الجمعة، 14 نوفمبر 2014

الرسالة الاولى(رسايل الى مجهول)


















(1)

إنى أكتبلك رسايل دى فكرة غريبة عليا وسألت نفسى كتير ليه بكتبها؟!
جايز لأنى بحس إنى محتجالك وعاوزاك تكون معايا
جايز لأنى حاسة إنك مش هتيجى فبفضفض
جايز لأنى مش عارفة هتيجى امتى وخايفة أنسى أقولك أوأنسى الكلام نفسه
جايز لأنى عاوزة أشاركك فى كل حاجة وكل قرار باخده حتى من قبل ماتيجى يمكن ده يخلينى أعرفك بسرعة وماحترش إنت انهى واحد من اللى بيتقدمولى
جايز لأنى خايفة ماملكش الشجاعة إنى أقولك كل ده
جايز خايفة انسى الكلام ده كله فبسجله من باب الاحتياط
جايز فضى
جايز رغبة فى الرغى مش أكتر
جايز مشاعر تعبت من كتر مانا شيلاها فى قلبى ومش عارفه مين صاحب نصيبها فقررت أخرجها على الورق
بس الأكيد إنى ارتحت لما بدأت أكتبلك





هناك تعليق واحد:

E73 يقول...

ليه يا بنوتة ضفتي الكلمة التأكيدية مش كنتي تخلينا صحاب احسن D:

بالنسبة بقى للمقدمة انا حاسة انك دخلتي جوايا وكتبتيها والله يا بنوتي

استمري استمري شكلك هتطلعي كل المستخبي اللي فيا انا كمان