الخميس، 29 ديسمبر، 2011

plz 2012>>>>Be Happy









اولا وحشتونى جدا واسفة انى متغيبة عن المدونات اللى متابعاها بقالى فترة
هحاول انى اقرا كل اللى فاتنى واللى اول مادخلت اتصدمت انه كتير جدا...
ايه النشاط اللى انتم فيه دهO.o

الفترة اللى فاتت كنت مكتئبة جدا وماليش نفس اعمل حاجة ولا اكتب حاجة
طب اهرب من الاحساس ده ازاى.؟
زى مابهرب كل مرة اكيد ....
انى اكتب  اى حاجة.......

مجرد انى احاول اعتقد هيبقى كسر للحالة المملة دى
ومن هذا المنطلق  قررت انى احتفل معاكم بمولد سيدى الكريسماس على راى "دياسطى"
اخيرا يا جماعة
اخيرا 2011 هتخلص اهو
اخيرا هتنتهى بخيرها وشرها واحداثها اللى حسستنى  ان الراجل العجيب اللى تنبأ بان نهاية العالم هتبقى فى ديسمبر 2012 كان مفروض يقول 2011
اه والله دى ماكنتش سنة طبيعية زى باقى السنين لا

دى كانت تاريخ بحاله........!


وبستقبل معاكم اهو 2012
بصراحة ماعرفش انتم بتستقبلوها باى احساس

بس انا عن نفسى بستقبلها بامل وقلق شديد فى نفس ذات الوقت

على مستوى بلدى فانا كلى امل انها تبقى زى ما كل المصريين عاوزين
وكلى قلق من انها تبقى عند ظن البعض وتخيب املنا

وبالنسبالى انا فكلى امل فيكى كاى سنة جديدة بتحترم نفسها انك تكونى شيلالى فى  اى يوم من ايامها حاجة جديدة ,فرحة جديدة,مفجأة جديدة تغيرى بيها حياتى

وكلى خوف منك انك تبقى مجرد سنة تعدى زى اللى قبليكى وتتحسبى من سنين العمر على الفاضى

ارجوكى كونى عند حسن ظنى.........




هناك 41 تعليقًا:

مصطفى سيف الدين يقول...

كل سنة وانتي طيبة يا نور وان شاء الله 2012 تكون احسن كتير من 2011 اللي تعبنا فيها اوي

ابراهيم رزق يقول...

كل سنة و انتى طيبة

يارب تكون بخير عليكى
و تستبدلى البالطو الابيض بحاجة بيضة تانى وان اصبحت الوان تانية قال ايه موضة هو فيه اجمل من الابيض
يعنى من الاخر تخشى على العين الاولانية
هههههههههههههه

تحياتى

reemaas يقول...

مصطفى سيف الدين

يااااااااااااارب يا مصطفى حسانا مابقاش فينا حيل بقى

reemaas يقول...

ابراهيم رزق

لا طبعا الابيض لااااايعلى عليه :)

هههههههههههه ماهو يا اما العين الاولانية لا التتانيه بقى اى حاجة انا راضيه ههههههههه

عباس ابن فرناس يقول...

وعندك واحد سنة فل لست الكل وصلحه

انتى تامرى يادكتورة

كل سنة ونتى طيبة

هبة فاروق يقول...

يارب تبقى سنه سعيده عليكى وعلينا يارب ونحقق كل ما نتمناه
كل سنه وانتى طيبه يا جميله

ابن السور يقول...

ستكون هذه السنة الجديدة باذن الله سبحانه عند حسن ظنكِ .. وستبقى مصر العظيمة في اعيننا امّا شامخة في سماء العرب .. وستتحقق الاحلام .. وقد علمنا التاريخ وعلمتنا الايام ان شمس الهموم والاحباط ستشرق ذات صباح

ابتسمي .. فأنت بنت مصر بنت التاريخ والحضارة ..

سواح في ملك اللــــــــــــــــــه- يقول...

كل سنة وانتي طيبة وبخير يانور

تفائلي خيرا تجديه

ربنا يكرمك ويحفظك ويحقق ليكي كل ماتتمنين

تحيتي

AhMeD RaDy يقول...

reemaas

يارب تكون السنة الجديدة يارب احسن وافضل ان شاء الله تعالى

وهل نرى بالفعل نهاية العالم فى 2012 !!

ان شاء الله تعالى هتكون افضل يارب واجمل من اللى فات

احنا منتظرين الجديد

نهر الحب يقول...

كل سنة وانتي طيبة يا ريمو

والله انا احساسي عادي مبحبش اتفائل بحاجة في علم الغيب ولا اتشائم برضه
بس قلقانة شوية من 25 يناير وكدة

ربنا يعملنا الخير جميعا

دعاء العطار يقول...

كل سنه وانتى طيبه يانوووور

ويارب تكون سنه سعيده عليكى

ع فكره انا مش كارهه 2011 حاسه ان فيها انجازات كتيره حصلت والحاجات الوحشه اللى فيها دى ضرايب بندفعها لللتغيير اما ع المستوى الشخصى فتعتبر اسوا سنة حسيت فيها بمشاعر مش كويسه اتمنى 2012 ماتبقاش كده

ويارب اشوفك عروسه زى القمر كده :)

Tarkieb يقول...

كل سنة و انتى طيبة

amiraali يقول...

كل سنه وانتي طيبه...ربنا يجعل 2012 سعيدع علينا كلنا ان شاء الله

رحيق الورد يقول...

مساء الخير ..
كل سنة وانتى طيبة .. تقبلى مرورى
تحياتى لك
ياسمين

نيسان يقول...

كل عام وانتي بخير يا بنوته ويا رب يا رب يسمع منك :)

Bent Men ElZman Da !! يقول...

بعد الشر عليكى من الاكتئاب يا نور
وكل سنه وانتى طيبه يا جميله
وان شاء الله 2012 تكون احلى من اللى فاتت بكل اللى فيها

reemaas يقول...

عباس ابن فرناس

يا سلاااااااام لو تيجى كده
ههههههه
ماكنش حد غلب

كل سنة وانت طيب يا عبس

reemaas يقول...

هبة فاروق

اللهم امين

علينا وعليكى يا هوبا

reemaas يقول...

ابن السور

اللهم امين يياااااااااااااارب

:)

كل سنة وانت طيب

reemaas يقول...

سواح في ملك اللــــــــــــــــــه-

انا عماله اتفائل اهو يا خالد لما نشوف اخرتها
:)
كل سنة وانت طيب يارب

reemaas يقول...

AhMeD RaDy

الله اعلم يا احمد اهى تخمينات منجمين


ياااارب تبقى احلى

reemaas يقول...

نهر الحب

ومين سمعك
ربنا يستر

وكل سنة وانتى طيوبة

reemaas يقول...

دعاء العطار

ربنا يسترها يا عاء

وتبقى السنة الجاية احسن علينا كلنا

ياااااااارب يا دودو انا وانتى

reemaas يقول...

Tarkieb
وانت بالف خير يا تراكيبو

reemaas يقول...

amiraali

علينا وعليكى يا ميرو يارب

reemaas يقول...

رحيق الورد

وانتى بالف خير يا ياسمينة

reemaas يقول...

نيسان

ياااااااااارب يا نيسان يارب

reemaas يقول...

Bent Men ElZman Da !!

يااااااااااااارب يا دينا علا وعليكى وعلينا كلنا

FAW يقول...

إن شاء الله تبقي عند حسن ظنك وتبقي أحسن من كل اللي قبلها

كل سنة وإنتي بصحة وسعادة :)

yosef يقول...

كل عام انت واحبتك بألف خير؛

Timo.. يقول...

كل سنة وانت طيبة يا اجمل ريماس في الدنيا :)
ويارب 2012 تكون اجمل سنة عليك وعلينا كلنا :)

reemaas يقول...

FAW

يااااااااارب يا درش
وانت بالف خير

reemaas يقول...

yosef

وانت وكل حبابيبك بخير وسعادة يا جو

reemaas يقول...

Timo..

ياااااااااااارب يا تيمو عليك وعليا
وتلاقى فريدة يارب :)

eng_semsem يقول...

كل سنه وانت طيبه وبخير
وان شاء الله 2012 تكون سنه سعيده على مصر والمصريين والعرب جميعا
تحياتي

Sarah .. يقول...

هتكون سعيدة ان شاء الله
كل سنة وانتى طيبة يا نور .. :)

reemaas يقول...

eng_semsem

يااااااااااااارب يا سمسم

كل سنة وانت بالف خير

reemaas يقول...

Sarah ..

على الله

وانتى بالف خير يا سارة يارب

E73 يقول...

حلو مولد سيدي الكريسماس دا

سنة جديدة مين حضرتك انتي مش واخدة بالك اننا لسة 4/13/2011 أصلها سنة كبيسة بزيادة شوية

وعامة ربنا يجعل أيامنا أفراح يا رب ويبعد عننا كل سوء

وعقبال ما نباركلك السنادي على فرحك يا رب

E73 يقول...
أزال المؤلف هذا التعليق.
reemaas يقول...

E73


يسمع منك اهو هيبقى حدث الموسم الصراحة
ههههههههههههههههه


كل سنة وانتى بالف خير