الاثنين، 24 يونيو 2013

مع نفسى 18









ياستى مش معنى انى بعمل مش زعلانة انى فعلا مش زعلانة ..لا بقى
كل الحدوتة انى عاوزة الدنيا تمشى وانى فيا قدرة انى اعدى ..لكن ناخد بالنا من تصرفناتنا بقى ..ولا ايه!!

******

شوفتى فلان اترقى فى شغله.. ياستى اصله مظبط مديره ناس بتعرف تتصرف!
شوفتى فلانة اتخطبت..اه ياستى رسمت على الواد ووقعته!
شوفتى فلانة لسه ماتخطبتش.. اه يابنتى اكيد فيه ان  تلاقيها مرتبطة!
شوفت فلان دخل كلية عسكرية.. اه ياسيدى هى البلد دى اصلا بلد كوسة!

ايييييييييييييه يا جماعة هو مافيش حد  مجتهد ولا حد ربنا كاتبله كده خالص؟!!
لازم نظرية مؤامرة!!!!
*****

فرق كبييييير جدا انك تخسر حد وانك تكون ناوى تخسر حد !
*****

فى ناس كده لما بتتعامل معاهم بتكتشف فى نفسك حاجات حلوة ماكنتش انت نفسك تتخيلها ..وناس تانية تخصص فى اخراج اسوء ما فى الناس يا جدع!

هناك 4 تعليقات:

Habiba يقول...

كلها أرزاق :)

AhMeD RaDy يقول...

ازيك يا صيدلانية

1
فى ناس مش بتقدر خالص .. هنعمل ايه بقى مصيب :D

2
بالمنسبة دى . انا فى الشركة الحالية كان فى حركة تناقلت .. المهم فى المرة الاولى لم يصبنى الحظ .. قولت لنفسى هتجيبى كان ترتيبى 21 من 30 :D ... قولت اجتهد شوية وهتفرج ولو ان الموقف كان صعب لانهم بياخدوا ال 10 الاوائل .. ضغط شوية والحمد لله النقلة التانية كنت الاسم رقم 3 :D ... وعايز اقولك ان مافيش حد فى الشركة يعرف اسمى اساسا وعلاقاتى محدودة جدا !! الحمد لله كرم ربنا

3
وفى ناس بتبقى هى اللى بتقولك رجاءا اخسرنى .. وبيبقى لازم يكون ردك ايوة ولا هتبقى بتيجى على كرامتك .. اللى معندناش غيرها !

4
انا بشتغل فى خدمة عملاء .. ليكى ان تتصورى كمية الناس اللى بتعامل معها يوميا ههههههههههههههه الشتيمة دى نعمة على فكرة .. بس ما تقوليش لحد بقى :P

البوست كان فرصة حلوة للكلام اشكرك جدا

نيللي علي يقول...

المشكلة أنهم بيفتكروه إنك طيبة وعاقلة فمنزوعة الإحساس والزعل..ماهو أنتي عاقلة بقي؟؟

أما البلد فوجهة نظر المحسوبيات بقت حاجة متأصلة فيهم وبقيت الشماعة اللي بيركنوا عليهم فشلهم!!

أما الخسارة..فهي ناوي أو مش ناوي في الآخر أسمها خسارة!!

البوست رائع!!

nesma hatem يقول...


فى ناس كده لما بتتعامل معاهم بتكتشف فى نفسك حاجات حلوة ماكنتش انت نفسك تتخيلها ..وناس تانية تخصص فى اخراج اسوء ما فى الناس يا جدع!

بكره النوع التانى ده جدا
:) تحبتى