الثلاثاء، 8 نوفمبر، 2011

انا بتسرق!!!!!!!!




مش عارفة والله اوصف الاحساس

انا اتسرقت!!!!!!!!!

اول ما صديقى مصطفى سيف نبهنى انه لقى حاجه انا كنت كتباها من فترة على وول فى الفيس انا يومها استغربت جدا......

انا؟
يعنى ماتخيلتش فى يوم ان الاقى حد واخد كلامى ومنزله سواء بنص او بتحريف وماكلفش خاطره حتى يكتب المصدر

احساس رخم جدا وخصوصا انك مش عارف تثبت ان ده كلامك ولا عارف تسكت وتكبر والكلام عمال بيتشير لدرجة انه وصل لوول ناس قرايبى وبعتنهولى امبارح يقولولى شوفى لقينا بوست حلو اوى!!!!!!!!!!!!!

حاجة تحرق الدم

البوست اهو          بوستى المسروق!

هناك 34 تعليقًا:

norahaty يقول...

فى الــفيس
كل شىء يحدث!

norahaty يقول...

طيب ليه ما
نشرتيش اللنك
بتاع صفحة الفيس
اللى (استلفت) كلامك

ابراهيم رزق يقول...

هو كان احساس رخم
و هو خلاف السرقة المادية
عارفة لما حرامى ينشلك و متعرفهوش بتقولى عوضى على الله
لكن لو ربنا رزقك بحرامى غسيل ساكن فى البلكونة اللى قصادك يسرق الغسيل و يقوم يلبسهه و يقف فى البلكونة يطلع ليكى لسانه و انتى لا حول الله و لا قوة مش قادرة تعمليله حاجة و لا حتى تزنيه بطوبة فى نافوخه
قولى عوضى على الله و خلاص و خليكى زى حالاتى و قولى يكفيكى شعورك الداخلى ان ده فكرك و على فكرة لو محدش عرف يتاقلم مع الشعور ده هو شعور رخم على راى واحدة مش فاكر اسمها مش فاكر اسمها مش فاكر اسمها عليكى واحد
ههههههههههه
اسمها نور
تحياتى

reemaas يقول...

norahaty

http://www.facebook.com/photo.php?fbid=172657966152367&set=a.124224907662340.32206.123863047698526&type=1&theater

اهو البوست المسروق اهو

reemaas يقول...

ابراهيم رزق

نسيت اسمى عاااااااا

هههههههههههه
اه والله يا استاذ ابراهيم احساس رخم اخر حاجة بصراحة لا ومزودين عليها وحد ماضى تحت وكله تمام

ياره عبدالله يقول...

فعلا انا شفت البوست ده من فتره كبيره وهو منتشر على الفيس
حولى متنشريش حاجه على الفيس بوك بتاعك
الموضوع ده مش هيختفى هيفضل موجود وموضوع كوبى وبست بيزيد يوم عن يوم
متزعليش نفسك .

دومت بكل الود والحب ..
مع خالص تحياتى الغاليه ..

مصطفى سيف الدين يقول...

ده طبيعي جدا اليومين دول يا نور وبتحصل وهتحصل دايما
الاستسهال والفقر الابداعي اكتر حاجة بتميزنا حالياوقبل الاتنين هو انك تسرق الغير
و ده اللي مخليني مكتبش كتير واقلل اهتمامي بالمدونة
حسبنا الله ونعم الوكيل

reemaas يقول...

ياره عبدالله

والله يا يارة البوست ده انا كتباه من شهر مايو اللى فات وفوجئت بالمهزلة دى ده كل الفيس عمال يشيره بطريقه عجيبه

بس مين خلص مش هشير حاجة على الوول بتاعى تانى ابدااااااااااا

reemaas يقول...

مصطفى سيف الدين

لا استنى يا مصطفى خطوة مانكتبش فى المدونة دى لسه بدرى عليها احنا نبدء باننا مانشيرش على الفيس لو اساتمرت الحكايه يبقى كده فى حد ماشى ورانا بقى هههههههه

نفسى ابطل نظريه المؤامرة دى

بس اوعى تبطل تكتب كده يبقى هم نجحوا

norahaty يقول...

طب حبيبتى ليه
ما علقتيش عندهم
وقلتلهم كدا عيــب
وتعملى ريبورت للصفحة
وكل اصدقاءك كمان يعملوا
ريبورت لها وبالتالى ممكن
تتمسح الصفحة دى خالص؟
ما جربتيش تبعتيلها
ماسيدج؟

هبة فاروق يقول...

كلنا لها يانور
امال انا بقى اللى اتسرق منى حكاية واتعملت مسلسل اعمل اية
عزائى واحساس بجد يحرق الدم
تحياتى لك ودة دليل على الموهبة يا نور

سواح في ملك اللــــــــــــــــــه- يقول...

الحمد لله ان جت في بوست

ههههه مش باقي معاكي فلوس تروحي ؟؟؟

بصي يانور

الليبيسرق ده انسان هايف وتافه

معندوش حاجة يقولها

فبيسطوا علي مجهود الناس

تحياتي

دعاء العطار يقول...

معلشى يانور هتشوفى من ده كتير يابنتى والله وخااصة بلاقيه ف المنتديات

مره لقيت موضوع كاامل بدون تغير اىىى حرف وعليه بقى تعليقات كتير وتسلم ايدك وجميل ورائع وهو مش مكلف نفسه يقولهم ده مش بتاعى ع فكره

حاجه تفررررررررررس .. بس بجد مش عارفالها حل

حسبى الله ونعم الوكيل مفيش غير كده

reemaas يقول...

norahaty

ماهو انا بعت رساله لاول بيدج انا شفتها عندها بس الموضوع تفاقم بقى هتلاقيها اتشيرت حاليا فى صفحات كتيييييييييييييير

reemaas يقول...

هبة فاروق

والله يا هبه حاجة تخنق بجد
بس انتى ربنا يعينك اعتقد انك ليكى حل اقله اللى عملوه مسلسل جهة معينة تقدرى تقاضيها لكن الفيس بوك ده اعمل فيه ايييييييييه

reemaas يقول...

سواح في ملك اللــــــــــــــــــه-

واى هايف يا خالد

مالقاش الا الكلمتين دول اللى يسرقهم
بجد قهرنى جته قهره

reemaas يقول...

دعاء العطار

اه والله يا دعاء مافيش حل غير حسبى الله ونعم الوكيل

احساس وحش اوى وانتى شايفه الناس عماله تنهى حد على حاجة بتاعتك
اااااااااااه يانى

faroukfahmy58 يقول...

نـــــــــور
اللى سرقك معذور ... هوه اتبع المثل القائل اذا سرقت اسرق جمل واذا عشقت اعشق قمر وانت جمعت بين الجِمال والجَمال( الاوله بالكسرة والثانية بالفتحة) وعلى رأى عمنا ابراهيم زق عجبى على دى بلد
مخلصك الفاروق

نور القمر يقول...

حسبي الله ونعم الوكيل الاشياء هاذي بتصير كثير حبيبتى نور ..
وانا من يومين كانو واخدين حسابي ولعبين فى مدونتى وحاذفينها اصلا ..
الله غالب وخلاص
مع تحياتى ياقمر ومتزعليش نفسك
نور

شيرين سامي يقول...

نور حبيبتي أنا عارفه قد إيه دي حاجه بتضايق و حصلت معايا قبل كده في اكتر من قصة.
بس هقولك على حاجه الموضوع اللي بيشبه تدوينتك على الفيس هو بالفعل منشور من زمان في أكتر من منتدى و لو بحثتي على جوجل هتلاقيه في حوالي 100 موقع و بتواريخ قديمه..المنتدى ده مثلاً من سنة 2001
http://www.q8castle.com/vb/showthread.php?t=517046

و أنا لما نشرتيه كنت عارفه إن فكرته مش جديده و إعتقدت إنك قاصده تكتبيه بطريقتك لأنها فعلاً جذابه جداً.

بس هي مجرد كلمة حق و توارد الخواطر يا ما بيحصل في الكتابه...خاصة مع المميزين زيك.

تحياتي لأجمل بنوته

رحيق الورد يقول...

معليش طولى بالك
الله غالب .. متزعليش نفسك كل شى بتصحح
تحياتى
ياسمين

عباس ابن فرناس يقول...

والله عفارم عليهم ههههه

بس يعنى هوا مين يلاقى قلم ابيض وقلب ابيض ومش يسرقه ده حتى يبقا غلطان

بس بجد متزعليش
على الاقل فيه شى ايجابى فى الموضوع لان ده معناه ان افكارك عجبت الناس
وده اللى شجع بعض القراصنة ليستولو عليها

قلبك ابيض
وكل سنة ونتى بخير

ديارا المصرى يقول...

حبيبة قلبى ...........أنا شايفة البوست ده من زمان ....ايوة ع الفيس
الفيس مشكلته عدم احترام الملكية الفكرية والحاجة فيه بتنتشر بسرعة البرق :))

dodo, the honey يقول...

عزيزتي بنوتة مصرية ...
بالنسبة لي فأنا مثلكِ لم أكن أتوقع ألا
يكون لدى الآخرين احساس بنقل أفكار
الآخرين و لصقها بهم !

لا تحزني و لا يصبنكِ الاكتئاب !
و طالبي بحقكِ من على الفيس بوك !
أو قومي بجعل مدونتكِ غير قابلة للنسخ !

على كلٍ دمتِ بخيـــر ...
تحيآتي لكِ ...

Bent Men ElZman Da !! يقول...

انا فعلا شوفت دكتور مصطفى لما قال ان كلامك ده اتسرق
وانا كمان لاقيته قبل كده فى مدونه ونشرته بطريقه تانيه بعد البوست بتاعك
السرقه بقت كتير اوووى وخصوصا ان انتى ماتقدريش تثبتى حقك وتقولى الكلام ده بتاعى
اصل الحراميه اوقات بيبقوا بجحين ويجيبوا اللى فيهم فيكى

reemaas يقول...

faroukfahmy58

ربنا يخليك يا استاذ فاروق ديما رائيك بيسعدنى وبيسيب ابتسامة على وجهى

:)

reemaas يقول...

نور القمر

كمان؟
يعنى ممكن الواحد يصحى مايلاقيش مدونته

حسبى الله ونعم الوكيل

reemaas يقول...

شيرين سامي
مش عارفه يا شيرين انا ماشفتوش على الفيس او قريته قبلها كنت هقول والله انها فكرة كانت موجودة وانا صغيتها بطريقه تانيه

يعنى اوقات بلاقى صورة مثلا حد كاتب عليها تعليق وانا بيجى فى دماغى تعليق تانى فبعملها لكن دى ماحصلتش مع البوست ده لانى كاتباها من قبل المدونة فى اجندتى الخاصة من فترة طويله ومجرد حطتها فى المدونة

reemaas يقول...

رحيق الورد
ربنا موجود يا يسمين هعمل ايه يعنى مافيش ادامى الا الصبر

reemaas يقول...

عباس ابن فرناس
ههههههههههه
مش عارفه عندى احساس انك فرحان فيا
هههههههههههههه

reemaas يقول...

ديارا المصرى

ايون مانا اخدت بالى انى ماكنتش واخده بالى من زماااااااااان

reemaas يقول...

dodo, the honey

ماهو انا لسه عاوزة اعرف اعملها غير قابله للنسخ ازاى

بس هظبطها ان شاء الله

وانتى بالف خير يارب

reemaas يقول...

Bent Men ElZman Da !

يالهوى
كمان على مدونة
ههههههههههه

حسبى الله ونعم الوكيل

اه والله يادينا دى بجاااااااحة

غير معرف يقول...

ولا تزعلي نفسك
تقدري تثبتي إنك صاحبة الفكر بتاريخ النشر الأقدم