الجمعة، 13 يناير 2012

الحواجز الوهمية



التقى رجلان غريبان فى محطة القطار احدهما بدين انيق جدا كان خارجا من مطعم المحطة,
والاخر كان نحيل جدا وكانت معه زوجته النحيله ووولديه وحقائب سفرهما......

اخذ كل منهما يحدق فى الاخر وقد اكتشفوا انهم اصدقاء الطفولة...

اندفع يحى كل منهما الاخر ويعانقه فى سعادة..واخذ النحيل يقدم للبدين اسرته الصغيرة فى فخر ثم اخذ يذكره بايام الطفولة والدراسة واللقب الذى  اطلقوه عليه فى صغره لاغاظته واخذ البدين يضحك من كل قلبه ..ويذكره هو الاخر بالمقالب التى كان يصنعها به ..ثم سأله عن حاله 

فاجاب النحيل بالحمد وان الله ساترها معهم رغم المرتب الضئيل لكنه يشغل وظيفة موظف محترم فى احدى الوزارات الحكومية ويساعد نفسه على المعيشة بعد الضهر بكشك سجاير ومعلبات صغير امام البيت..وانه ات للمدينة فى زيارة عائلية

ثم سأل صديقه البدين  عن حاله فاجابه فى تواضع انه يشغل منصب جلل فى احدى الوزارات...

فيمتقع وجه النحيل حين يعلم انه امام احد كبار رجال الحكومة وتذهل زوجته ويزرر احد الابناء زرار جاكتته بحركة تلقائية....ثم يتمالك النحيل روعه ويقول بصوت هادئ وبابتسامة

                         "فرصة سعيدة ياصاحب السعادة"

ترن العبارة فى اذن البدين رنينا غريبا ويشعر كأن حاجز وهمى  قد اقيم فجأة بينه وبين صديقه

يحاول جاهدا ان يهدمه.....

صاحب سعادة ايه بس ياعم اى اللهجة دى احنا اصحاب ومافيش بينا الكلام ده.......

لكن هيهات لقد اقيم الحاجز وانتهى الامر..

صافحهم وانصرف مودعا الاسرة فى ذهولها السعيد ومودعا معهم احساس الصفاء القديم.......

هناك 39 تعليقًا:

Casper يقول...

كما ذكرتي يا ريماس
هي أحاسيس وهمية لا وجود لها في واقعنا
نحن البشر من شيدناها وأنفقنا الكثير من راحتنا من أجلها لعلها تزيل عنا آلام الأيام

========

خاطرة مختلفة ومتميزة
بالتوفيق دائما

تقبلي مروري

دعاء العطار يقول...

جميله جدا يانور وفكرتها عجبتنى اوى

ع قد ماالشهره والمراكز بيعتقد البعض انها سبب للسعاده الا انها ف احيان كتيره بتكون سبب للتعاسه .. وزى ماقولتى مش بتحسى بصفاء وبتحسى بحواجز بينك وبين اللى حواليكى

بس العيب مش ف احب المراكز ع قد ماهو عيب ف الناس اللى بتتعامل معاه وكانهم بشر درجه تانيه

جميله يانور :)

Tamer Nabil Moussa يقول...

قصة رائعة بس صاحب السعادة هنا كان بيتعامل مع عفوية ودون تسلط لكن صديقة هو اللى افتعل الامر عندما وجدو فى سلطة اكبر

مع خالص تحياتى

ابراهيم رزق يقول...

صلى على النبى
زيدى النبى صلاه

بصى يا نور
ما ذكرتيه حقيقة احيانا تقام الحواجز دون ان ندرى ثم تخنقنا الحواجز و تمنع عنا الهواء فاذا اردنا ان نتسلقها لا نقدر على تسلقها او تنقطع انفاسنا او تتمزق ملابسنا
هذه الحواجز قد تكون منصب او لقب دكتور مهندس فنان شهير او غيره
العاقل هو من يهدم الحواجز سريعا
لى صديق دكتور فى جامعات سويسرا اول يوم ينزل مصر لازم نروح عربية عم عبدة دولار و ناكل فول هناك
عجبتنى جدا قصتك

تحياتى

faroukfahmy يقول...

الدتيا يانور على كده وكده يمكن يتقابلا تانى والايام تخللى الواطى عالى والعالى واطى والحكيم من يزن الامور بميزان الايام اللى الجايه مش الايام الحاضرة والامثلة فى الدنيا مليئة بهذه الاوضاع

faroukfahmy يقول...

الدتيا يانور على كده وكده يمكن يتقابلا تانى والايام تخللى الواطى عالى والعالى واطى والحكيم من يزن الامور بميزان الايام اللى الجايه مش الايام الحاضرة والامثلة فى الدنيا مليئة بهذه الاوضاع

E73 يقول...

وكعادتها دائمًا الحياة تأبه إلا أن تلعب بنقائنا

مصطفى سيف الدين يقول...

للاسف دوما نتفنن في صناعة الحواجز التي قد تهدم صداقة اعوام طويلة بلا داعي و هي حواجز ليس لها وجود
رائع ما نثرتي
تحياتي لكي

;كارولين فاروق يقول...

حواجز وهميه
صنعها الرفيع لانه شعر بالفرق
بينه وبين البدين
اي شعر بضآلته حينما ذكر الاخر منصبه
اي وضع الحواجز بيده لا بيد البدين
قصه جميله حبيبتي

سواح في ملك اللــــــــــــــــــه- يقول...

هو ليس حاجز وهمي

هو فارق اجتماعي وضع سياجا بين الاثنين

ولكن لان الفقير عف النفس

قد فعل هذا

AhMeD RaDy يقول...

بنوتة

ايه يا عم الكلام الحلو اوى دا

بجد لا مش عارف اقولك ايه مبدعة اوى يا جميلة والله

ايه يا عم دا

فعلا الحاجز بيقام بكلمة .. الكلمة اللى لما قاله انا كذا .. غيرت كتير
اوى وخلت الحاجز يقام بسرعة رهيبة

والمشكلة فى هدم الحاجز دا هتاخد وقت

ابدعتى

...

ههههههههههههههه انتى نصيبة بجد ماشى اتفقنا بس كدا هبقى بشرد ههههههههههههههه

AhMeD RaDy يقول...
أزال المؤلف هذا التعليق.
Bent Men ElZman Da !! يقول...

فعلا عنوان البوست مناسب اوووى
حواجز وهميه بتبنى بين اقرب الاشخاص لختلافات تافهه سواء ماديه او اجتماعيه او او

Tamer Moghazy يقول...

قد ايه تدوينة متميزة نور..
عبرت عن حتة احساس صعب قوي حد يتكلم فيه..
مع اننا بنتصدم فيه كل يوم..
بالضبط عامل زي الحاجز الزجاجي..
مش بيتشاف..
بس بيتحس..!!

Tamer Moghazy يقول...

صحيح..عاملة ايه في البرد..؟؟

reemaas يقول...

Casper

ورغم اننا عارفين اننا اللى عملنها بنسمح ليها تبوظ دنيتنا يا اسامة
منورنى

reemaas يقول...

دعاء العطار

معاكى حق يا دودو ومش كده بس حبيت اطرحها هنا مش تفاخر من الغنى اد ماهى عقدة عند اللى اقل منه

reemaas يقول...

Tamer Nabil Moussa

صحيح فعلا حبيت اطرحها كده علشان ابين مدى وهمية الحاجز لانى لو خليت صاحب السعاده متسلط هيبقى الحاجز حقيقى

reemaas يقول...

ابراهيم رزق

عليه افضل الصلاة والسلام

اللى شال الحواجز مع صديقك انتم الاتنين وهى دى القوة اللى بجد يا ابو زياد

reemaas يقول...

faroukfahmy58

معاك حق يا استاذنا المهم اننا نقسيها ونوزنها صح

reemaas يقول...

E73

تفتكرى هى اللى بتلعب ولا احنا اللى بنفقده بمزاجنا؟

reemaas يقول...

مصطفى سيف الدين
ده حقيقى وكاننا بنتفنن فى هدم سعادتنا

reemaas يقول...

;كارولين فاروق

علشان كده وصفتها انها وهمية يا قمرايه:)

reemaas يقول...

سواح في ملك اللــــــــــــــــــه


رغم ان الغنى ماحسسوش بده؟

حساها حساسية زيادة منه يا خالد

reemaas يقول...

AhMeD RaDy

الحاجز الوهمى هو الحاجة الوحيدة تقريبا اللى بتتبنى فى ثانيه وبتتهد فى سنين عكس كل الحاجات الطبيعيه

شرد شرد براحتك ههههههههههههه

reemaas يقول...

Bent Men ElZman Da !!

اه والله يا دينا وبتتبنى عليها ازمات

reemaas يقول...

Timo..

بيتحس بس؟

ده بتبقى ماشى فى امان الله وهوووووب تروح خابط فيه موقعك على الارض او مرجع مسافة لورا


لك ان تتخيل يا تيمو
متلجة وحسانى خلااااااااااااص بنقرض

هبة فاروق يقول...

حلو الموضوع يا نور
تعليقى فى كلمتين ..روحنا ..جينا ..فاكرين ..نسينا ..احنا فى الاخر اولاد ادم وحواء
لا فروق بين البشر ..,لكن نحن من نضع هذا الفروق
تحياتى موضوع جميل

reemaas يقول...

هبة فاروق

صح يا هبة الفروق دى من صنعنا احنا فى الاول والاخر

نهر الحب يقول...

مع ان البوست صغير بس عميق اوي
انا ماشوفتش الحاجز ده في علاقة الاتنين الصحاب دول وبس انا حسيته اوي فيا وفيكي وفي كل حد حس بالحاجز ده حد قدامه بيبنيه ممكن يكون قاصد وممكن لأ..
بس عارفة..
في قصتك ..
اللي اتبني قدامه الحاجز قرر ينسحب في هدوء وصمت ودون مقاومة..
غيره..
ممكن يفضل يخبط في الحاجز معتقد انه حيكسره
لكن...
للأسف...
بيقع...
.................

سؤال بقي ..؟؟
هو صاحب السعادة تخين ليه هو من بتوع طرة واللا ايه؟؟
:DDDD

Zawag alnaddy زواج النادى يقول...

السلام عليكم ورحمة الله وبركاته جزاكم الله خيرا على هذا الموضوع الجميل وانتهز الفرصه واحب ان اوضح ان الزوجه هيا كل الحنان والعطف والأشواق لزوجها والزوج هوا كل الدنيا التى تفرح بها الزوجه للقأ زوجها يجب التعارف بينهم والله وربنا يرزقنا كلنا بزوج و زوجه ولاد حلال**موضوع جميل ومشوق... بارك الله فيكم يا شباب

الاحلام يقول...

دائما يكون لدى يقين اننى سوف اجد شىء جديد هنا استمتع به وها قد حدث فرأيت موضوع غايه فى التشوف جميل ممتع وبسيط خفيف الظل يستوعبه من يقرأه من اول مره تحيه وتقدير ليكى نور على جمال الكلمات وبساطتها
احيانا يكن بيننا حواجز نبنيها نحن بداخلنا ليست المراكز فقط ولكن اشياء كثيره جدا فى حياتنا تكن حواجز بيننا ولكن نحن من نبنيها بداخلنا مطلوب ان نتحرر من هذه القيود وان نعرف ان لا فرق بين عربى واعجمى الا بالتقوى والخوف من الله عز وجل
تحياتى وتقديرى ابوداود

فشكووول يقول...

عارفه يا ريماس
ما بين الموظف الكبير والموظف الصغير فرصه قد تأتى عفويا وقد لا تأتى .. يعنى ممكن تيجى فرصه من غير انتظار والواحد يمشى فى السلك
وفيه موظف كف~ قد لا تأتيه هذه الفرصه
يعنى الموضوع لا هو عايز فهامه ولا عايز زكاء .. الموضوع ارزاق وخلاص
تحياتى يا ريماس

حنين محمد يقول...

صباح الغاردينيا نور
جميلة علاقة الصداقة لو أستمرت دون حواجز لكن للأسف أقيمت هنا حواجز شوهت الصداقه بين الاثنان أو بمعنى أوضح أفقدتهما تلك الروح الجميلة التي كانا يشعران بها معاً ..أبدعتِ في نسج قصة تحاكي ذلك الإحساس "
؛؛
؛
لروحك عبق الغاردينيا
كانت هنا
reemaas

reemaas يقول...

نهر الحب

معاكى حق عدم المحاولة ننفسها هزيمة

صاحب السعادة تخين من العز والتانى نحيل من الغلب هههههههه هى تيمةمحفوظة

reemaas يقول...

Zawag alnaddy زواج النادى

اممممممم

نورتنى

reemaas يقول...

الاحلام

ده حقيقى فعلا
وميرسى جدااااااا على كلام حضرتك:)

reemaas يقول...

فشكووول

وحتى لو بالسلك الوظيفى فده مجرد فروق اعمار اتعينت قبل فلان هتترقى قبله بس نعمل ايه هى النفوس اتعودت على ده

reemaas يقول...

ريـــمـــاس

وحشتينى جدااااااااااااااا ونورتنى تانى يا ريموسة فرحانة برجوعك جدا جدا