الأربعاء، 4 يناير 2012

الحب هينقرض!!



نعم..سوف ينقرض الحب ايها السادة .......سوف ينقرض فى يوم من الايام لو استمر الحال على ماهو عليه.....

لو نفتكر زمان ايام الابيض والاسود وايام عبدالحليم الحب كان عامل ازاى..كان شئ فريد جدا احساس رقيق يصيب البطل والبطلة والمتفرجين بحالة من الشفافية والرقة والعذوبة لا مثيل لها

كان القارئ لرواية رومانسية او المشاهد لفيلم يروى قصة حب بسيطة بيخرج حامل نفس الروح الرقيقة المهذبة

لكن الحال الان اختلف ....اصبح من يقرء راية رومانسية هو شخص فاضى لاهموم له يعيش فى عالم خيالى افتراضى منغلق ويتوقع له المحيطين  بحالة اكتئاب رهيبة هيعانى منها بالتاكيد بعد اصتدامه بالواقع

اصبح مشاهدة فيلم رومانسى فى السينما شئ مخجل وتشوبه شوائب ونواية غير حسنة بالمرة!!

حتى اننى اتوقع انه سيأتى يوما وينقرض فيه الحب والرومانسية مثلما انقرضت حضارات كثيرة..

يوم ما بعد الف سنة سيقف السياح لمشاهدة تمثال لاثنين من المحبين ويلتقطون له بعض الصور

ويشرح لهم المرشد ان فى الزمن البعيد كان هناك عادة غريبة عند البشر ان يقف رجل وامراءة ينظران للقمر او للغروب ويتهامسان بكلمات غريبة لا هدف منها سوى  اقناع كل واحد منهم للاخر بتكوين اسرة!!!!!!!

هناك 50 تعليقًا:

P A S H A يقول...

مش شايفه إنها نظرة تشاؤمية شويتين ؟
ألف سنة كتير جداً هما يا دوب سبعتاشر سنة وأسبوع D:

خالص تحياتي

reemaas يقول...

P A S H A

ههههههه طب يعنى انا كده متفائلة مدياكم فرصة 1000 بحالهم:)

سواح في ملك اللــــــــــــــــــه- يقول...

اقوللك السبب

لان زمان يانور الحب كان عزيز

بمعني كان اللي بيحب واحدة

يقعدست اشهر يلف حوالين بيتها

ويكتبلها جواب وميعجبوش يقوم مقطعه

يروح كاتب واحد تاني

ونيجي بقي لمرحلة انه ازاي يديها الجواب

ويقعد يفكر

وبعدين في اول لقاء

كانوا الاتنين بيبقوا خايفين لاحد يشوفها

هههه بتكلم واحد ويروح يقول لابوها

وبعدين الواد كان يجتهد في الشغل

عشان ينول رضا الوالد ابوها يعني

ويوافق عليه

كان الحب محفز للنجاح علشان يستحق ان ينال تلك الزوجة

اما دلوقتي الحب سهل

او بالمعني الادق مايسمي بالحب

مجرد رسالة ماسج يعني بالموبايل

ههههههه مفيهاش شقي ولا تعب

او ميسد كوووووول

ههههههههه

شوفي زمان الاخ قيس طلع عين اهله عشان يتجوز ليلي

ومتجوزهاش قام اتجنن

هههههههههههه تحيتي يانور

E73 يقول...

هههههههههههههههه عاجبني قوي حتة آخر جزء في المقال

بيقولوا كلام غريب الهدف منه تكوين اسرة

عالم فاضية يا شيخة سيبك

reemaas يقول...

سواح في ملك اللــــــــــــــــــه

ايووووووووووون لقطها انت يا خالد

فعلا حب التيك اواى اللى شغال دلوقتى حاجة ماسخة ومالهاش طعم والمشكلة انها هتبقى امسخ مع الوقت

مش قادرة اتخيل بجد الحكايه هتبقى عامله ازاى

reemaas يقول...

E73

هههههههههه ربنا يستر بس وماتتحققش

Tamer Moghazy يقول...

يعني ايه...؟؟
يعني انا وفريدة صورنا ها تبقى تماثيل والناس تتصور معاها...؟؟

AhMeD RaDy يقول...

ريماس

ايه يا عم فى ايه بس مالك كدا داخل متشائم ليه !

ما تقلقيش المشاعر هى الشئ اللى غير قابل للانقراض .. منذ خلق الله الخليقة وهناك حب وكره وغل وحقد وطيبة وما الى ذلك

ورغم كل شئ ...

العواطف لا تنقرض ولا تستحدث ولكنها تتحول من صورة الى اخرى !!

يعنى هو بس الحب اللى بقى متغير مش بقى وردة وكلمة

بقى دبلة وشقة !! وساعات عربية وموبيل ودش ! ورصيد فى بنك والشبكة

دا احنا بنشترى رجل !!!

هبة فاروق يقول...

هههههه
حلو ااسلوبك الساخر فى التعبير عن وجهه نظرك فى الحب حاليا ..ومصيره فى المستقبل
لن ينتهى الحب يا نور ..لان فناء الحب يعنى فناء الدنيا ..فقد خلق الله الفؤاد لكى نحب ونتزوج وتظل الحياه عامره بالبشر ..
اماوجه نظرى انا.. ان طريقه التعبير عن الحب سوف تختلف ..وكلمات الحب حتختلف ومش حيبقى ليها طعم
الفكره جميله وساخره لكن ..شايفه فيها نظره تشاؤميه ..شامه فيها ريحه بصل ..يعنى بكى وعياط
تحياتى عايزه اشم ريحه ونكهه الشطه المره الجايه يعنى حب وعشق تحياتى

Unknown يقول...

ياريت كان بيتخزن ولا بيتحط في ازايز

افكار مبعثرة يقول...

طب وربنا عندك حق جدا
معرفش هو العيب في العصر اللي بنعيشه و اللي حكم على كل حاجة بالتغيير حتى طبيعة البشر و نظرتهم للحب و العلاقة بين الرجل و المراة فدخل فيها المصالح و البرستيج و الفلوس و الا ايه
انا اضم صوتي لصوت PASHA على فكرة يادوب بعد سبعتاشر ينة و اسبوع هنقول للحب باي باي :)
تحياتي

نيللي علي يقول...

كل شئ فيه((مشاعر))أصبح يستقبل بنظرة((الأستهانة)) وبقيت تختزل فى دوسة ((لايك)), لايك تقال على كلام, فيديو, صور لكن فى تعبير عن المشاعر والحب, فهى قمة ((الأستخفاف)).

وتحياتى ليكى ولكلامك

نيللى على

;كارولين فاروق يقول...

الفاروق يكتب اليك من عند كارولين
حقا يانور الوضع اختلف تماما
اصبح من يقرأ رواية رومانسية هو شخص فاضى
اضحكك بهذه المناسبة كنت متوجها للتأمين الصحى ومعى احد الكتب لطه حسين (المعذبون فى الارض)والمناسبة كان جانبى شخص من سنى وكان مستنكرا تماما الوقت الذى فى نظره مضيعةللوقت
ولما وجدنى مسترسلا فى القراة زهق وهرب من جانبى

ibnalsor يقول...

الحب قد يمرض
لكنه لا يموت
انه يبقى في القلوب المحبة
يضيئها احيانا .. ويحركها احيانا .. و .. يسكن بداخلها احيانا فلا حراك ..
لكنه ينتعش ..
يبقى دائما هناك محب ينتعش به

ابراهيم رزق يقول...

نووووووووووووووور
ايه ده
يا نووووووووووووووووووووووووور

تعالى انضمى الى مجموعتى ابراهيم الرومانسى

تحولت الوردة الى كارت شحن بعشرة جنية
و لمسة المحب الى سندوتش جمبرى من مؤمن
و ضوء الشمعة الى فانوس صينى

تعالى الى مجموعة ابراهيم الرومانسى

هتروحوا شمال
هتروحوا يمين

لنت تجدوا طريق غيره

تحياتى

Bent Men ElZman Da !! يقول...

ليه بس التشاؤم ده يا نور :(
بس تصدقى ساعتها ربنا يستر على البشريه :D

عباس ابن فرناس يقول...

مش فيه حاجة فى العصور السحيقة اسمها العصر الجليدى والعصر المطير والعصر الحجرى
كمان الف سنة بقا هيقولو عصر الحب وممكن كمان يكونو اخترعو عقاقير بديلة

تحياتى المستعطرة

دعاء العطار يقول...

هههههههههههههههه

طب ماتقوليهاش فى وشى كده يانور حرام تصدمينى

عارفه يانور رغم انى متفقه معاكى فى كلامك الا ان صدقينى الرومانسيه مش بس ورده وجواب وحد واقفلك تحت البلكونه .. الرومانسيه ممكن تكون فى وقفته جنبك فى وقت صعب جداااااا وقدرتوا انتم الاتنين تتغلبوا عليه بالحب

الرومانسيه ممكن تكون فى نظرة مليانه حب واحتواء وحنان تحسيها بتحضنك

صحيح احنا فى عالم تيك اواى لكن صدقينى فى لحظات بنبقى فيها ارمس " صيغة تفضيل من رومانسيه بس بلغة دعاء " من عبد الحليم ... بس ظروف الحياه هى اللى مش مخليانا نديها وقت اكبر

;كارولين فاروق يقول...

اننا نحب ولكن نخجل ان نعلن
حتي لا يعيب علينا احدا
نحن في زمن كثر فيه الفاظ غريبه
مثل كبر و فاكس وحاجات كده مش عارفه جت منين
يا ريت الحب يرجع تاني والرومانسيه
والشياكه
موضوع احييك عليه
تحياتي

نيسآان يقول...

الحب عمره ما ينقرض ...لكنه اتمسخ ...الناس مسخته وشوهته في الزمن البايخ هذا.
الفكره جميله جدا... واخر فقره روعه...تحياتي:)

موناليزا يقول...

ممكن برضه :)
ولو ان الحب هيفضل موجود مهما اختلفت وسائل التعبير عنه

reemaas يقول...

Timo..

وهيصوروكوا ويقولواWoooooooooow

ههههههههههه

reemaas يقول...

AhMeD RaDy

ههههههههههههه انا لسه سمعاها قريب حكاية بنشترى راجل دى
هههههههههههههه

خلينى ساكتة يا ابوحميد

reemaas يقول...

هبة فاروق

ياررررررررررريت اعرف اجيبها الشطة دى

البصل طاغى ياهوبا الظاهر ده موسم ولا ايه
هههههههههههه

ربنا يستر

reemaas يقول...

mohamed amer

اه والله ياريييييييييييييت

reemaas يقول...

افكار مبعثرة

طب اى الحل بقى هنفضل بنبص عليه كده وخلاص
:(

reemaas يقول...

نيللى

ودى بقى انا ملاحظاها جدا لما بكتب حاجة رومانتيكى على الفيس ماحدش بيعلق غير بلايك وبس كنت فكراى انا بس اللى بتضايق من ده

reemaas يقول...

الفاروق


صح بتحصل كتيروقيس على كده تعاملات الناس بقت جافة جدا يا استاذنا الحقيقة

reemaas يقول...

ابن السور

ياريت
اتمنى بجد

:)

reemaas يقول...

ابراهيم رزق

انا جى .......وغلاوتك جى

ههههههههههههههههه

خلاص هبصم بالعشرة قريب يا ابو زياد

reemaas يقول...

Bent Men ElZman Da !!

ساعتها مش هنبقى موجودين بقى
هم احرار يستاهلوا

نظرة شريره :)

reemaas يقول...

عباس ابن فرناس

ايوووووووووووون انت كده معايا على الخط
ربنا يستر

reemaas يقول...

دعاء العطار

انا اتصدمت قبلك يا دودو والله

عارفة انها مش بكده بس لكن كده ده وهو اقله مابقاش

ومحتاجةوقت على ما تبان الرومانسية من المواقف اقله محتاجة اصلا مواقف ودى كارثه اصلا
الحكاية مكعبله ماعرفش ليه

reemaas يقول...

;كارولين فاروق
يارين يا كارولين والله نفسى اعيش ولو لحظة واحدة من كده

reemaas يقول...

نيسان

عليكى نووووووووور تخيلى كده وبقى ماسخ كمان كام سنة هيبقى ايه

reemaas يقول...

موناليزا

ياريت
اتمنى

نهر الحب يقول...

اولا عاجبني تعليق
سواح في ملك الله
اوووي

ثانيا

لكن الحال الان اختلف ....اصبح من يقرء راية رومانسية هو شخص فاضى لاهموم له يعيش فى عالم خيالى افتراضى منغلق ويتوقع له المحيطين بحالة اكتئاب رهيبة هيعانى منها بالتاكيد بعد اصتدامه بالواقع

عاجبني منك الجزء ده وده بيحصلي فعلا وبيقولولي كتير مش حتحرمي غير لما تتصدمي بالواقع

مممم
تقريبا مش متفقة معاكي ان الحب حينقرض
انا عن نفسي من حبطل احب ولا حغير نفسي وحفضل مؤمنة بحبيبي اللي منتظراه حتى لو حبقي في الدنيا لوحدي

الدليل ان الحب مش حينقرض ان ديما في ناس زيي وزيك وزي مدونين كتير الناس معتقدين انهم عايشين في عالم الخايل ده لكن هو عالم حقيقي وموجود بدليل وجودهم واحنا حنمشي وحيجوا ناس غيرنا مؤمنين بالحب برضه

انا مؤمنة بحاجة كمان
ان وجود كلمة في اللغة...في الحياة... ده معناه ان الكلمة دي حقيقة وموجودة وفيه استحالة زوالها

الحب موجود وحيفضل موجود
ومش كل الناس بتحب بسهولة ولا بتحب تيك اواي علشان ده مش بسميه حب
الحب اللي بجد زي ما دعاء قالت كمان مش في وردة ولا جواب ولا تنهيدة بس لا ده في اهتمام واحترام واحاسيس وافعال كتيرة اوي

بس برضه عاجباني فكرة البوست
يظهر كدة اني كمان حيعملولي تمثال ويتفرجوا عليا
:D

Miss LoZa يقول...

مممممم
تشبيهك حلو أوى وصح أوى
بس أنا عايزة أموت قبل الوقت ده ما يجى :S

AhMeD RaDy يقول...

هو الغياب دى طبيبعى ولا دا العادى من بنك مصر !

Tarkieb يقول...

لا حينقرض ولا حاجة بس كل عصر وله اسلوبه يعني زمان كان تسبيل ونظام واحد مسوي حواجبه بالتفافة ومرقرق صوته..دلوقتي ضرب بالبونية وشد شعر وده الاصلي واللي بيعمل غير كدة ضحك ع الدقون هههههه

nour alqamar يقول...

ههههههههه موضوع حلو بجد ..شكرا لك حبيبتى سورى على التاخير ..
تحياتى لك
نور

nesma hatem يقول...

ويشرح لهم المرشد ان فى الزمن البعيد كان هناك عادة غريبة عند البشر ان يقف رجل وامراءة ينظران للقمر او للغروب ويتهامسان بكلمات غريبة لا هدف منها سوى اقناع كل واحد منهم للاخر بتكوين اسرة!!!!!!!
للأسف هو فى كده دلوقتى أصلا
:)

الاحلام يقول...

نور
عندما يوجد الرعب والخوف فى كل ركن حولك فمن اين ياتى الحب الجميل
عندما توجد هذه المشاهد المخله فى افلام الرومانسيه فى هذه الايام فمن اين ياتى الحب الطاهر
عندما تسرقنا الدنيا فى غفله الزمن وما يدور حولنا فاين ياتى الحب الملىء بالاطمئنان والراحه
زمان كان الحب شىء جميل لكن الان الحب اى شىء غير هذا ولكننى ااكد لكى ان الحب الطاهر الرقيق الجميل موجود فعلا فى زماننا هذا ولكن قليل جدا جدا
تمنياتى لكى بالسعاده نور دائما
تحياتى ابوداود

reemaas يقول...

نهر الحب

يارب يا سهاد يفضل اذا كان كده والحياة صعبه اومال لو انقرض هتبقى عامله ازاى

reemaas يقول...

Miss LoZa

بينى وبينك وانا كمان

reemaas يقول...

AhMeD RaDy

لا هو ماكنش طبيعى بس الحمد لله

تسلملى يا ابو حميد على السؤال

reemaas يقول...

Tarkieb

اوباااااااااااااا

يبقى بعد كام سنة مقولة من الحب ماقتل هتبقى كل الحب بيموت بقى ههههههههههه

reemaas يقول...

nesma hatem

ههههههههه كده تبقى خربت

reemaas يقول...

نور القمر

تسلميلى يانور
نورتينى

reemaas يقول...

الاحلام

يبقى مافيش ادامنا غير اننا ندعى ربنا اننا نكوت من الاقلية المحظوظة اللى هتقابله