الاثنين، 29 نوفمبر 2010

العمل التانى

وان شاء الله يارب تبقى اخر مرة لان كده هيبقى اوفر الصراحة

دى قصة صحبتى التانيةواللى حصلت بعد القصة الاولى بمافيش شهرين تقريبا ولقيت واحدة صحبتى  كانت مخطوبة مارتحتش فى خطوبتها دى فقررت انها تفركش
قوووووووم ايه اهلها يولوا دى اكيد معمولها عمل ازاى تسيب عريس زى ده هو حد لاقى عرسان لازم نوديها لشيخ


صحبتى رغم اعتراضها وافقتهم لانها كانت لسه عملة عملة وفاسخة خطوبة فمش معقوله هتعمل عامله تانيه وتقف ادمهم وتقولهم بلاش جهل


البنية سكتت وقالت هعمل اللى يقولوا عليه المهم انى ماكملش مع حد غصب عنى وقد كان
ماعرفش راحتله ولا جابوه البيت  وبينى وبينكم ماعرفش هو نفس الشيخ ولا لاء
الكدب خيبة يعنى


بس الكلام هو هواه بتاع تشرب اللبخة ولا البتاع اللى بيحضره ده ولو لامؤخذه رجعت دم يبقى العمل شرباه والبنت شربت واذا بمعدتها تتقطع من المغص الشديد وياخدها لدكتور باطنى يشوف اى اللى جرالها


الدكتور يعمل اشعه ويلاقى  فى معدتها قطع ازاز صغيرة  جدا عملت تهتك فى جدار المعدة ايه يا بنتى اللى جابلك الازاز تحكيله صحبتى اللى حصل وطبعا متخيلين رد فعل الدكتور


طبعا انا اول ماسمعت  رغم ان صحبتى كانت صعبانة عليا جدا كانت هتروح فيا الغلبانة بس لقتنى وبرد فعل تلقائى جدا بسقف وبقول ظهر الحق اخيرا فهممممممممت


هى استغربت وانا طبعا ماحكتش انا ايه اللى خلانى اقول كده
ده سرررررررررر


                                                               ويجعله عامر

هناك 6 تعليقات:

عباس ابن فرناس يقول...

لاحول ولا قوة الا بالله
ده مش جدل بقا !
دى جريمة مع سبق الاصرار

reemaas يقول...

فعلاااااااااااااااااا انا قلتلها كده والله

Unknown يقول...

أيوه كده صح مع ان البنت صعبت عليه بس هي فعلاً متجيش غير كده حسبي الله و نعم الوكيل في الدجالين دول
تحياتي ليكي يا جميل في انتظار حكايات أكتر بأسلوبك السكر ده

reemaas يقول...

تسلمى ياشيرى انا كمان كنت مبسوطة انها بانت

سواح في ملك اللــــــــــــــــــه- يقول...

ازاز الله يخرب بيته
هو الجن كان محبوس في ازازه
واتكسرت جوه معدتها
تعرفي ده درس لصاحبتك
عشان متسيبش خطيبها تاني
مدونتك جميله
اسمحيلي اتابع

reemaas يقول...

منورنى اكيييييييييد يا سواح وانت الصادق درس ليهم علشان مايلجأوش لحد غير ربنا تانى