعات بنتنح لما نضحك واحنا بنبكي بيبقى تتنيح خاص :)
_____________________
وساعات مش بتلاقي الحد دا مش عشانه مش موجود عشان احنا مش قادرين نفضفض
________________________
هههههههههههه ولما تلطشي بـ الألم مش بتتوجع دي بردو مشكلة تانية
______________________
عمر الحلم مايتحقق حنفضل عايشين عشان نحلم ..
____________________
لا بكاشه مش غمضتي شايفاكي أنا هههههههههه
____________
نور وحشتيني بجد
:)
بحب كلامك وعفويته وصراحتك الحلوة
لروحك عبق الغاردينيا
كانت هنا
reemaas
بحب بوستاتك اوى يا نور لذيذه وطعمه وخفيفه على القلب :))
قالولى..الصوت العالى يدل على ضعف الموقف..
قلتلهم ..طب نعمل ايه فى ناس مابتفهمش الا لما نزعقلهم..مابتسمعش الا لما نصرخ باللى جوانا
مابتحسش الا لما نلطشها ألم.!!!!!
إنتى من الأخر كدة حتة سكرة وعندك حق فى كل اللى بتقوليه ده
جميلة يا ريمو بس خير مالك؟!!
هههههههههههههه
اه والله ده احنا بنتنح تتنيح ياربنا
ـــــــ
اممممممم يبقى الحل انك تحكي لحد مش تعرفيه
مش جربتها قبل كده بس ف ناس بتعملها :D
ــــــــــــ
ههههههههههههه ده ف ناس يابنتي لو انتي مش بتعرفي تعلي صوتك بتعليه .. ولما تعليه تحسي ولا كانهم سامعينك فتعليه اكتر وولا يحسوا فيزداد الاستفزااااااز وهكذاااااا :D
ـــــــــــــ
وهيفضلوا يضحكوا علينا كدهون لغاية مايقولولنا
تؤؤؤؤؤؤؤ انتوا كبار على الحلم ده :@
ــــــــــ
لسسسسسسسسسسسسسه :D
ـــــــــــــ
وحشتيني ياريمو وع فكرة انا موافقة ع موضوع طنطا وطنطا في انتظاركم على أحر من الجمر بس انتم تيجوا :)
عجبتني اوووي :)
كتير من الحاجات اللي بنتعلمها مبتشبهش الواقع !
ايووون يانور فعلا عليكي نور في اللي قولتيه
بس تصوري فكرة التتنيح دا
جميلة يا قمر
نفسي بقي تزوريني وياريت بلاش تتطبيش ولا تتنيح :))
اللى بيقولوه حاجه
واللى احنا بنواجهه فى ايامنا بيبقى حاجه تانيه خالص
سواح في ملك اللــــــــــــــــــه-
:)
ديما كده يارب اول المتابعين يا خالد
ريـــمـــاس
حبيبتى ريموسة ديما كده كشفانى انا مغمضة نص عين ههههههههههههههه
هبة فاروق
تسلمى حبيبتى يعنى اتمنى افضل كده
أم .. بوبه
تسلمى ربنا يخليكى ومنورانى ديما
E73
مش عارفه بس تقدرى تقولى فى المطلق انى زعلانة من الدنيا زعلانة منهااوى
دعاء العطار
اه ماهم بدأو يعملو معايا الحركة بتاعه انتى كبرتى دى بس على مين
طب فله اقنعى سهاد بقى :)
قطرة وفا
مبسوطةكتير انهاعجبتك
zeze ي
كنت هنااااااك
Bent Men ElZman Da
ايوووووون شبه شبه كل حاجة فى حياتنا بنتعلمها وبنعمل حاجة تانيه !
انا عايزة اعرف مين اللي بيقولوا دول كتروا اوي ومنتشرين في البلد اوي اليومين دول
:DDD
>>>>>>>>>>>>
ههههههههههههه
التتنيح حل كويس جداااا انا بحب اتنح في اللا شيء
:DD
...............
انا بقي لما بحب افضفض ومش بلاقي حد او مش بثق في حد
بفضفض مع التهيؤات بتاعتي....اللي كاتبه عنه عندي ده
عارفاه
شوفيلك واحد كدة دول في التهيؤات بيبقوا حلوين اوي
هههههههههه
..............
الصوت العالي والزعيق
تعملي ايه في حد ساكت ساكت لمدة سنتين وجاله الوقت اللي ينفجر فيه بقي؟؟؟
دانا زعقت كمية زعيييييييق
بس الزعيق كويس ريحني الحقيقة وزعل مني كل الناس
:DD
.............
لما تكبري لما تكبري لما تكبري حاجات كتييييييييير
تعرفي اني اكتشفت اننا واحنا صغيرين بنحقق احلامنا ببساطة ودلوقتي مش بنحقق اي حاجة
:)
..........
انتي عسل والله يا نور
خلااااااااااويص
لسسسسسسسسسسسسه
:DDD
نور
لكل قاعده شواز ومن فى البوست هو الشواز لكن الدنيا جميله وفيها من يستاهل الصداقه ومن يستاهل ان تبوحى له بكل شىء اسعدكى الله
تحياتى ابوداود
هو البوست ده كله بيعبر عن الألم اللي بنخده في حياتنا من أول مابنيجي الدنيا..
ربنا يستر علي الباقي..
جميل نور:)
انا بقول ماتسمعيش لحد
واسمعي صوت قلبك
مافيش اجمل منه دليل
صباحك سكر
ونستفيد من كده مش كل اللي يتقال ليكي حتى لو كان قريب منك يبقى حقيقي
فانا ممكن اقولك كلام دلوقتي في التعليق وترجعي تنشريه وتقولي قالولي ومحصلش هههههههه
تحياتي
نهر الحب
مانا بقالى فترة بعمل كده وبفضض هنا اصلا
انتى اللى ثكر
الاحلام
ساعات بشوف ده وسعات كتيييييييييير ماعرفش ليه بحسنى مش شايفه خالص
نيللى
وما اصعبه من الم الحقيقة
كارولين فاروق
صباحك احلى من السكر
شكلها هترسى على كده
eng_semsem
هههههههههههههه وانت عارفنى بسيح جدا لاصحابى :)
.....
قالولوا ؟؟؟؟!!!
عجبنى جدا رودودك كلها حكمه
كلها بتدور جوانا جدا بس حضرتك عبرتى عنها كاجمل ما يكون
تسلم ايدك
تحياتى
momken
ربنا يخليك تسلم اهى زى ماجت فى دماغى رديت بيها
منورنى ديما
إرسال تعليق