السبت، 12 نوفمبر 2011

بموت.............






هو ده احساسى فى الكام يوم اللى فاتوا

هدوء قاتل
تكرار للاحداث بشكل ممل.........ممل جدا

اوقات بحس ان نفس الكلام بيتكرر
تعبت من كتر مابقول للى بيكلمنى انت مش قلتلى كده امبارح؟!!!

واقع بعيشه لكن ماليش دور اساسى فيه
واقع اقرب للقدر منه لحياة انا بطلتها

واقع مش عارفة اقبله ولا عارفه اغيره
احساس رهيب بان فيه حاجة جواية بتتخنق كل يوم

بتموت...
بتموت.....

بتمووت.......

مش عارفة انقذها...........
بتفرج عليها من بعيد وصعبانة عليا......

اد ايه (كانت) حاجة حلوة......



مع الاعتذار لصديقى Timoالصورة استلفتها من مدونته اسف على الازعاج

هناك 42 تعليقًا:

هبة فاروق يقول...

اولا بعد الشر عليكى لان العنوان صعب جدا
ثانيا الملل والروتين شىء بيصيبنا كلنا مش انتى بس حاولى تغييرى الروتين
شويه وانتى حتحسى براحه نفسيه
تحياتى لاجمل بنوته

سواح في ملك اللــــــــــــــــــه- يقول...

صباح الفل يابنوتة

بتحصل

بس حاولي تتجاوزيها

سواح في ملك اللــــــــــــــــــه- يقول...

بنوتة

ماتشاركي معانا في منتدي الاستاذ محمد الجرايحي

صاحب مدونة كلمة ونص

منجي باكير يقول...

أحيانا يتملكنا هذا الاحساس القاتل ،،

يجب عينا التعامل مع الوضع بالتغيير و الصبر

***

رايك يهمني في موضوع : تدوين تحت الوصاية !
موضوع حاز على اهتمام كثير من المدونين
http://zaman-jamil.blogspot.com/2011/11/blog-post_08.html

FAW يقول...

ألف سلامة عليكي

ده إحساس عام بس بلاش تقوليها كده بعد الشر

تحياتي

نهر الحب يقول...

مش عارفة انقذها........... بتفرج عليها من بعيد وصعبانة عليا......


لا باديكي تنقذيها ومافيش حد بايده يعمل ده غيرك

حقولك سلامتك

ويا ريت ترجعي ليكي

AHMED SAMIR يقول...

معلش
هي الحياة كدة
ups and downs
بس ان شاء الله الأيام القادمة هتكون اجمل بكتير
تحياتي

دعاء العطار يقول...

مش عارفه اقولك ايه يانور

هى الحياه ليه بقت ممله كده ؟

بس عارفه حاسه ان الحياه مش هى اللى ممله

حاسه ان احنا اللى ساكتين فعلا وسايبينها وبنتفرج عليها وهى بتضيع من ايدينا

حياتنا المفروض احنا اللى نغيرها

ارجعى ليكى ... ويارب ارجعلى :)

سندباد يقول...

فترة من الفترات الكثيرة التي تمر بنا لا نعرف من اين اتت ولماذا ولكنها ستمر حتما فاذا كانت الاعمار تمر افلا تمر تلك الفترات الحالكة
ان بعد العسر يسر
تحياتي

ابراهيم رزق يقول...

حاسب من الاحزان و حاسب لها
حاسب على رقابيك من حبلها
راح تنتهى و لابد راح تنتهى
مش انتهت احزان من قبلها ؟
عجبى ؟؟؟
كلنا هذا الرجل لكن لازم نحلم و نحلم الحلم هو الامل و هو اللى بيحلى بكرة لان لو يطلنا نحلم نموت
العرف لا يعرف
حباية تفاؤل
و فوارة ابتسلمة
و حقنة سعادة
و مضاد حيوى للنكد
و كفاية كدة عشان الاعراض الجانبية
تحياتى

amiraali يقول...

هي دي فتره كل واحد بيمر بيها ... بس الاهم انك مش تستسلمي لايلي انتي فيه...

donkejota يقول...

اليأس شيء جميل
كوني يائسة نبيلة ولكن لا تقتلي غيرك

آخر العنقــــــود يقول...

خضتيني يا بنوتة
بقالي فترة غايبة عن المدونات ويوم ما ارجع الاقي العنوان "بموت"!!!
مش عارفه اقولك ايه عشان حاسه اني هقول كلام انتِ عرفاه وتقليدي جدا
بس حاجه واحدة هقول لك عليها
لما بكون في حالة زيك كده اللي اكيد كلنا بنمر بها
بقول "اللهم احييني مادامت الحياة خيرا لي وامتنى مادامت الحياة شر لي"
واسمعي اكتر سورة من القرآن بتحبيها بصوت مقرئك المفضل

طمنينا عليكي يا أرق بنوتة :)

عباس ابن فرناس يقول...

الياس مش هيوصلك

ولو الهموم هتحصلك

مش راح تقف الحياة !

ريــــمــــاس يقول...

مساء الغاردينيا يااحلى نور
كدا برضو اما أرجع لتدوين الاقي بموت
ليه كدا بس ماتسيبينا عايشين زي ماهي هههههههه
عارفة يانور كل حاجة بتبقى ممله حواليكي ومالهاش طعم نفس الكلام نفس البشر نفس الاحداث بس لما تحلمي وفي قلبك حب كبير وتستني بكرة بإ بتسامة حتلاقي الدنيا غير لان احساسك غير :)
ابتسمي بقى على الاقل عشاني جيت هههه"
؛؛
؛
لروحك عبق الغاردينيا
كانت هنا
reemaas

ابراهيم رزق يقول...

بسرعة اخرجى من المود ده

متخليش العملية تطول

تحياتى

Days and Nights يقول...

الأخت الغالية والعزيزة / ريماس

بعد الشر عليكى (العنوان)

وكل عام وأنتى بألف خير

حبيت أطمئن عليكى

دمتى بكل الود

تامر

نور القمر يقول...

اهلا نور ..
بتحصل كثييير يانور .. ربنا معاكي ويوفقك يارب
شكرا لك ياقمر
مع تحياتى
نور

ابراهيم رزق يقول...

طمنينى عليكى لانى بجد قلقان

تحياتى

سواح في ملك اللــــــــــــــــــه- يقول...

اييييه ياست نور

انتي روحتي وقلتي عدولي

طيب تغالي سلمي علينا

نور

انتي عاملة بيات شتوي واللا ايه

رحيق الورد يقول...

بتحصل ... وانا كمان بمل بسرعة
وربنا يكون معاكى ..
تحياتى
ياسمين

reemaas يقول...

هبة فاروق

بحاول والله يا هبه بس كل المحاولات فشلت فشل زريع

reemaas يقول...

سواح في ملك اللــــــــــــــــــه-

بحاول والله يا خالد

فين المنتدى ده؟

reemaas يقول...

منجي باكير

حاضر هقراه وادى حضرتك رائ

reemaas يقول...

FAW

معلش يا مصطفى هعمل ايها حساها كده

reemaas يقول...

نهر الحب

ياريت ياسهاد كان ده حقيقى

reemaas يقول...

AHMED SAMIR

ياااااااااااااااااااارب

reemaas يقول...

دعاء العطار

صح الحياة فعلا مش هى اللى مملة

احنا اللى ساكتين
بس نتحرك نعمل ايه بقى؟
هو ده السؤال

reemaas يقول...

سندباد

وهو ده الامل الوحيد اللى عندى فعلا

reemaas يقول...

ابراهيم رزق

ههههههه
من زمان مابتسمتش بسبب حاجة يا استاذ ابراهيم

الجزء ده من الرباعيات انا بحبه جدا على فكره

reemaas يقول...

amiraali

بحاول والله يا اميره

reemaas يقول...

donkejota

مش قادرة افهم التعليق

بس والله عمرى ماحولت اقتل غيرى خالص يعنى!!!!!!!!!!!

reemaas يقول...

آخر العنقــــــود

اللهم احييني مادامت الحياة خيرا لي وامتنى مادامت الحياة شر لي"

اللهم امين

تسلميلى حبيبتى
هتفرج ان شاء الله

reemaas يقول...

عباس ابن فرناس

هى الحياة فعلا ماشية
بس مع ايقاف التنفيذ

سواح في ملك اللــــــــــــــــــه- يقول...

http://bloggers.rigala.net/forum

reemaas يقول...

ريــــمــــاس

اولا وحشتينى
ثانيا لما بنحلم ونعيش الحاله الحلوة دى وعدين نصحى على مافيش بنتوجع

reemaas يقول...

ابراهيم رزق

بحاول اهو
يامسهل

reemaas يقول...

Days and Nights

تسلم يا تامر

هبقى احسن ان شاء الله

reemaas يقول...

نور القمر

تسلمى يا نور

reemaas يقول...

رحيق الورد

اللهم امين

تسلمى

reemaas يقول...

ابراهيم رزق

معلش حقك عليا

انا جيت اهو

هحاول اخرج منها بيكم بقى
هههههههه
استحملونى

reemaas يقول...

سواح في ملك اللــــــــــــــــــه- ي

لا والله يا خالد

يلا الحمد لله على كل حال

ادينى رجعت اهو