اولا كل سنة وانتم طيبين وعيد سعيد عليكم يارب انتم وكل اللى تحبوهم
جملة سمعتها ولفتت نظرى جدا"لو سمحتى لو بتحبينى انا عاوزك تحبينى بالطريقة الفلانية"
هو احنا ممكن نطلب من اللى بنحبهم انهم يحبونا بطريقة معينة؟
يعنى ممكن احب حد واعترض على طريقته فى اظهار الحب ده؟
امال ايه اللى حببنى فيه طالما طرقته مش عاجبانى او خنقانى ماعرفش الجملة استغربتها جدا
طيب هو ممكن حد يغير طريقة حبه؟ يعنى ده اوبشن موجود عندنا ممكن نغيره ونظبطه زى ما الطرف التانى عاوز؟
طب ممكن لو ماعرفش يغيرها ابطل احبه؟
اسيبه وانا عارفه انه بيحبنى بس طريقته مش عجبانى؟
بصراحة انتم مش هتطلعوا من البوست باى اجابة لو مستنينى اجاوب لانى فعلا محتارة فكل اللى هتلاقوه اسئلة اتمنى ان اللى يعرفلها اجابة يقول
هناك تعليقان (2):
أسئلتك اجابتها صعبه شويه خصوصاً ان أحياناً بيبقى في سلوك لازم يتغير زي الغيره الزياده مثلاً
لكن أنا في رأيي ان طالما انت حبتني زي ما أنا بكل طباعي اللي انت عارفها و أنا كمان حبيتك بعيوبك قبل مميزاتك يبقى مينفعش حد يحاول يغير التاني
كل سنه و انت طيبه و بخير يا رب
وانتى طيوبة ياشيرى وانا كمان معاكى هو اللى بنحبه لازم ناخده كده على بعضه مانعدلش فيه
إرسال تعليق