الأحد، 7 نوفمبر 2010

هم فى عيون بعض

من فترة كده قريت باقى قصة فى مدونة الشحات ولفت نظرى فيهاانه جاب وجهة نظر الزوج والزوجة فى بعض فخلالنا نشوف كل واحد فيهم شايف نفسه وشايف الطرف التانى ازاى
وسمعت انا بقى حكاية من يومين ماشية على نفس الوتيرة للاسف

الحكاية باختصار تتلخص فى شاب عمره حوالى 29 سنة وسيم,طبيب,جراح,نايب فى احد المستشفيات الجامعية يعنى قيمة وسيمة اهو
البيه كأى شاب بيدور على عروسة فعجبته بنوتة فى كلية طبفراح فاتحها وهى طبعا طارت من الفرح ماهو لقطة بقى ومايترفضش

المهم الولد دخل البيت ولاى اسباب بقى الموضوع اتفركش ماكملش لحد هنا قصة عادية جدا اتنين حصل بينهم قبول بس النصيب لعب لعبته عادى جدا

الغريب بقى ان دى ماكنتش اجابتهم

اتسال الولد عن سبب عدم اكمال الحدوتة كان رده اصلى اكتشفت انها كانت بتحب واحد زميلها دكتور قبل كده وبينهم كلام

لسان حالى كان نفسى اقوله وانت ولا مؤاخذه مالك يعنى انت ليك تحاسبها من يوم ماعرفتها مش من كام سنة فاتوا

اتسالت البنت بقى ليه ماكملتش الحكاية تقولك ايه
اصله بلدى وعيلته يااااااى سوفاج    نو كمنت الصراحة

ليه بنلبخ فى بعض كده؟! ليه مايكنش الرد بمنتهى البساطة مافيش نصيب؟؟!
ليه لازم نطلع اى غلط فى الطرف التانى ونعيب فيه؟

اسئلة ماعتقدش انى هلاقيلها جواب

هناك 8 تعليقات:

غير معرف يقول...

مين ,, فين ؟ دا أنا
ههههههههه

فعلا كلامك صح
مشكورة جدا على البوست المميز

reemaas يقول...

هههههههههههه
ده اكيد انت
مافيش غيرك

FAW يقول...

عندك حق فعلا
بس عندي ملحوظه أرجو متضايقكيش
لون الكتابه جابلي حول بصراحه

Unknown يقول...

عندك حق هوده فعلا اللي بيحصل و أحيانا بيقولوا أسباب مهينه عشان يطلعوا الطرف التاني في أسوأ ما يكون
اسمحيلي أتابعك على فكره احنا زملاء في الصيدله و التدوين:)

reemaas يقول...

طب ياFAWاقترح عليا انت لون ده انا كل ماكتب بلون يقولولى كده
الاحمر ضرب برده معاهم

reemaas يقول...

متابعتك تسعدنى ياشرين جداااااااااا

FAW يقول...

الأبيض هيبقي تمام و زي الفل

reemaas يقول...

تمام جدا المرة الجاية ابيض علشان خاطرك