كنت بتفرج على الفيلم ده امبارح..دى تقريبا تانى مرة بشوفه
بنتين بيتعرفوا على بعض فى موقع لتبادل المنازل...
كل واحدة تاخد بيت التانية لمدة اسبوعين يتبادلوا فيها الاماكن والناس
يتبادلوا البلاد نفسها لان فى الفيلم كانت واحدة من امريكا والتانية من انجلترا..
كل واحدة منهم مستواها المادى كويس وكانوا خارجين من تجارب عاطفية فاشلة
كل واحدة منهم حاسة بملل وطبعا غنى عن الذكر انهم مقيمين لوحدهم كعادة الغرب
كل واحدة فيهم بتلاقى اللى بتدور عليه فى الاجازة دى
بتلاقى نفسها اولا..
بتلاقى الحياة الجديدة اللى بتغير رتابة واقعها..
بتلاقى الحب الحقيقى اللى بينسيها مرارة التجربة اللى عاشتها..
باختصار بتلاقى سعادتها اللى رايحة تدور عليها..
التجربة غريبة...بغض النظر عن انها مستحيلة اصلا
يعنى لو افترضنا ان اللى فى الموقع ده جدى اصلا فى العرض ولو افترضنا انه مش حرامى
ولو افترضنا انه مش هيبوظلك بيتك
ولو افترضنا انك هتسيبى غريب عايش فى بيتك اسبوعين بحالهم لوحده
غريب مش فضولى ومش هيفتح فى الدوااليب
ولو افترضنا ان الجيران هيسيبوه فى حاله ومش هيبلغوا عنه ابسطها يعنى
لو غضينا النظر عن كل اوجه استحالة التنفيذ
التجربة غريبة ولو نتيجتها ان الواحد هيقابل اللى مش عارف يقابله فى حياته الروتينية
لو دى النتيجة........
افكر......
لو دى النتيجة........
افكر......
هناك 48 تعليقًا:
هي غريبة ومستحيلة كفكرة بالشكل ده
لكن الفكرة انك تغير يحياتك دي حاجة تقدري تعكليها ببساطة لو عندك الجرأة
انك تروحي مكان جديد لوحدك تترفي علي ناس
وصعوبة ده في مجتمعنا اللي مش حيدينا الحرية دي ابدا
بس برضه انا شايفة اننا نقدر نستغل اي فرصة تجيلنا ننطلق بيها
:)))
ايه ده فرحانة اني اول تعليق
:DDDD
انا شايف ان الواحد
لو عايز يبدل بيته يبدله علي طول
هههههههه
السلام عليكم..الفكرة غريبة بس أعتقد إنها هتكون جديدة على الواحد وجميلة إلى حد ما انه يخرج من روتين حياته.
بس نرجع لأرض الواقع ونقول إنها مستحيلة..أكيد فيه أفكار تانية تقبل التنفيذ على أرض الواقع..بس احنا ندور كويس.
موضوع جميل والصراحة الفكرة جديدة بالنسبة لى..تقبلى مرورى وتحياتى.
نهر الحب
منورنى اول تعلليق يا سهاد
:)
المشكلة بقى فى ان ماحدش بيسمحلنا باقل قدر من التغيير يا سهاد ماقولكيش انا لما بقنرح اى اقتراح لاى تغيير فى البيت هنا ايه اللى بيتقالى ههههههههههههه
سواح في ملك اللــــــــــــــــــه
على طول كده يا خالد ؟مافيش اى تردد
هههههههههههههه
طب يالا
habiba
اكيد الافكاركتير يا حبيبة بس ياخوفى لاتكون كلها مستحيلة حتى لو منطقية
منورانى ديما
انا عايزه من ده يانور
بجد والله نفسى اروح مكان ف ناس مش يعرفونى واعيش حياه مختلفه عن اللى عيشاها .. عشان احس ان الحياه فيها جديد
جميله الفكره يانور .. تيجى نبدل ? :D :D
عاوزة اقللك اني بعشق الفيلم ده جدااا
هي الفكرة فعلا غريبة علينا احنا في مجتمعنا و عقليتنا و تربيتنا بس فرصة تحفة انك تخرجي من كل حاجة معتادة و تكسري روتينك و تسيبي كل حاجة وراكي و تعيشي تجربة جديدة خالص عليكي و اهو كل واحدة فيهم لقيت نفسها و حلت مشاكلها لما الفرصة دي جتلها :)
تحياتي
ليه لا..
انا كتبت كلام كتير على فكرة وفي الاخر مسحته لان رأيي ديما مختلف ومعارض لكل شيء واكتشفت في الاخر انه مش ها يفيد ولا يضر غيري انا,,
فعشان كده..... مسحت.
بسسسسس..
ها اتفرج ع الفيلم
:)
بحب التغيير والمغامره
يا ريت الموضوع ده يكون فى مصر
حبقى اول واحده اطبقه
حبقى اشوف الفيلم واقولك رايى
تحياتى لكى يا نور الجميله
ايدي على كتفك يا ريمة
تيجي نتبادل الأماكن أنا وانتي ^_*
هههههههه بس متبقيش تتخضي لما ماما تيجي تصحيكي الصبح وتلاقيكي مش انا ترقع بالصوت وتلم عليكي الناس
فعلا الواحد كتير بيبقى نفسه يعمل افكار مجنونة بس هيعمل ايه في القيود اللي حواليه؟!
دي المشكلة
ايدي على كتفك يا ريمة
تيجي نتبادل الأماكن أنا وانتي ^_*
هههههههه بس متبقيش تتخضي لما ماما تيجي تصحيكي الصبح وتلاقيكي مش انا ترقع بالصوت وتلم عليكي الناس
فعلا الواحد كتير بيبقى نفسه يعمل افكار مجنونة بس هيعمل ايه في القيود اللي حواليه؟!
دي المشكلة
هو التغيير حلو بس مش للدرجادي
ممكن يبقى التغيير بتغيير الروتينيات اللي اتعودت عليها ايام تكسر بيها روتينك
نور حياتنا
قد يكون هذا الامر غريبا فى بلادنا التى تنعدم فيها الثقة وانعدام الحرية وحب المغامرة ووضع الانوف الطويله فى شئون الآخرين
لو سافرت الخارج يانور واختلطت باهل الغرب ستجدين هذا الوضع طبيعيا حيث يتوافر حب المغامرة والحرية المطلقة وعدم التدخل فى شئون الآخرين ومحاولة تجاوز اى فشل بتجربه جديدة قد يكون نصيبها النجاح
دائما ما تتحفينا يانور بالمواضيع التى تحتاج الى المشاركة والمجانسة وتبادل الرأى فى وقتنا الممل الذى فى حاجه الى مثل هذه المواضيع الجذابه
ربنا يخلليكى لينا
فكره حلوه بس انا متاكده اني مفيش حد
هيرضى يبدل معايا ههههههههههه
تسلمي يا ريمو
وكويس انه فلم اجنبي ولو اني في فيلم عربي قريب منه بتاع شيكامارا
بتاع مي عز الدين عارفه طبعا
تحياتي لكي
هي فكرة جميلة وشيقة . . إني أنا أروح مكان جديد وأشوف حياة جديدة ولو عند حد :)
بس حد ييجي بدالي ويستعمل أشيائي لأ كله إلا كده :)
دعاء العطار
عندى استعدااااااد رهيب يا دودو والله يلا
افكار مبعثرة ي
ماهى النتيجة الرهيبة دى اللىمخليانى نفسى اعملها جايز ينصلح الحال
Timo.
اعترض
انا عاوزة اعرفه وبعدين انا اللى احكم
شوفه وقولى:)
هبة فاروق
طب تمام شكلنا هنعمل موقع خاص بينا :)
منتظرة
E73
القيوووووووووود اه منها الكلمة دى خلاص بقيت حساها جزء منى
متوقعه رد فعل مامتى ومامتك جداااااااا
مصطفى سيف الدين
ماهو الروتين اتراكم يا درش بقى حاجة بشعه عاوزله قنبله تفجره
faroukfahmy58
ربنا يخليك يا استاذنا
ولو جيت ليا انا شايفه اننا ممكن نجمع حرية الغرب دى مع المحافظة علىكيانا احنا بس ندى لده فرصه
ريري كربكه
اه صحيح تخيلى
بس عملوه بتؤم بقى وضحك على الدقون التانى كان رومانتيكى
FAW
ههههههههههههههههه
حلو المبدء ده يا مصطفى تصدق فكرة :)
هو موضوع غريب وصعب تحقيقه
في الواقع
القصة من الموتيفات الشهيرة فى السينما العالمية و المصرية
شفناها كثير فى فيلم المليونير لاسماعسل ياسين و صاحب الجلالة فريد شوقى و سلامة فى خير و اخيرا شيكمارا
لكن الفيلم ده مختلف
يا بختك انا بحقد عليكى بتعرفى تشوفى افلام اليومين دول
تحياتى
المخرج عاوز كده :)
;كارولين فاروق
بس النتايج مغرية جداااااااااا
ابراهيم رزق
ياخبر ابيض حقد علنى كده ههههههههههههه
ربنا يروق بالك يا ابو زياد
gmr14
هههههههههه اوقات كتير بقول ده
اتفرجت على الفيلم ده بتاع 5 مرات وكل مرة أفكر فيها فى كل ده ههههه بس بيتهيألى الأكتئاب والرغبة فى أى جديد وخلاص ممكن فعلا يخلى الأنسان يعمل أى شئ حتى ولو مش منطقى المهم يخرج من اللى هو فيه
أنا شخصيا أروح بس محدش يجى مكانى ههههههه
حلو الفيلم ده شفته من فترة ، تقريباً فيه كيت وينسلت وكاميرون دياز أو سكارليت جوهانسون مش فاكر أوي .. بالنسبة للفكرة هي ممكن تكون غريبة شوية على مجتمعنا بس عاجباني بصراحة .. المشكلة عندنا هنا إنك تعرفي تاخدي تأشيرة لأي دولة !
يعني كنت أعرف أصدقاء ألمان كانوا بييجوا هنا مرتين في السنة حاجة كده زي ما الواحد عندنا مثلاً ينزل العتبة D:
خالص تحياتي
ايوة بقى , انا بحب الفيلم دة جدا
و بردو بعيدا عن الفكرة اوفر بس الاحداث عجبتنى جدا
(:
لو لاقيتى حد يبدل معاكى ابقى دوريلى على حد انا كمان
والا اقولك تعالى نبدل مع بعض ههههه
فكره صعبه ومجنونه
بس هتفرق كتير فى روتين الحياه المعتاد
هتفرق اوى كمان
انا شفت الفيلم ده علي فكرة من الافلام اللي علمت فيا واندمجت معاه جدا ورغم اختلاف الطباع والتقاليد بس فعلا فكرت في النتيجة - نتيجة تغيير كل اللي حوليك يمكن نبقي افضل
تحياتي
غالبا الواحد بيحتاج لمغامره
عشان يغير حياته ويحس بتجديد
المغمره فى حد ذاتها بتخليكى تعملى حجات مكنتيش هتعمليها فى حياتك الطبيعيه
وده بيخليكى اجرء وبتحققى الى بتتمنى
مش الى بتفرضه عليكى الظروف والعادات والتقاليد
السلام عليكم و رحمة الله و بركاته ’ أما بعد أردة أن أدعوكم لزيارة مدونة الأمل و اعطائي رأيكم فيها بكل صراحة و ترك بصمتكم الغالية على قلبي في المدونة و سوف أكون شاكرا لكم جزيل الشكر .
في انتضار زيارتكم تقيلو مني فائق الاحترام و التقدير
صباح الغاردينيا يانور
اممم بجد عجبتني الحكاية ياسلام بقى لو نبدل انتي وانا هههههههه يعني مصريه تيجي تعيش في السعودية وسعودية تروح تعيش في مصر ههههههههه عارفة اول حاجة حعملها حروح اعزم كل صحابي المصريين في بيتك اصلي بموت عشان اجي مصر واشوفكم واقلب لك البيت بقى هههههههههه بس ماتخفيش دودو حتساعدني <<< بتورط دعاء العطار ومش حاكل في البيت ماتخفيش ابراهيم رزق حيعزمني انا وماما يزيزي على عربة الفول ههههه وحروح المنطقه الي ساكن فيها مصطفى سيف ههههههه سمعت انها برا القاهرة ومش حنسى بقى شيرين وسواح وسهاد وغيرهم كتير ههههههههههه بجد ربنا يسامحك دا خيالي شطح بعيد اوي :( "
؛؛
؛
لروحك عبق الغاردينيا
كانت هنا
reemaas
nesma hatem
اه والله الاكتئاب يعمل بلاوى
ههههههههه ده دكتاتوريةوش
P A S H A
كاميرون
ماهى حكاية الفيزة دى كان ليها سبب انها لو اتفتحت الشعب كله كان هسيب مصر ويخرج لكن اعتقد دلوقتى لا
RoMa
نفسك تعمليها طيب؟
Bent Men ElZman Da !!
هتفرق جداااااااااا
وواضح ان فيه كتير هيبدل اهو يا دينا
سندباد
اهى النتيجة دى اللى مجننانى تخيل كل احلامك تتحقق
ياره عبدالله
صح هى روح المغامرة دى اللىمحتاجنها بجد
ريـــمـــاس
هههههههههههههههههههه
عارفه انتى عملتى ايه يا ريموسة انتى ربطى شمال مصر بدلتاها بجنوبها فى عزومة واحدة ههههههههههههههه
تنورى حبيبتى وانا اللى هموتواجى اعملعمرة ادعيلى بقى
ايه ده ايوة انا موافقة ريماس تبدل بس مع حد تاني غيرك يا نور وبعدين نتجمع في بيت واحدة مننا كل يوم عند حد شكل
:)))
بجد ربنا قادر علي كل شيء يجمعنا حتي لو ليوم واحد
إرسال تعليق