السبت، 15 سبتمبر، 2012

عنهم3.....



يحكى انه فى عصر المماليك ..كان يوجد ملك اسمه الملك الناصر صلاح الدينى التانى ابن العزيز محمد ابن الملك الظاهر غازى..
كان هذا الملك ملكا على حلب او صاحب حلب زى ما بيذكر فى كتب التاريخ..

تولى الملك وعنده سبع سنوات بسبب سياسة التوريث الفاشلة واللى كل هدفها تخليد ملك لا يدوم!! ماعلينا نرجع للملك الناصر..

كبر الملك ده على حب اللهو تاركا امور الحكم والكلام الفارغ ده لوزرائه!!!

لما اجتاح المغول حلب سنة 657 هجرية تركها الملك وهرب لدمشق!!

ويحكى انه لما ذهب الاديب الاندلسى موسى العنسى الى دمشق وكان فيها هذا الناصر فذهب ليعزيه لان المغول امعنوا فى القتل وتعذيب اهل حلب ..

فأضرب الملك عن سماع حديثه واخذ ينثر فى ابيات يرثى فيها مملوك كان يحبه وقد مات فى تلك الكارثة!!
فقال:
والله لا ابكى لملك مضى        ولا لحال ظاعن او مقيم
وانما ابكى وقد حق لى        لفقد ماكنت به من نعيم

ثم بعدها نراه هائما على وجهه حتى لجأ الى هولاكو ملك المغول ...ومعه اخوه وبعض امراء البيت الايوبى
 وبصراحة الراجل عمل اللى عليه ورحب بيهم بل واحسن اليهم كمان...
 بس يافرحة ماتمت خدها الغراب وطار!!

وصل هولاكو وقتها اخبار معركة عين جالوت..اللى هزم فيها جيش قطز بقيادة بيبرس المغول هزيمة ساحقة..
اووووووووم ايه ..فى ثانية امر هولاكو بقتل كل العالم  اللى عنده دى واولهم بطلنا الهمام..الملك الناصر!!

هناك 8 تعليقات:

سواح في ملك اللــــــــــــــــــه- يقول...



مهو برضه غبي حد برضه يروح يتحامي في المعووول

ريـــمـــاس يقول...

صباح الغاردينيا نور
عارفة كنت بقرأ كتير عن عصر المماليك كانت وحدة من أخواتي بتحضر رسالة التخرج عن العصر المملوكي حضرتي بقى جاها جنان العصر دا لدرجة بعت جبت كتب من مصر غير الي عاوزاها اختي وخاصة عن المرآة في العصر المملوكي امممم سيبك انتي من دا كله كنت حابه أقولك بجد أسلوبك في سرد " عنهم " بتبقي كأنك قدامنا وبتحكي لنا الحدوتة :)"
؛؛
؛
لروحك عبق الغاردينيا
كانت هنا
reemaas

habiba يقول...

السلام عليكم
جميلة طريقتك فى السرد جدًا نفس طريقة والدتى ربنا يطول فى عمرها :)
استمعت بالقصة دى وجديدة بالنسبة لى.
مع تحياتى :)

reemaas يقول...

سواح في ملك اللــــــــــــــــــه-

غبى دى اقل واجب الصراحة غاظنى اوى يعنى

reemaas يقول...

ريـــمـــاس

اصبرى عليا يا ريموسة ده انا هتحفكم بحبة حكايات اصلى ماسكة العصر المملوكى والفاطمى اليومين دول ...ناس كانت بتستهبل يا بنتى والله

reemaas يقول...

habiba

شرف ليا يا حبيبة والله يارب ديما افضل كده يعنى

P A S H A يقول...

ياللا كلب وراح بقى وما تجوزش عليه إلا الرحمة !

وبعدين ملك إيه ده وهو عنده سبع سنين ؟؟
جابوله تاج على مقاسه منين أنا عايز أعرف ؟؟ ولا لبسوه طرطور ؟؟

يعني لما يكون فيه وفد جي من بره وعايزين يقابلوه حد من الوزرا يشيله عشان يبان ههههههههههههههه

زي كانت فيه كلمة في القلب الشجاع : التاريخ قد كتبه الذين شنقوا الأبطال . وجايز كانت له محاسن أو مآثر في لعب البلي الله أعلم !!

reemaas يقول...

P A S H A

وحياتك كان فيه واحد بقى ملك وهو ابن خمسه
جتنا نيلة فى حظنا الهباب :)