السبت، 20 نوفمبر، 2010

فكييرة

الوحدة زى ماهى احساس فظيع ومؤلم جدا فممكن كمان تكون سبب انك تحاول تعمل حاجة جديدة
حاجة تخرجك من المود وتشغلك وقتك اللى انت مش شاغله فى شغلك
يعنى على سبيل المثال المدونة دى انا عملتها فى يوم كنت مخنوقه فيه جداااااااااااااا
وزهقانة من الشغل ومن البشر اللى اعرفهم ومن المواقع اللى انا مشتركة فيها زى زوربيا والفيس بوك فقررت انى اغير 
من يومين بقى طقت فى دماغى فكيره مجنونة


هكتب مذكراتى
هههههههه
اه والله وبدءت فعلا اكتب احداث حصلالى فى اليوم وذكرى افتكرتها وحاجة زعلتنى وحاجة فرحتنى وحطتها جنب بعضها كده لقيتها  بداية مش بطالة
فضفضة وبفك عن نفسى وبقول كلام اوقات مابلاقيش  حد اقولهوله او بتكسف احكيه او مش عاوزة غيرى يعرفه
ولقيتها طريقة حلوة بصراحة اه والله ومنها برده ممكن تحاسب نفسك وتصارحها باعمالك طول اليوم


بس السؤال بقى


هل حتى واحنا بنكتب يوميتنا هنبقى صادقين فيها؟ولا هنجامل نفسنا ونخبى؟
                                                                         ويجعله عامر

هناك 4 تعليقات:

Goga يقول...

شوفي بقى لو مكناش صادقين يبقى ايه لازمته بقى اننا نكتب او نحاسب نفسينا صح ولا ايه الموضوع كويس وحلوه اوي بس لازم نكون صادقين علشان نعرف نحاسب نفسينا كويس اوي
ويارب يسعدك يارب :)

reemaas يقول...

منور الدنيا يا جوجا والله
وفعلا يا نبقى صادقين يا نخبى جوانا ونسكت

عباس ابن فرناس يقول...

اسمحى لى
دى فكرة اشجعك عليها
بس فعلا لابد من الصدق
لان الصدق اساس كل شى ناجح وجميل
وبالمناسبة
عايز اشكرك على الفديو بتاع احمد حلمى زوقك جميل
برغم انى كنت متاع المثلثل لكن المشهد فاتنى وكمان مكنتش اعرف ان فيه قصيدة روعة بشكل ده
وكان نفسى اعرف وحيد حامد اللى كتبها ولا حد تانى
تحياتى

reemaas يقول...

منورنى يا عباس ومبسوطة اوى انى خليتك تسمع القصيدة لانها فعلا تحفه
هدور على الحكايه دى واقولك ان كان وحيد ولا لاء مع انى اعتقد انه ايمن بهجت قمر