الاثنين، 10 نوفمبر، 2014

على الهامش 36








دى التدوينة 104..

زى ما وعدتك.. يوم ماعملتها تحدى وقولتلى مش هتقدرى تكملى 100 تدوينة السنة دى..

وبعدها رفعت التحدى ل104.. اه مش فاكرة اشمعنى 104 بس انا نفذت ده  اهو.. 

بينى وبينك كنت خايفة ماقدرش.. التدوين ده حالة وانا مش فى كل الاوقات  بيبقى عندى حاجة اقولها..

بس علشان خاطرك نجحت وقبل ماتعدى السنة.. عارفة انك عملت ده لانك بتحبنى اكتب..
عارفة انك عملت ده لانك عارف انى بحب اكتب..

عارفة انك عملت ده علشان تزقتى لقدام بعدما لقتنى مكسلة..

وعلشان كده انا كنت ديما فى حالة سباق مع نفسى .. كنت مركزة مع كل اللى حواليا يمكن القطلى فكيرة من هنا او هنا..

عملت ده وانا سعيدة انى نجحت .. سعيدة انى فرحتك..سعيدة بكل حرف كتبته او نقلته هنا..
سعيدة اكتر لما قولتلك انا خلصت ال104 لقيتك بتقولى وانت فرحان "عارف" ماعرفش ليه حسيتك ساعتها فخور بيا..

شكرا لانك موجود فى حياتى 

هناك 5 تعليقات:

Tamer Nabil Moussa يقول...

مبرررررررروك التدوينة ليكى ومن تحب

ربنا يوفقك

مع خالص تحياتى

E73 يقول...

تصدقي إني فرحتلك يا بنوتة بجد وبأمانة

بصراحة كنت مستغربة إصرارك ومتابعتك للكتابة على الرغم من إن تقريبًا مفيش تعليقات على البوستس اللي بتكتبيها

بس دلوقتي عرفت إنتي كنتي مستمرة ليه

لإن عندك دافع أهم بكتير قوي من التعليقات والناس كلها ☺

ربنا يبارك فيكم ويجمعكم عالخير دايما يا رب ويخليكم لبعض

مع كل حبي واحترامي

رفعت لك القبعة

وبالمناسبة بقى الاغنية اللي انتي حطاها دي دماااااااااااار والقصيدة نفسها دمارين

reemaas يقول...

Tamer Nabil Moussa

تسلم ميرسى جدا

reemaas يقول...

E73

هههههههههههههههه

تسلميلى يارب على الدعوة الحلوة دى ... اللهم امين يارب

بصى هو اه محبط ان مابقاش حد يتابع بس هو بيتابع وكمان فى انتى وانا اتعودت افضفض هنا فاعتقد مش هبطل تقريبا اتعودت يبقى فيه كل يوم تدوينة وانتظرى بقى فى مفجأة حلوة هتنزل على حلقات يارب تعجبك

E73 يقول...

ياااااااااااااااااااي بحب المفاجآت الحلوة جداااااااااااااا

يا رب اللهم آمين

إن شاء الله هتعجبني

متحمسة جدًا