الخميس، 1 ديسمبر 2011

مرجيحة



وياه لما الحنين بياخدنا

لمرجيحة بتحضنا......
وياااه وبتعلى فوق سور بيتنا

تاخدنا لفوق وبتسعنا.....
نلاقى الطفل جوانا

عنيه بالفرحة مليانة....
وضحكة مش مفارقانا

فى بشرة خير لايامنا.....
وياااه لما الحنين بياخدنا

لمرجيحة بتحضنا......
ياريت ترجع ليالينا

تاخد من تانى ايادينا ......

تجمعنا

تخلينا نشوف من تانى قدمنا........

واااااااه

لما السنين بتعدى

وتسرق منا احلامنا......

ويااااه لما الحنين بياخدنا

لمرجيحة بتحضنا.....

ويااه وبتحلى بيها دنيتنا

تاخدنا لفوق وبتساعنا...

تلملمنا صديق وصديق

ترجع حلم قلب برئ...

تقول غنوة تبل الريق

وترجع بيها احلامنا...

واااه لما السنين بتعدى

وتسرق منا احلامنا....

واااه دى بتجرى ماتهدى

تضيع ملامحنا وكلامنا.........

 

هناك 26 تعليقًا:

سواح في ملك اللــــــــــــــــــه- يقول...

ايه الحلاوة دي يابنوتة

روعة بجد

reemaas يقول...

سواح في ملك اللــــــــــــــــــه

قلت امسى عليكم ي خالد

بالحق انت مسجل باسم ايه على الفيس بدور عليك مش عارفة اجيبك

سواح في ملك اللــــــــــــــــــه- يقول...

انا مش لية صفحة علي الفيس بوك

تحيت يابنوتة

غير معرف يقول...

ترجع حلم قلب برئ...


تقول غنوة تبل الريق


وترجع بيها احلامنا...


واااه لما السنين بتعدى


وتسرق منا احلامنا....


واااه دى بتجرى ماتهدى


تضيع ملامحنا وكلامنا.........
؛؛
؛
صباحك غاردينيا يانور
بجد زي ماقال خالد
ايه الحلاوة دي
جميلة اوي يانور
بس بجد حسيت بحنين وحزن ماعرفش ليه
بس عارفة صعب اوي لما احلامنا تضيع مننا وماحلاها لو بقت مرجيحه تاخدنا ليها نطيرنا معاها بس بحلم نلاقيه برضو حفضل جنب نافذة حلمي وابص لبكرة واقول في قلبي بكرة ححضن أحلامي :) "
؛؛
؛
لروحك عبق الغاردينيا
كانت هنا
reemaas

ابراهيم رزق يقول...

صباح الناس الرايقة اللى بتضحك على طول
اما العالم المضايقة انا لا مليش فى دول
متشكرين على الصبح
نردها ليكى بعد الانتخابات

تحياتى

faroukfahmy يقول...

نـــــــــــــر
انت لازم تبخرى نفسك من عيون ابراهيم رزق هههههههههههههههههههههه
دا انت حببتينى فى المرجيحة وانا نازل دلوقتى اشترى واحده من سوق الجمعة بينى وبينك ميعرفشى ابراهيم
تعبيراتك جميلة يانور
انا مبسوط من مرجيحتك خالص
الله على تعبيرك
اللى يترجع حلم قلب برئ
والله دى بتجرى ما بتهدى
الله يهدى بالك ياور بهاتيك المرجيحة ولا تقف ابدا بافراحك واطراحك
الفاروق

faroukfahmy يقول...
أزال أحد مشرفي المدونة هذا التعليق.
reemaas يقول...

ريــــمــــاس

صباحك سكر يا ريماس

ايوة عارفة لما الحلم بيضيع ادامك وانتى مش قادرة تمسكى فيه بتبقى صعبه جدااااااااااااا

reemaas يقول...

ابراهيم رزق

ههههههههههههههه

طب يعنى انا حاسة انى نردهالك دى هتبقى عقاب

ربنا يستر:)

reemaas يقول...

faroukfahmy58

ايون يا استاذ فاروق سرك فى بييييييير الاستاذ ابراهيم رزق مستحلفلى بعد الانتخابات

ربنا يسترررر

اللهم امين يارب

نهر الحب يقول...

انا بحب الاغنيي دي اوي وبكيت لما سمعتها اول مرة
:))
صباحك حنين

سندباد يقول...

لوحة رقيقة عميقة فيها الكثبر من الفضفضة والحيرة والامل في بكرة
تحياتي لريشة عقلك ومداد قلمك

دعاء العطار يقول...

الاغنيه دى بموووووت فيها اصلا اصلا اغانى حمزة نمرة كلتها _ شوفتى كلتها دى :D _ بموت فيها

بتعجبنى اختياراتك اوى يانور

دماغ دماغ يعنى :) :)

sabry abo-omar يقول...

جميلة كلماتك وفيها روح بنحسها ونعيش معاها لحظات رقيقة فى مدونتك.. تحياتى

eng_semsem يقول...

جميله الاغنيه قوي
وكتير بنشتاق لماضي صعب نرجعه ونفتكر احلام حققنها وكنا بنقول صعب نحققها ونفتكر احلام هربت مننا ونقول يا مين يرجعها
تحياتي

nour alqamar يقول...

كلمات حلوه يانور ربي يوفقك حبيبتى ..
مع تحياتى لك
نور

رحيق الورد يقول...

رائعة وجميلة وراقية الكلمات
شكرا لك وفى انتظار جديدك
تحياتى لك
ياسمين

reemaas يقول...

نهر الحب

صباحك احلى من السكر يا سهاد

reemaas يقول...

سندباد

ربنا يخليك يا سندباد
هو الاختيار بس اللى بتمنى يكون عجبكم

reemaas يقول...

دعاء العطار

ايون ايون اخدت بالى من كلتها دى
هههههههههههههه

اى خدمة يا قمر

reemaas يقول...

sabry abo-omar

ربنا يديمها لحظات

منورنى ديما

reemaas يقول...

eng_semsem

معاك حق يا سمسم

يارب تدخل تشوف الرد
انا مش عارفه ادخل مدونتك اعمل اييييييييييييييييييه

reemaas يقول...

نور القمر


تسلمى يا نور انتى الاحلى

reemaas يقول...

رحيق الورد

مبسوطة انها عجبتك يا ياسمينة
منورانى

الاحلام يقول...

ما هذا وما ذالك ادور عليه ولا بلاش انا عارف هلاقيه فين جاى جاى مش هيغيب انا احساسى كبير وعمر احساسى ما خيب
اجمل الكلمات واحلى الهمسات التى امتعتنا تسلمى دائما نور
تحياتى ابوداود

reemaas يقول...

الاحلام

تسلم يا استاذ محمد فرحانة جدا انها عجبتكم