السبت، 21 يناير 2012

ابن مين فى مصر!



ملحوظة:هذا البوست عبارة عن صفحات قليلة من احدث كتاب اشتريته وقررت اشارككم فيه وهو كتاب 212 للكاتب الشاب هيثم دبور وهو كتاب سياسى ساخر يتحدث عن الدستور المعمول به فى الشارع المصرى واللى حطه المصريين وماشيين بيه بغض النظر عن الدستور الفعلى ولذلك فهو بادئ بالمادة 212 تكملة بعد مواد الدستور ال211 وطبعا غنى عن الذكر ان الكتاب مكتوب قبل الثورة........... وان كنت ارى ان البوست كان لازم يبقى اسمه انت منين فى مصر ولكن لا املك التعديل على رغبة الكاتب اكيد......


ابن مين فى مصر

يستخدم المصرى هذه الصيغة من السؤال بشكل ساخر او بشكل فعلى لمعرفة فعلا انت ابن مين فى مصر.......

ولقد استطاع المصريون ان يكونوا صورة شديدة الخصوصية والعدائية تجاه بعضهم وخلفت تلك الصورة موروث مصرى من الامثال الدارجة فى رسم الصفات الاساسية ل80مليون بنى ادم على مليون ك م مربع كل الذنب اللى اقترفوه انهم يقعوا ضمن التخطيط الادارى لاحدى المحافظات..

تتكون مصر من29 محافظة يمكن توصيف العلاقة بينهم كالاتى
- القاهرة(العاصمة) والجيزة(امتداد العاصمة)
مفيش حد اصوله من القاهرة ودى قناعة ثابته فى الاذهان دون وجود مبرر لها فلو اخبرت احد انك من القاهرة تلاقيه يسألك ويشدد فى السؤال يعنى جدودك واصولك منين؟ وبتلك القناعة قرر المصريين ان يعيدوا 14 مليون من سكان العاصمة الى باقى المحافظات ......
-(مية مالحة ووشوش كالحة)

المحافظة المستهدفة الاسكندرية 4,1 مليون نسمة
 ورغم انها من اكتر المحافظات اللى اتغنالها لكن ده لم يزحزح قناعة الشعب المصرى تجاه المواطن السكندرى
-(تتعشى ولا تنام خفيف..تشرب شاى ولامنتاش كييف)
-----------------------------------------------
المحافظة المستهدفة :دمياط 1مليون نسمة
يتاخذ المواطن المصرى سلوكا هجوميا مسبقا حين يعلم انك دمياطى ويتخذ الدمياطى سلوكا دفاعيا تلقائيا ولسانه حاله بيقول انا مش كده او احنا مش كده لو كان مواطن وطنى....
-(المنوفى لايلوفى ولو اكلته لحم الكتوفى)
-------------------------------------
المحافظة المستهدفة:المنوفية 3,2مليون نسمة
وللمثل تأسير سياسى اكبر منه جغرافى فمصر محكومة  بعقلية منوفية منذ عقود ولذلك اعتقد ان المصريين لو استيقذوا ووجدوا نحو 3مليون منوفى بجناحات مثل الملائكة لما تغير رأيهم.....
بالمناسبة امى لسة قيلالى المثل ده امبارح ويمكن ده اللى شجعنى اكتر انقلكوا المقال....
-(اللى عزموا التروماى)
----------------------
المحافظة المستهدفة:الشرقية 5,3مليون نسمة
الشراقوة بيعتبروا المثل دليل كرم وباقى المصريين يعتبروه دليل سذاجة.....
-(صاحب حاوى ولاتصاحب محلاوى)
-----------------------------------
المحافظة المستهدفة:الغربية 4 ملايين نسمة
المثل لم يحدد السبب الذى لايجعلنى اصاحب محلاوى يعنى لما اقابل واحد واعرف انه محلاوى اقوله "ياى"من غير سبب!
-(ميت نورى ولا دمنهورى)
--------------------------
المحافظة المستهدفة :البحيرة 4,7مليون نسمة
واضع المثل كان كثير الترحال ويعتقد المؤرخون انه كان تباع ولذلك حين استقر فى البحيرة قرر استخدام تلك القافية فل استقر فى محافظة اخرى لاختلف الحال بابناء البحيرة...
-(قيراط عداوة ولافدان جار البداوة)
-----------------------------------
المحافظات المستهدفة:شمال وجنوب سيناء والوادى الجديد والبحر الاحمر
المثل ده دمر اكتر من نصف مصر جغرافيا ,بجد واللهيعنى استثمر فى الصحراء ازاى وانا ارى العداوة اهون من مجاورة البدو وبالطبع واخدين بالكم انه بيحث على اهمية التكدث......
-(الصعايدة وصلوا....او مرة واحد صعيدى)
----------------------------------------
المحافظات المستهدفة:بنى سويف والمنياواسيوط وسوهاج..13,6مليون نسمة
اكبر تأثير سكانى لجملة وهنستبعد قنا واسوان لان ليهم حاجات خاصة بيهم...
لبصعايدة نفسهم يتعاملوا مع بعضهم بطريقة استعلائية فالعرب والهوارة يتعاملون مع الفلاحين بطريقة والعائلات تتعامل مع بعضها بطريقة....
-(ياقلل)
---------
المحافظة المستهدفة:قنا   3 مليون نسمة
ورغم ان القلل نفسها كاختراع وهو فعلا اختراع موحى بالكولدير لكن المقولة لسة راسخة...

-(بكار)
------------
المحافظة المستهدفة :اسوان  4 مليون نسمة
يخلط المصريون بين الاسوانلية والنوبيين رغم طيبة الاثنين ويبحث الزائر لاسوان عن المعزة رشيدة ولذلك يتعذر على البعض تصديق متوسطى السمرة حين يؤكدون انهم من اسوان...
-(يابطة)
----------
المحافظة المستهدفة :الفيوم  2,5 مليون نسمة
ولفاتن حمامة تأثير سئ فى ترسيخ المقولة بعد رائعتها مع عماد حمدى موعد مع السعادة
-(يامخلط)
--------------
المحافظة المستهدفة:الدقهلية  5 مليون نسمة
تلعب النفسنة دور مهم فى هذه المقولة فاهالى الدقهلية والمنصورة تحديدا شديدوا البياض بشعور مصفرة او شقراء واعين ملونة وبالتالى يحقد عليهم سكان مصر فهم الفرع الحليوة فى مصر واللى ممكن يزعل الدقهلاوية فعلا اننا ماسمعناش ان حتشبسوت كان شقرا وعيونها زرقا
-(مملح)
-------------
المحافظة المستهدفة:مطروح
لم تحدد المقولة السبب فهل بسبب امتداد المياه المالحة فى اسكندرية ام اللب الابيض المطروحى..
-(مايوهات بلطيم)
-----------------
المحافظة المستهدفة:كفر الشيخ
المجتمع المصرى شديد الطبقية ورغم ان معظمه لم يزر العجمى او شرم او على اسوء تقدير جمصة فانه ينظر لبلطيم باعتباره مصيف لا وجود للميوهات فيه والناس بتنزل بهدومها
-(بلد الغريب)
---------------
المحافظة المستهدفة:السويس
لم يعد هناك سوايسة فى السويس هذه قناعة راسخة فكل سكان السويس غرباء  وان كان اغلب السوايسة يحتلون مدينة نصر والمنزلة بعد التهجير
-(ماتمصش دمى)
------------------
المحافظة المستهدفة:الاسماعلية
الناموس فى الاسماعلية اشهر من المانجو واكتر منها واكبر فى بعض الاحيان والزائر للاسماعلية اعتاد مص دمه من الناموس ومن اصحاب مزارع المانجو
-(ابو العربى)
--------------
المحافظة المستهدفة:بورسعيد
اجمل تعليق سمعته عن برنامج"الحلم"لعمرو دياب بعد اول حلقتين كان من احد الاصدقاء قال وقتها"انا حاسس ان عمرودياب هيطير زى سوبر مان فى اخر البرنامج"ثم صمت وضاف"ادى اخرة لما تجيب واحد بورسعيدى وتقوله اتكلم عن نفسك"


بقيت 3 محافظات استطاعت الهرب من هذا المصير المعقد هم حلوان و6 اكتوبر والاقصر
نظرا لحداثتهم فى التكوين.
وانصح الثلاثة بالبحث عن خصوصية لتورث للاجيال 
المواطن الاقصرى يجب ان يستقل بميزة تميزه عن  الصعيد
والمواطن الحلوانى عنده مزارع الخنازير مثلا يتصرف على اساسها
اما المواطن السادس اكتوبراوى فله الله لانه يقضى ثلثلى عمره على الحدود بين الجيزة ممثلة فى المهندسي ومحافظته تحدييييييدا على المحور يعنى ممكن نعدل اسم المحافظة للمحور بحكم الانتماء له اكثر  ويكون المواطن محوراوى............

ده كان من اجمل اجزاء الكتاب اللى عجبنى كله من الجلده للجلده وانصح بشراءه وليس تحميله لان الكاتب محسبن على اللى هيحمله عن طريق النت :)

هناك 25 تعليقًا:

AhMeD RaDy يقول...

لا بجد سرد رائع

وانجاز بسيط لمعرفة الشعب ببعضه البعض

ولو ان كلمة انت ابن مين فى مصر هى كلمة مقصود بها اكتر المناصب وليس الانتماء !!

بنوتة استمرى

توبيكاتك بسيطة وجميلة اوى

وما تغيبيش بقى فى الكتابة

هبة فاروق يقول...

حلو يا نور الكتاب ولو ان معظم الامثال عدت علينا قبل كده ..لكن فى مثالين ثلاثه اول مره اعرفهم
اشكرك يا نور بوست استمتعت بقراءته جدا

faroukfahmy يقول...

الله ينور عليكى يا نور
زودتينا تنويرا عن خصوصية توريث الاجيال
فعلا ستعمل بنصيحتك الغالية بشراء هذا الكتاب الجامع الشامل وسنعمل على الترويج له بس العمولة بالنص ههههههههه

faroukfahmy يقول...

الله ينور عليكى يا نور
زودتينا تنويرا عن خصوصية توريث الاجيال
فعلا ستعمل بنصيحتك الغالية بشراء هذا الكتاب الجامع الشامل وسنعمل على الترويج له بس العمولة بالنص ههههههههه

faroukfahmy يقول...
أزال المؤلف هذا التعليق.
سواح في ملك اللــــــــــــــــــه- يقول...

تعرفي يانور

كل مثل من دول او كل محافظة من دول

تتمتع بحصوصية

يعني مثلا دمياط وصناعة الموبيليا

المحلة وصناعة النسيج

اسوان مثلا والفسيخ الاسواني

يعني اللي اقصده ان كل مثل من دول

ذوا حدين علي حسب فهم متلقيه

وكل محفظة من دول طبيعتها الجغرافية والعمالية

بتكون طبيعة وطباع اهلها

ابراهيم رزق يقول...

طبعا انا ضحكت لما اخترتى الجزء ده من كتاب صديقى الشاعر و الاديب و الصحفى و المعد التلفزيونى هيثم دبور و لما اقابله اقله
طبعا الكتاب ده بقالوا مدة حوالى سنتين انا حضرت حفل توقيعه اعتقد كان فى مكتبة الديوان بالزمالك
فعلا الكتاب ده جميل
و انا كنت فاكر انك لن تلتزمى بالحيادية و انك هتفوتى المنصورة
هههههههههههههههه
بس انا مش عارف الناس بتحقد ليه على المنصورة لكن انا هقولك حاجة غريبة و دى من ملاحظتى لنا فقط و لو دققتى فيها هتلاقيها صحيحة
ملامح اهل المنصورة تتشابه مع اهل بنى سويف تتشابه قليلا مع المنيا
هيقولوا ايه بقى على اهل بنى سويف
كان معكى من تحت الباطنية مصابا بالبرد
ابراهيم رزق

reemaas يقول...

AhMeD RaDy

تسلم يا ابو حميد مانا معاكم على طول اهو انت اللى مختفى

reemaas يقول...

هبة فاروق

ماهو حب يجمعهم علشان يقولنا اد ايه احنا متفرقين

الكتاب روعه يا هبه بجد

reemaas يقول...

faroukfahmy58

اه والله يا استاذنا انا حاسة انى بعمله دعايا
هههههههههههههههه

reemaas يقول...

سواح في ملك اللــــــــــــــــــه-


طبعا يا خالد ده مظبوط جدا بس الحكم على الناس اللى يغيظ

reemaas يقول...

ابراهيم رزق

انا نفسى هستغرب وجه الشبه يا ابو زياد

بينى وبينك وطبعا مطلوب منك تنقله الكلام انا احترت اختار الجزء ده ولا صورة من جلسة مجلس الشعب السابق ولا اختار جزء الكوكو ولا اختار برج التور ههههههههههههههه

انا حفظته يا ابو زياد وبعمل دعايا اهو بلغه بقى عاوزة اعمل معاه حوار او مابقى مذيعة ان شاء الله

ابراهيم رزق يقول...

بصى يا نور هو فى سؤال بجد نفسى اعرفف اجابته ممكن تعرفيه و ممكن تسألى عليه حد و تجاوبينى
ليه اغلب قرى المنصورة تبدء بميت مثل ميت غمر و ميت زنقر و ميت لوزة و ميت مزاح و ميت فاتك
اسالى و يبقى عليكى ميت نور و لكى الاجر و الثواب

افكار مبعثرة يقول...

رائع رائع رائع بجد الكتاب و عرضك ليه
بس يعني ده كل محافظات مصر اتشردت خالص ههههههههه
تحياتي

Bent Men ElZman Da !! يقول...

جميل تعليقك على الكتاب يا نور
شجعتينى اقراه وهاشتريه عشان الدعوه مش تجوز :D

تسلم ايدك :))

E73 يقول...

فقرات جميلة

على الرغم من اني مفهمتش بعضها او كتير منها :$

هل الكلام المكتوب بالاصفر هو منقول من الكتاب ولا أجزاء من الكتاب وتعليقك عليها؟

يعني انا دلوقتي طلعت واحدة مخلطة؟! انتي متأكدة ان حتشبسوت مكانتش شقرة؟ ولا صهباء حتى؟

;كارولين فاروق يقول...

حلوه الامثال يا نور
شكرا علي مجهودك حبيبتي
تحياتي

ريري كربكه يقول...

ريمو عامله ايه انا والله لسه عرفه انك تعبانه الف سلامه عليكي يا قمر
انت عامله ايه دلوقتي \طمنيني عليكي
تحياتي لكي

reemaas يقول...

ابراهيم رزق

هههههههههههههههه

طيب انا هجاوبك الاجابة اللى انا الفتها زمان واقتنعت بيها لانى سألت ناس كبيرة وماعرفوش

هى اصليها منية مش ميت
يعنى مثلا منية سلسيل او منية زاحم ومنية اعتقد يعنى مرسى او مكان وضفوها لاسم اول عيلة او اكبر عيله او اصل البلد وهكذا
ومع الوقت اتحرف النطق من منية لميت

ده اجابتى انا وليس لها اى مراجع للاستدلال على صحتها يعنى لتاخدها كده يا.....تاخدها كده :)

reemaas يقول...

افكار مبعثرة

ايوووووووون ماعدا تلاته زى ما الكاتب قال :)

reemaas يقول...

Bent Men ElZman Da !


الكتاب تحفة فعلا يادينا

reemaas يقول...

Bent Men ElZman Da !


الكتاب تحفة فعلا يادينا

reemaas يقول...

E73

طب قلولى مش فاهمة اى احاول اوضحهولك

ايون منقول من الكتاب مع حذف بعض لاكلمات للاختصار

ايوووووووووون مخلطين وده حقد طبقى من باقى مصر ههههههههههه

reemaas يقول...

;كارولين فاروق

تسلمى يا كارولين

reemaas يقول...

ريري كربكه

انا بخير يا ريرى يا حبيبتى الحمد لله اللىكانت تعبانة ريماس صاحبة مدونة نافذة حلم والحمد لله بقت احسن