الأحد، 16 سبتمبر 2012

عنهم 4....










عنهم النهاردة غريبة شوية ومحيرة بالنسبالى على الاقل لانى مش عارفة احددلكم مين بطلها!!

قصتنا النهاردة حصلت فى دولة الممالليك ..الدولة دى يا جماعة شأنها شأن اى دولة كان ليها وقت كانت فيه فى قمة مجدها وبعدين انحدرت وانتهت...

كان من احد اسباب انحدارها بقى هو اهتمام ملوكها وحبهم للجوارى!! وسيبانهم امور الحكم للوزراء ..

واحد بقى من الملوك دول هو (الملك الصالح اسماعيل ابن الناصر محمد قلاوون) ..

الراجل ده كان بيحب الجوارى جداا حتى كانت ليهم الكلمة العليا فى دولته..اخينا ده بقى كان اكتر اللى بيعجبوه الجوارى السود..

حظيت بحبه وقتها جارية سوداء كان اسمها(اتفاق)..

الجارية دى كانت بتجيد الغناء والعزف على العود ..فاخينا حبها واتجوزها..
 اخوه بقى الملك (شعبان) كان بيحبها هو كمان ..قوم ايييه لما مات الصالح اسماعيل سنة 746هجرية..خلفه اخوه شعبان واتجوز الست اتفاق فى نفس يوم وافاة زوجها اللى هو اخوه !!

لما اتخلع بقى الملك شعبان واتقتل فى سنة 747هجرية خلفه اخوه الملك المطفر (حاجى)..البيه ده بقى اتجوزهاليلة خلع اخوه !!!
ولما غنتله الست اتفاق انعم عليها باربعة فصوص وست لؤلؤات ثمنهم اربعة الاف دينار!!

وده كان تالت سلطان من ابناء محمد ابن قلاوون يتجوز اتفاق..

وكل مرة كان بيكتب كتابها قاضى.. مع علمه ببطلان العقد  لعدم تجاوزها فترة العدة

الست دى شافت عز فى عهد الملوك التلاته ماشفتهوش ولا واحدة تانية فى زمنها..

ها بقى يا جماعة...
تفتكروا  الاحق بالبطولة ودخول التاريخ الاخوة التلاتة ولا اتفاق؟؟؟!!!!
 

هناك 13 تعليقًا:

سواح في ملك اللــــــــــــــــــه- يقول...

بصي يانووور

التاريخ مبيدخلوش الناس العاديين

اللي هما العامة اللي زينا

بس دليلة دخلت التاريخ

وشمشون دخل التاريخ

حتي والي عكا دخل التاريخ

يعني اللي بيدخل التاريخ انسان له عمل يخرج علي الطبيعة

سواء كان حلو او وحش

يعني ممكن تقولي اتفاق دي دخلت التاريخ

P A S H A يقول...

انتي أصلك مش واخده بالك يا دكتورة .. هما أصلهم كانوا عاملين جمعية وإسماعيل قبضها الأول وبعد كده شعبان وبعد كده آخر العنقود :))
وبعدين كل شيء بالخناق إلا الجواز بالـ (إتفاق)
:))

حنين محمد يقول...

صباح الغاردينيا نور
:)
مش قلت لك في البوست الي قبله انا شدني العصر الممملوكي وخاصة عن المرآة انتي النهردة قلتي الي عاوزة اقوله في البوست دا لو تسأليني مين الي لازم يدخل التاريخ أكيد اتفاق بس مش عشان اجوزت ا التلاتة عشان بتجوز بسرعة وفي وقت قياسي مش بضيع وقت الست توفي هههههههههه"
؛؛
؛
لروحك عبق الغاردينيا
كانت هنا
Reemaas

reemaas يقول...

سواح في ملك اللــــــــــــــــــه-

صح وكل واحد وعمايله بقى ونشوف هيدخل التاريخ من انهى باب

reemaas يقول...

P A S H A

ههههههههههه يكنش صحيح دى اتفاق اللى يقصدوها؟

reemaas يقول...

ريـــمـــاس

انا كمان بنفق معاكى يت ريموسة الانجاز هنا حق كامل لاتفاق هانم الحقيقة قدرة قدرة يعنى

βent Pasha يقول...

هي دي الستات ولا بلاش ، جابت أجل التلات أخوات ورا بعض
ههههههههههههههههههههههه

بركاتك با اتفاق ؛-)

تحياتي لكي ياقمر .. إيه أخباراتك ؟؟

Habiba يقول...

السلام عليكم
قصة غريبة أوى !!!!

من الواضح ان التلات إخوات كانوا بيحبوا بعض زيادة عن اللزوم لدرجة انهم مش قادرين يصبروا حتى للعدة.

متابعة معاك حكاياتك الشيقة :)

FAW يقول...

فعلا هي اللي تستاهل تدخل التاريخ مش الملوك !

وجارية سوداء ! دي ولا بيونسيه :)

reemaas يقول...

βent Pasha

بالنسبة للخطط والرسم فانا كمان بشهدلها :)

انتى اخبارك ايه يا بنوتةيارب تكونى بخير

reemaas يقول...

habiba
مش عارفة والله ياحبيبة كانوا بيحبوا بعض ولا بيكرهوا بعض ههههههههه

reemaas يقول...

FAW

اه والله فعلا نفس التشبيه جه فى دماغى :)

momken يقول...

.....

الزمن ده واطى اوى
دول تلت اخوات ملهمش اخلاص لذكرى بعض
ولا يحترموا حرمات
دى مخوووور كبير عالم واطيه
اما الست اتفاق فى من اسفل نوع حريم مجرد غانيه بعقد باطل

كان يجب ان تسقط دولتهم لضيق عقولهم

تحياتى

...