دخلت الفيس امبارح لقيت رسالة على البرايفت من صديق على الفيس بيقولى انا متردد من زمان ونفسى اسألك..هو انتى عندك كام سنة؟
فى الاول كنت ناوية اديله درس فى الاتيكيت وان ازاى ماينفعش تسأل بنوتة هذا السؤال...
بس لقتنى بجاوبه ...امبارح..كان عمرى 20 :p
*******************
كنت مع صحبتى فى قاعدة ولقينا واحدة تالتة بتسألها عن سنها..فصحابتى وبكل ثقة راحت قيلالها سن اصغر من عمرها الحقيقى بسنتين...
ميلت عليها وقلتلها لازمته ايه الكدب يابنتى مش مستاهلة..
قالتلى يا نور يا حبيبتى الحاجات دى اسمها كدب ابيض مابتضرش..
ورغم عدم اقتناعى بموضوع الوان الكدب دى بس لقتنى بسأل نفسى فى عقل بالى
ياترى هيجى اليوم واكدب انا كمان؟؟
*********************
مابحبش اعياد الميلاد..بتفكرنى ان فيه سنة عدت ولسه قدامى حاجات كتير ماعملتهاش
وان احتمال يبقى فيه سنة جديدة ماعرفش ايه هيحصل فيها..
وانا بطبعى مابحبش انتظار المجهول..
********************
الوقت بيعدى..والعمربيجرى..ولازم الحق اعمل حاجات كتيرة اوى..
لازم اجرى...
بس المشكلة انى مابحبش الجرى..وديما لما بجرى علشان الحق حاجة مابلحقهاش
هناك 22 تعليقًا:
نور البنوتة الشقية
هو امبارح ده كان امتي بالظبط هههههه
شفتي الآحراج بقي
بالنسبة بقي للجري ربنا تعالي قال في حديث قدسي
((وان لم ترض بما قسمته لك فوعزتي وجلالي لاجعلنك تركض كركض الوحوش في البرية ولن تنل الا ماقسمته لك ))
تحيتي يأطيب نور
مش عارف البنات ليه بيخافوا من حكاية السن دي
مع ان الشباب يبدأ بعد الستين :)
:)
عاوزة اقولك قعدت فترة طويلة بتلخبط واقول لما حد يسالني عندي 22 سنة يمكن عشان كنت حابة السن ده اول ما اتخرجت وبعدين اكتشفت اني ماوقفتش عند 22 وبكبر عادي
انا مظنش ممكن اكذب في الحكاية دي
بس انا مش باين عليا اصلا
:DD
مبتحبيش اعياد الميلاد واللمة وكدة
:D
انا بقيت مبحبش حاجات كتير من كتر ما عملت معايا ذكريات موجعة
:(
مش لازم تجري علي فكرة
سيبي الدنيا تمشي زي ما تمشي ومش حناخد اكتر من اللي مكتوب
.......
يا رب تبقي كويسة
سواح في ملك اللــــــــــــــــــه-
هههههههههه امبارح ده حاليا كان اول امبارح يا خالد :D
ربنا يقسملنا الخير ويرضينا بيه يارب
مصطفى سيف الدين
ستيييييييييين!!!!!!!!
ههههههههه لا احنا كده لسه ببيهات :)
نهر الحب
ههههههههههه انا بردك واقفة على السن ده ماعرفش ليه مش عاوزة الايام تأثر فيا
مانتى لو عرفتى عندى كام هتعرفى انىمابيبنش عليا ههههههههههههه
لا لا احب اللمة طبعا مانتى عارفه بس العيد ميلاد نفسه يع
مانا ماقدميش حل تانى لازم اسيبها
هو اغلب البنات بتيجي عند سن 25 وتفرمل جامد وممكن توصل 29 بعد 10 او 15 سنه
تحياتي
ههههههههه العمر دا شيء بجد مزعج وبيوتر بجد ...
يمكن عشان حقيقة اننا بنكبر و انو المسؤوليات بتزداد مع كل سنة وكل عقد ...
معرفش بجد !
نور الجميله
اولا كل سنه وانت طيبه ياقمر
ثانيا احب اقولك بعد سنين الخبره انا توصلت لشيء مهم وهو
ان الدنيا مابتديش محتاج
يعنى فعلا لو جريتى ورا حاجه مش هتيجى ابدا ام لو رمتيها
هتلاقيها جايه لحد عندك
حاجه بسيطه ممكن تسبتلك دا
انها لما تديق بتديق جدا جدا وبلما بتوسع بتوسع اوى ومن جميع الجهات
دمت بحب
نور اللي نفسها اشوفها ومش نافع :(
بصي يانور من زمان اووووووي وانا بكره فكرة الوقت
الزمن
بحسها قوانين مفروضة رغم ان ده مش صح
يعني ايه مثلا لما احب اجري واتنطط والعب زي العيال الصغيرة يقولولي لاء انتي كبرتي !!
اممممممم مش مقتنعه بفكرة الوقت عامة غير في الشغل بضطر اقتنع بيها واحسب شغلي هيخلص امتى :D :D
عيشي دنيتك زي ماتحبي تعيشيها من غير التقيد بوقت وزمن ومفروض وممكن
اقلبي ليلك نهارك لو عايزه
راسمي احلامك وارميها واعرفي ان ف يوم هيجي وتحققيها
عيشي وماتخليش الدنيا هي اللي تعيشك
بالنوسبه ليا مش حاسه ان عندي مشكلة اني اقول سني او هيبقى عندي مشكلة عشان مقتنعه ان العمر مش بيتحسب كده :)
واخييييييييييرًا
نور
نور
الا انتي عندك كام سنة ؟ :P :P
بصي بقي يا ستي انا بصراحة لحد دلوقتي مش بخاف من مشكلة السن دي مش عارفة ليه يمكن بعدين اخاف ،ويمكن دا عشان انا مش حاسة نفسي بكبر ومش باين عليا بردوا
اما عيد الميلاد فمبيفرقش معايا وغالبا بفتكروا بعد مبيخلص ههههه
واا كمان نفسي اعمل حاجات كتير ومبحبش الجري
بارك الله فيكي
بصى من ناحيه السن مفيش شخص عاقل يسأل بنت او ست عن سنها الا بقى لو ناوى يتجوزها ده موضوع تانى
بالنسبه للجرى انا جريت كثير وأمنت ان كل شىء نصيب واحيانا بتحصل على اهون سبب ومؤمنه جدا بالمثل اللى يقول
اجرى يا أدم جرى الوحوش غير رزقك لن تحوش
عارف يا نور انا بشوف دايماً اننا ماينفعش نتكسف من عمرنا مهما كبرنا
فعلا مش مستاهله نكدب
بس خايفه يجى اليوم اللى اكدب بردو واخاف من العمر اللى بيجرى
رغم ان الواحد ممكن يكون عمل حاجات كتير بس لسه مستنى يعمل الاكتر منها
انتظار المستقبل دايما فيه تمنى وامل ممتزج بشده مع الخوف !!
كل اللي اقدر اقولهولك
كل سنة وانتي طيبة
ويارب يجعل اعمارنا كلها مكاسب بالشكل اللي يخلينا لا نتهرب فيه من هذا السؤال أبدًا
eng_semsem
ماقدرش انكرالحقيقة :)
قطرة وفا
بصراحة عجبنى تعبير بيوتر ده
صح بيوتر جدا
اسماء عبدالعزيز
صح ما ضيقة الا ووراها فرج
ونقول ياااااااارب
كل سنة وانتى بالف خير
دعاء العطار
ههههههههههههههههه شكل الاخبار وصلتك
معلش هعمل ايه مانتى اكيد مقدرة بس كان نفسى جدا
انا بقول يبقى فى طنطا بس سهاد مش عارفه
انا عندى ........... بحالهم هههههههههههه
zeze
من ناحية هتحسى فهتحسى بس حلو احساس انك مابتكبريش ده :)
هبة فاروق
اوبااااااااااا تفتكرى كان عاوز يتجوزنى ؟!.... انا كده مابلقطهاش بسرعه ههههههههههه
صح جدا فى دى كمان انا بحب المثل ده
Bent Men ElZman Da !!
عارفه بنخاف ليه ؟
بنخاف من اللى قدمنا بيصلنا على اننا كبرنا واحنا لسه مش حاسين ده
العيب فى الاخريييين
E73
وانتى طيوبة ياقمربس هو لسه فىاكتوبر انا بعمل مقدمات بس هههههههههههههه
إرسال تعليق