هو ده احساسى فى الكام يوم اللى فاتوا
هدوء قاتل
تكرار للاحداث بشكل ممل.........ممل جدا
اوقات بحس ان نفس الكلام بيتكرر
تعبت من كتر مابقول للى بيكلمنى انت مش قلتلى كده امبارح؟!!!
واقع بعيشه لكن ماليش دور اساسى فيه
واقع اقرب للقدر منه لحياة انا بطلتها
واقع مش عارفة اقبله ولا عارفه اغيره
احساس رهيب بان فيه حاجة جواية بتتخنق كل يوم
بتموت...
بتموت.....
بتمووت.......
مش عارفة انقذها...........
بتفرج عليها من بعيد وصعبانة عليا......
اد ايه (كانت) حاجة حلوة......
مع الاعتذار لصديقى Timoالصورة استلفتها من مدونته اسف على الازعاج
هناك 42 تعليقًا:
اولا بعد الشر عليكى لان العنوان صعب جدا
ثانيا الملل والروتين شىء بيصيبنا كلنا مش انتى بس حاولى تغييرى الروتين
شويه وانتى حتحسى براحه نفسيه
تحياتى لاجمل بنوته
صباح الفل يابنوتة
بتحصل
بس حاولي تتجاوزيها
بنوتة
ماتشاركي معانا في منتدي الاستاذ محمد الجرايحي
صاحب مدونة كلمة ونص
أحيانا يتملكنا هذا الاحساس القاتل ،،
يجب عينا التعامل مع الوضع بالتغيير و الصبر
***
رايك يهمني في موضوع : تدوين تحت الوصاية !
موضوع حاز على اهتمام كثير من المدونين
http://zaman-jamil.blogspot.com/2011/11/blog-post_08.html
ألف سلامة عليكي
ده إحساس عام بس بلاش تقوليها كده بعد الشر
تحياتي
مش عارفة انقذها........... بتفرج عليها من بعيد وصعبانة عليا......
لا باديكي تنقذيها ومافيش حد بايده يعمل ده غيرك
حقولك سلامتك
ويا ريت ترجعي ليكي
معلش
هي الحياة كدة
ups and downs
بس ان شاء الله الأيام القادمة هتكون اجمل بكتير
تحياتي
مش عارفه اقولك ايه يانور
هى الحياه ليه بقت ممله كده ؟
بس عارفه حاسه ان الحياه مش هى اللى ممله
حاسه ان احنا اللى ساكتين فعلا وسايبينها وبنتفرج عليها وهى بتضيع من ايدينا
حياتنا المفروض احنا اللى نغيرها
ارجعى ليكى ... ويارب ارجعلى :)
فترة من الفترات الكثيرة التي تمر بنا لا نعرف من اين اتت ولماذا ولكنها ستمر حتما فاذا كانت الاعمار تمر افلا تمر تلك الفترات الحالكة
ان بعد العسر يسر
تحياتي
حاسب من الاحزان و حاسب لها
حاسب على رقابيك من حبلها
راح تنتهى و لابد راح تنتهى
مش انتهت احزان من قبلها ؟
عجبى ؟؟؟
كلنا هذا الرجل لكن لازم نحلم و نحلم الحلم هو الامل و هو اللى بيحلى بكرة لان لو يطلنا نحلم نموت
العرف لا يعرف
حباية تفاؤل
و فوارة ابتسلمة
و حقنة سعادة
و مضاد حيوى للنكد
و كفاية كدة عشان الاعراض الجانبية
تحياتى
هي دي فتره كل واحد بيمر بيها ... بس الاهم انك مش تستسلمي لايلي انتي فيه...
اليأس شيء جميل
كوني يائسة نبيلة ولكن لا تقتلي غيرك
خضتيني يا بنوتة
بقالي فترة غايبة عن المدونات ويوم ما ارجع الاقي العنوان "بموت"!!!
مش عارفه اقولك ايه عشان حاسه اني هقول كلام انتِ عرفاه وتقليدي جدا
بس حاجه واحدة هقول لك عليها
لما بكون في حالة زيك كده اللي اكيد كلنا بنمر بها
بقول "اللهم احييني مادامت الحياة خيرا لي وامتنى مادامت الحياة شر لي"
واسمعي اكتر سورة من القرآن بتحبيها بصوت مقرئك المفضل
طمنينا عليكي يا أرق بنوتة :)
الياس مش هيوصلك
ولو الهموم هتحصلك
مش راح تقف الحياة !
مساء الغاردينيا يااحلى نور
كدا برضو اما أرجع لتدوين الاقي بموت
ليه كدا بس ماتسيبينا عايشين زي ماهي هههههههه
عارفة يانور كل حاجة بتبقى ممله حواليكي ومالهاش طعم نفس الكلام نفس البشر نفس الاحداث بس لما تحلمي وفي قلبك حب كبير وتستني بكرة بإ بتسامة حتلاقي الدنيا غير لان احساسك غير :)
ابتسمي بقى على الاقل عشاني جيت هههه"
؛؛
؛
لروحك عبق الغاردينيا
كانت هنا
reemaas
بسرعة اخرجى من المود ده
متخليش العملية تطول
تحياتى
الأخت الغالية والعزيزة / ريماس
بعد الشر عليكى (العنوان)
وكل عام وأنتى بألف خير
حبيت أطمئن عليكى
دمتى بكل الود
تامر
اهلا نور ..
بتحصل كثييير يانور .. ربنا معاكي ويوفقك يارب
شكرا لك ياقمر
مع تحياتى
نور
طمنينى عليكى لانى بجد قلقان
تحياتى
اييييه ياست نور
انتي روحتي وقلتي عدولي
طيب تغالي سلمي علينا
نور
انتي عاملة بيات شتوي واللا ايه
بتحصل ... وانا كمان بمل بسرعة
وربنا يكون معاكى ..
تحياتى
ياسمين
هبة فاروق
بحاول والله يا هبه بس كل المحاولات فشلت فشل زريع
سواح في ملك اللــــــــــــــــــه-
بحاول والله يا خالد
فين المنتدى ده؟
منجي باكير
حاضر هقراه وادى حضرتك رائ
FAW
معلش يا مصطفى هعمل ايها حساها كده
نهر الحب
ياريت ياسهاد كان ده حقيقى
AHMED SAMIR
ياااااااااااااااااااارب
دعاء العطار
صح الحياة فعلا مش هى اللى مملة
احنا اللى ساكتين
بس نتحرك نعمل ايه بقى؟
هو ده السؤال
سندباد
وهو ده الامل الوحيد اللى عندى فعلا
ابراهيم رزق
ههههههه
من زمان مابتسمتش بسبب حاجة يا استاذ ابراهيم
الجزء ده من الرباعيات انا بحبه جدا على فكره
amiraali
بحاول والله يا اميره
donkejota
مش قادرة افهم التعليق
بس والله عمرى ماحولت اقتل غيرى خالص يعنى!!!!!!!!!!!
آخر العنقــــــود
اللهم احييني مادامت الحياة خيرا لي وامتنى مادامت الحياة شر لي"
اللهم امين
تسلميلى حبيبتى
هتفرج ان شاء الله
عباس ابن فرناس
هى الحياة فعلا ماشية
بس مع ايقاف التنفيذ
http://bloggers.rigala.net/forum
ريــــمــــاس
اولا وحشتينى
ثانيا لما بنحلم ونعيش الحاله الحلوة دى وعدين نصحى على مافيش بنتوجع
ابراهيم رزق
بحاول اهو
يامسهل
Days and Nights
تسلم يا تامر
هبقى احسن ان شاء الله
نور القمر
تسلمى يا نور
رحيق الورد
اللهم امين
تسلمى
ابراهيم رزق
معلش حقك عليا
انا جيت اهو
هحاول اخرج منها بيكم بقى
هههههههه
استحملونى
سواح في ملك اللــــــــــــــــــه- ي
لا والله يا خالد
يلا الحمد لله على كل حال
ادينى رجعت اهو
إرسال تعليق