الأحد، 9 سبتمبر 2012

عن...قالولى










قالولى هى الدنيا كده..يا تضحك فيها يا تعيط..مافيش حلول وسط..
 قولتلهم اومال التتنيح ده يبقى اسمه ايه!! حل ده ولا مش حل؟

***********





قالولى..لازم تلاقى حد تفضفضيله وتحكيله عن كل اللى جواكى..
قلتلهم طب لما الاقى الحد ده ويطلع فتان ..ويروح يسيح..
يبقى الحل ايه بقى!!!!!
**********************



قالولى..الصوت العالى يدل على ضعف الموقف..
قلتلهم ..طب نعمل ايه فى ناس مابتفهمش الا لما نزعقلهم..مابتسمعش الا لما نصرخ باللى جوانا
مابتحسش الا لما نلطشها ألم.!!!!!

**************************




قالولى لما تكبرى هتحققى كل احلامك...
قلتلهم ..هى تكبرى دى مالهاش حدود زمنية؟ فى المطلق يعنى ؟
ولا انا لسه ماكبرتش ؟؟!!!!!
*************************




قالولى كل اللى يضايقك طنشيه ولا كأنك شيفاه..

قلتلهم..علشان ماشفهوش لازم اغمض عينى...
ادينى غمضت عينى اهو..مشى ولا لسه..
لسه!؟

خلاويص؟!!!!!!!
*********************

هناك 30 تعليقًا:

سواح في ملك اللــــــــــــــــــه- يقول...

قالولي نور كاتبة بوست جديد

قولت اروح ابص عليه

عندك حق يابنوتة

احنا محتاجين نتعلم كتير

تجيتي

حنين محمد يقول...

صباح الغاردينيا نور
ساعات بنتنح لاعارفين نضحك ولا عارفين نبكي وساعات بنتنح لما نضحك واحنا بنبكي بيبقى تتنيح خاص :)
_____________________

وساعات مش بتلاقي الحد دا مش عشانه مش موجود عشان احنا مش قادرين نفضفض

________________________

هههههههههههه ولما تلطشي بـ الألم مش بتتوجع دي بردو مشكلة تانية

______________________

عمر الحلم مايتحقق حنفضل عايشين عشان نحلم ..

____________________

لا بكاشه مش غمضتي شايفاكي أنا هههههههههه
____________
نور وحشتيني بجد
:)
بحب كلامك وعفويته وصراحتك الحلوة
لروحك عبق الغاردينيا
كانت هنا
reemaas

هبة فاروق يقول...

بحب بوستاتك اوى يا نور لذيذه وطعمه وخفيفه على القلب :))

هناء محمود يقول...

قالولى..الصوت العالى يدل على ضعف الموقف..
قلتلهم ..طب نعمل ايه فى ناس مابتفهمش الا لما نزعقلهم..مابتسمعش الا لما نصرخ باللى جوانا
مابتحسش الا لما نلطشها ألم.!!!!!


إنتى من الأخر كدة حتة سكرة وعندك حق فى كل اللى بتقوليه ده

E73 يقول...

جميلة يا ريمو بس خير مالك؟!!

دعاء العطار يقول...

هههههههههههههه

اه والله ده احنا بنتنح تتنيح ياربنا

ـــــــ

اممممممم يبقى الحل انك تحكي لحد مش تعرفيه

مش جربتها قبل كده بس ف ناس بتعملها :D

ــــــــــــ

ههههههههههههه ده ف ناس يابنتي لو انتي مش بتعرفي تعلي صوتك بتعليه .. ولما تعليه تحسي ولا كانهم سامعينك فتعليه اكتر وولا يحسوا فيزداد الاستفزااااااز وهكذاااااا :D

ـــــــــــــ

وهيفضلوا يضحكوا علينا كدهون لغاية مايقولولنا
تؤؤؤؤؤؤؤ انتوا كبار على الحلم ده :@
ــــــــــ

لسسسسسسسسسسسسسه :D
ـــــــــــــ

وحشتيني ياريمو وع فكرة انا موافقة ع موضوع طنطا وطنطا في انتظاركم على أحر من الجمر بس انتم تيجوا :)

زينب علي حبيب يقول...

عجبتني اوووي :)

كتير من الحاجات اللي بنتعلمها مبتشبهش الواقع !

zeze يقول...

ايووون يانور فعلا عليكي نور في اللي قولتيه
بس تصوري فكرة التتنيح دا
جميلة يا قمر

نفسي بقي تزوريني وياريت بلاش تتطبيش ولا تتنيح :))

Bent Men ElZman Da !! يقول...

اللى بيقولوه حاجه
واللى احنا بنواجهه فى ايامنا بيبقى حاجه تانيه خالص

reemaas يقول...

سواح في ملك اللــــــــــــــــــه-

:)

ديما كده يارب اول المتابعين يا خالد

reemaas يقول...

ريـــمـــاس

حبيبتى ريموسة ديما كده كشفانى انا مغمضة نص عين ههههههههههههههه

reemaas يقول...

هبة فاروق

تسلمى حبيبتى يعنى اتمنى افضل كده

reemaas يقول...

أم .. بوبه

تسلمى ربنا يخليكى ومنورانى ديما

reemaas يقول...

E73

مش عارفه بس تقدرى تقولى فى المطلق انى زعلانة من الدنيا زعلانة منهااوى

reemaas يقول...

دعاء العطار

اه ماهم بدأو يعملو معايا الحركة بتاعه انتى كبرتى دى بس على مين


طب فله اقنعى سهاد بقى :)

reemaas يقول...

قطرة وفا

مبسوطةكتير انهاعجبتك

reemaas يقول...

zeze ي


كنت هنااااااك

reemaas يقول...

Bent Men ElZman Da

ايوووووون شبه شبه كل حاجة فى حياتنا بنتعلمها وبنعمل حاجة تانيه !

نهر الحب يقول...

انا عايزة اعرف مين اللي بيقولوا دول كتروا اوي ومنتشرين في البلد اوي اليومين دول
:DDD
>>>>>>>>>>>>
ههههههههههههه
التتنيح حل كويس جداااا انا بحب اتنح في اللا شيء
:DD

...............
انا بقي لما بحب افضفض ومش بلاقي حد او مش بثق في حد
بفضفض مع التهيؤات بتاعتي....اللي كاتبه عنه عندي ده
عارفاه
شوفيلك واحد كدة دول في التهيؤات بيبقوا حلوين اوي
هههههههههه
..............

الصوت العالي والزعيق
تعملي ايه في حد ساكت ساكت لمدة سنتين وجاله الوقت اللي ينفجر فيه بقي؟؟؟
دانا زعقت كمية زعيييييييق
بس الزعيق كويس ريحني الحقيقة وزعل مني كل الناس
:DD

.............

لما تكبري لما تكبري لما تكبري حاجات كتييييييييير
تعرفي اني اكتشفت اننا واحنا صغيرين بنحقق احلامنا ببساطة ودلوقتي مش بنحقق اي حاجة
:)
..........

انتي عسل والله يا نور
خلااااااااااويص
لسسسسسسسسسسسسه
:DDD

الاحلام يقول...

نور
لكل قاعده شواز ومن فى البوست هو الشواز لكن الدنيا جميله وفيها من يستاهل الصداقه ومن يستاهل ان تبوحى له بكل شىء اسعدكى الله
تحياتى ابوداود

نيللي علي يقول...

هو البوست ده كله بيعبر عن الألم اللي بنخده في حياتنا من أول مابنيجي الدنيا..

ربنا يستر علي الباقي..

جميل نور:)

;كارولين فاروق يقول...

انا بقول ماتسمعيش لحد
واسمعي صوت قلبك
مافيش اجمل منه دليل
صباحك سكر

eng_semsem يقول...

ونستفيد من كده مش كل اللي يتقال ليكي حتى لو كان قريب منك يبقى حقيقي
فانا ممكن اقولك كلام دلوقتي في التعليق وترجعي تنشريه وتقولي قالولي ومحصلش هههههههه
تحياتي

reemaas يقول...

نهر الحب

مانا بقالى فترة بعمل كده وبفضض هنا اصلا

انتى اللى ثكر

reemaas يقول...

الاحلام

ساعات بشوف ده وسعات كتيييييييييير ماعرفش ليه بحسنى مش شايفه خالص

reemaas يقول...

نيللى
وما اصعبه من الم الحقيقة

reemaas يقول...

كارولين فاروق

صباحك احلى من السكر

شكلها هترسى على كده

reemaas يقول...

eng_semsem

هههههههههههههه وانت عارفنى بسيح جدا لاصحابى :)

momken يقول...

.....
قالولوا ؟؟؟؟!!!

عجبنى جدا رودودك كلها حكمه
كلها بتدور جوانا جدا بس حضرتك عبرتى عنها كاجمل ما يكون

تسلم ايدك

تحياتى

reemaas يقول...

momken

ربنا يخليك تسلم اهى زى ماجت فى دماغى رديت بيها

منورنى ديما