الأحد، 27 نوفمبر 2011

مع نفسى 5






عندما كنت اريد شيئا فى صغرى  لم تكن تحضره لى 
فقط كنت تساعدنى لاحصل عليه بنفسى
رحمك الله يا ابى

**************************







فى الفترة الاخيرة ديما حاطة سماعات الموبايل فى ودانى وبسمع حاجة...
اى حاجة......
المهم انى اسد ودانى عن ما يدور حولى...

*******************************


البرد جاى بدرى السنة دى
احساس لا يوصف لما امسك ماج الكابيتشينو السخن بين اديا فى عز البرد


احساس الدفا حلو اوى


*****************************




طول عمرى نفسى العب كورة
بحقد على الولاد على فكرة علشان بيعرفوا يلعبوها 
عندى احساس انهم بيفرغوا فيها طاقة كبيرة جدا عندهم
اشمعنا هم يعنى

هناك 43 تعليقًا:

سواح في ملك اللــــــــــــــــــه- يقول...

رحم الله ابوكي يانور

وبعدين ايه الكلباتشينوا ده يانور

ههههه منكر ده والا ايه

وانا عمال اقول نور لسانها تقيل اليومين دول

ههههههههه

وكمان عايزة تلعبي كوووووورة

ههههههههههههه

تحيتي لاطيب بنوتة

ريــــمــــاس يقول...

صباح الغاردينيا ياأطعم نور
عارفة انا كنت زيك كان بابا الله يرحمه مايحبش يجبلي اي حاجة اطلبها كان لازم يخليني انا الي اجيبها وأحس بقيمتها كان دايماً يقولي الحاجة الي حتيجي سهلة مش حتحسي بيها عارفة يانور حب الكتابة أخدته من بابا الله يرحمه فاكرة وانا في متوسط يعني اعدادي بـ المصري :)
كنت وقتها لسى بجرب اكتب كانت قصائد نبطية اممم كان يخليني أحس اني بكتب حلو وكنت بصدق كل كلمة يقولها النهردة لما بكون متضايقة وأكتب افتكر لما كان يقولي الا قلمك ياريماس اوعي في يوم تتخلي عنه كان يشجعني امممم انا رغيت اوي وشويا كمان واعيط ايه رأيك نقلب على الفقرة التانية :)
؛؛
؛
بالنسبة للسماعات وسد الودان ساعات تحطي السماعه عشان ماتسمعيش حاجات مش عاوزه تسمعيها بس المشكلة يانور لو فضلت تزن وتزن بس في القلب ساعتها برضو حتسمعيها بوجع أكبر "
؛؛
؛
نيجي بقى لاجمل فقرة ياااه يانور بموت في البرد وبموت في الكابتشينو :)
ممكن لو سمحتي ماج معاكي "
؛؛
؛
ههههههههههههه
نور كورة ايه يابنتي هههههههه عارفة انا عملتها مرة مع اخويا وكان قريب الموضوع دا وربنا مش بنسى اليوم دا عارفة بيقولي ريماس دي كورة مش بني آدم بلاش دلع البنات هههههههه
مع اني ماكنتش بدلع بس طبعا فرق بين البنت والولد انصحك بلاش تلعبي كورة عارفة انا بفرغ الي جوايا في اية هما حاجتين جنوني في الدنيا الكتابة والرقص <<<< مجنونة بعيد عنك هههه "
؛؛
؛
امممم سوري بقى انا رغيت اوي وزمانك صدعتي وعاوزة كابتشينو :) "
؛؛
؛
لروحك عبق الغاردينيا
كانت هنا
reemaas

نور القمر يقول...

رحم الله ابوكى ياقمر ..
ههههههه بوست حلو بجد تسلم ايديكي
مع تحياتى لك
نور

رحيق الورد يقول...

مساء الخير
الله يرحمه
وان شاء الله يوم من الايامات تلعبى كوورة وتعرفى تلعابيها زى الولاد
هههه تحياتى لك حبيبتى

reemaas يقول...

سواح في ملك اللــــــــــــــــــه-

ايون يا خالد كابيتشينو ده اللى بيعمل شنب :)



بحقد عليكم حقد دفيييييييييين

reemaas يقول...

ريــــمــــاس

انا اصلا بموت فى رغيك بليز ارغى كتييييييييير

ربنا يرحم بابكى يا ريماس

من عيونى اكيييييييد اجيبلك احلى ماج كابيتشينو

وبالنوسبة للكورة اجربها وو مرة طيب وبعدين اغير بقى
ههههههههههههه

reemaas يقول...

نور القمر

تسلميلى يا نور يااااارب

reemaas يقول...

رحيق الورد

تسلمى يا قمر

يعنى مش زيهم كفايه عليا اجرب ولو مرة

مصطفى سيف الدين يقول...

رحمة الله على ابيك غفر الله له واسكنه فسيح جناته
--------------
اشياء كثيرة نسمعها كنا نتمنى ان تصاب اذنينا بالصمم قبل ان تصل الينا
-------------------
الدفا اصبح حلما في تلك الايام شديدة البرودة شديدة الجفاء نبحث عن بعضنا كي يحتضن بعضنا بعضا
----------------
بطلوا حقد بقى واحنا نقول ايه سر الاصابات اللي بتجيلنا كل ما نلعب كورة :)

حلوة الخواطر يا نور
تحياتي

ابراهيم رزق يقول...

ازيك يا نور عامله ايه

رحمة الله على ابيكى

احيانا مطلوب لكن ما يدور حولنا جزء من ايقاع الحياة و لوتخلفنا عن ايقاعها قد نجد صعوبة فى ظبط ايقاعنا

شعور الدفىء جميل لكن الاجمل ان نشعر بمن يفتقده اعتقد ان الشعور الثانى اجمل

ههههههههههههههههههههه
تعالى العبى معى كورة و اعتقد ان مستواكى فى اللعب لن يقل عنى لانى لى حوالى اربع سنوات لم المس كرة

تحياتى و متغبيش عننا

ديارا المصرى يقول...

بوست راااااااااااااااااائع
رحم الله والدك ....وحقق لكِ امنياتكِ

faroukfahmy58 يقول...

يانور الدنيا كلها يانور ان الدفء التى تحسين به نحس به من كلامك الدافئ
رحمة الله على والدك وانا كأب مهما اعطيت لبناتى كل ما يطلبنه الا انى اشعر بالتقصير فكل مايطلبونه ليس كل مايردنه اشفاقا عليا ورحمة بى
شعور الدفء مهما يا نور ولكن الاهم منه ان يدفئ قلوبنا قبل ايدينا التى تمسك الدافئ والقلب يشعر بالبرودة
بوست على الرغم من قصره الا انه يحمل معانى كثيرة
شكرا على امتاعنا
الفاروق

هبة فاروق يقول...

رحم الله والدك فقد جعلك تعتمدين على شخصك ونفسك فقط
بالنوسبه للشتاء عدوى معلش الاختلاف فى الرأى لايفسد للود اى بتنجان
اما الكابتشينو بحبه بس بيسهرنى
واحسن حاجه عملتيها انك سديتى ودانك يعنى اللى سامع فاهم حاجه اصلا
اما لعب الكوره ..متاح اعرف فرق لكره القدم بيلعبو فيها بنات
بجد خواطر وصور تجنن
تحياتى لك وتسلم ايدك استمتعت جداااا

ريري كربكه يقول...

ريمو يا سلام والله كان نفسي اجيب بنت واسميها ريماس علشان اقولها يا ريمو
هههههههههه
اولا الله يرحم والدك ويجعل الجنه داره
انا كمان نفسي العب كوره
تيجي نعمل فريق
تحياتي ليكي يا ريمو

نهر الحب يقول...

بقالي فترة ماليش نفس اقرأ ولا اكتب كالعادي الحالة دي بتجي مع ظروف كتير منها حال البلد
بس كنت بدخل كل يوم عشان اشوف ناس معينة كتبوا واللا لا ومنهم انتي طبعا
:))

danbo
بعشق الشخصيه دي كائن صامت بيتكلم بمجموعة مشاعر رهيبة بجد

انتي شبهي جدااا كالعادة
:)


فى الفترة الاخيرة ديما حاطة سماعات الموبايل فى ودانى وبسمع حاجة...اى حاجة......المهم انى اسد ودانى عن ما يدور حولى...

كانت حاصلالي كتير بس من شوية كدة
دلوقتي مبقتش طايقة اسمع ولا اتكلم ولا اي حاجة بقيت اعقد ساكته ...
متنحة بمعني اصح
:((



احساس الدفا حلو اوى
أووووووي
:)

goulha يقول...

اقدم لكم أجمل التهاني والتبريكات بمناسبة ذكرى رأس السنة الهجرية الجديدة فعــام مــــبارك ســـــعيد ، علينا وعليكم شـهيد ، وكل عام وأنتم ونحن بألف ألف خير ،

Bent Men ElZman Da !! يقول...

ربنا يرحم والدك يا نور


حركه السماعات دى
بتاخدك فى عالم تانى وبتخليكى مالكيش اى علاقه بكل حاجه حواليكى
بحبها :)

reemaas يقول...

مصطفى سيف الدين

لا لا يا درش لن اقبل

هتعملنا شمعاه بقى لخسارتكم؟
هههههههههههههههههههههه

مبسوطة انك جيت بقالك كتير مش بتيجى

reemaas يقول...

ابراهيم رزق
متفقين
كون انت الفرقه بس وانا معاك:)

فعلا احساس احلى

reemaas يقول...

ديارا المصرى

اللهم امين
تسلميلى يارب ومنورانى ديما

reemaas يقول...

faroukfahmy58

بس دفئ القلوب دى مش بايدينا للاسف يا استاذ فاروق

نعمل اهى اهى مجرد محاولات
منورنى ديما يارب

reemaas يقول...

هبة فاروق

تسلمى يا هوبا
طيب انضم ليهم بس يلعبوا فى المنصورة :)

ماهو انا مش من محبى الشتا بس من محبى الدفا

منورانى يا هوبا

reemaas يقول...

ريري كربكه

يلا انا بعمل دعوة اهو ده واضح ان الكل حابب يلعب
هههههههههههههههه

ربنا يرزق بيها حبيبتى يارب

reemaas يقول...

نهر الحب


عارفة يا سهاد والله الحالة دى واعتقد انها لسه عندى بس اهو بحاول اخرج نفسى منها
اكيد حال البلد له دور بس ايام وهتعدى ان شاء الله

يارب كل ايامك دفا :)

reemaas يقول...
أزال المؤلف هذا التعليق.
reemaas يقول...

goulha

وانت بالف خير يارب

reemaas يقول...

Bent Men ElZman Da !

وده احلى ما فيها يا دينا
منورانى

وجع البنفسج يقول...

ربنا يرحم الوالد يارب .. ويجعل مثواه الفردوس الاعلى من الجنة ..

تصدقي انا كمان باحط السماعات في وداني الغريبة اني مابسمعش حاجة معينة ولكني ابحث عن الصمت .. اضعها لتبعدني عن الواقع فقط لا غير !!

فعلا حسيت انه اجى بدري والدليل دور البرد اللي اخذته وانا مش واخدة بالي @@

بالنسبة للكورة .. انا كمان باحقد معاك عليهم !!

هديل يقول...

الله يجزي ابهاتنا عنا خير الجزاء و الله تعبوا لعند ما كبرونا و ربونا ..
و اتفق معك كل الاتفاق مج الكابتشينو برائحته و دفاه هم الأحلى في الشتا :)

eng_semsem يقول...

الله يرحمه ويسكنه فسيح جناته
ومن اهم معالم الشتا الكابتشينو واللي بيبقى ليه طعم تاني خالص
وبالنسبه للكوره متهيالي بلاش احسن
تحياتي وعام هجري سعيد ان شاء الله

جايدا العزيزي يقول...

طبعا والدك معاه حق

والبرد السنادى رائع بموت فى البرد نور

حلوة الفضفضه مع نفسك

بتخرج حروف فى منتهى الروعه

وحشانى ياقمر

تحياتى

reemaas يقول...

وجع البنفسج

حقد جماااااااااعى كده ضمنا انها راحت عليهم :)

عجبنى جدا تعبير ابحث عن الصمت ده

منورانى ياقمرايه

reemaas يقول...

هديل

اللهم امين

منورانى يا هديل

reemaas يقول...

eng_semsem
خايفين لنكسبكوا يا سمسم اعترف:)

بقولك المشكلة بتاعه مدونتك رجعت تانى مش قادرة ادخلها وبتحولنى على موقع قراءن

reemaas يقول...

جايدا العزيزي

تسلمى يا ايدى اهو بنحاول نخرج من اللى احنا فيه

وانتى كمان كتير كتير ياقمراية

دعاء العطار يقول...

ربنا يرحم باباكى يااارب

تعرفى يانور بحسها اوى لما اقرا معلومه بسهوله غير لما ابحث عنها بنفسى

المعلومه اللى ابحث عنها بنفسى واوصلها بعد عناء هى دى اللى عمرى ماانساها .. اسلوب باباكى فى تربيتك واضح يانور ع شخصيتك :)

.......

كلنا ساعات بنبقى محتاجين اوى للسماعات دى :(

...........

بحب جدا احساس الدفاومش بحب الشتا

.............

بالنسبه للحقد فانا بحقد عليهم فى حاجات كتير مش ف الكوره بس :D

وحشتنى مدونتك اوى :)

reemaas يقول...

دعاء العطار

الله يرحمه ويحسن اليه

هعد معاكى الحاجات دى قريب يا دعاء اطمنى ;)

rona ali يقول...

انا لعبت كورة انا لعبت كورة ههههههههههههههه حرييفه طول عمري

صراحتآ البةست كله قريب منى الي حد كبير وجميل جدآ

وادى الطريق والوصفه اهو علشان بعد كام سنه كدة لما تفتكرينى تعرفي انى مش حرمتك من حاجه ابدآ :))

reemaas يقول...

rona ali
ههههههههههههههههه
منورة الدنيا يا رونا

طب انتى كده اجدع البنات وهنخليكى كابتن الفرقة

استعدى بقى الماتش قرب

:)

reemaas يقول...

rona ali
ههههههههههههههههه
منورة الدنيا يا رونا

طب انتى كده اجدع البنات وهنخليكى كابتن الفرقة

استعدى بقى الماتش قرب

:)

rona ali يقول...

استعد واسخن وكدة حبيبتى انا بنزل علي طول الكلام دة مش عندى

انا سخنه لوحدى ^_^

آخر العنقــــــود يقول...

ربنا يرحم الوالد يارب ويرحم كل من رحلو عنا واحببناهم
انتِ عارفه ان انا كمان بحب الكورة جدا او الرياضة عماة واي حاجه فيها جري
بحس اني من خلالها حرة وبفرغ طاقة هائلة

وحشتني مدونتك
ربنا يسعدك يا بنوتة :)

E73 يقول...

الكورة وركوب العجل فيه حاجات كتير نقدر نحقد عليهم فيها

ربنا يرحمه ويرحمنا يا رب

فعلا الواحد مش بيحس بسخونة الحاجة في الشتا زي ما بيحسها في الصيف

نفسي ابقى كدا وكل واحد بيحاول يعزل نفسه بطريقته