الحلقة اللى فاتت
المكان:النيابة الاداريه
المتهمين:انا بلا فخر....واميرة صحبتى وزميلتى اللى اكيد فاكرنها كويس
ليه احنا بالذات؟انا كمان سألت فى الحكاية دى ولقيت اننا اللى ماضيين على اوامر التوريد اياها... ماحنا فقريين!
بينى وبينكم انا دخلت متوقعه انى هلاقى عساكر ومتهمين برا زى حلاتنا ماهو انا ماعرفش اى الفرق بين النيابة الاداريه والنيابه العامة
بس لقيت مبنى عادى يعنى شبه مبانى المدارس كده وناس كلها لابسين ملكى ....
وصلت انا الاول وانتظرت وصول اميرة لان معاها الاوراق اللى تثبت برائتنا من وجهة نظرنا
وشوبة وجت .....بصتلها كده وفطست على نفسى من الضحك ....انتى هتدخلى يتحقق معاكى ببطنك دى ازاى يابنتى ...والله حساكى هتولدى جوا(اه نسيت اقولكم ان اميرة كانت حامل فى الشهر التامن مع انى مرهناها انها عدت التاسع بمراحل...بس هى ادرى)
فضلنا قعدين منتظرين وكيل النيابة وانا عماله متخيله شكله هيبقى ازاى وانا هقول ايه انا والغلبانة دى
وفجأة لقيت الحارس بينده على اسمى
دخلت لقيت شاب كده فى التلاتين(عكس توقع ابو زياد;) ) وجنبه الراجل اللى هيكتب الاقوال..
دخلت قعدت على الكرسى من غير مايقولى اقعدى وانتظرت بقى انه يسأل
بطاقتك لو سمحتى.....
حاضر....وفتحت الشنطة ادور عليها انى الاقيها ابداااااااا
بصتله وانا حاسة انى خلاص هتحبس فيها كنت محرجة جدا وانا بقوله :نسيتها انا اسفة
بصلى باستغراب :حد ينسى بطاقته..وكمان جاية نيابة؟
معلش حضرتك اصلى بدلت الشنط الصبح اكيد نسيتها فى الشنطة التانيه(اى اللى انا بلبخه ده!
فضل ببصلى شوية وراح مبتسم.....
طيب اسمك بالكامل ......مليته الاسم
ماقولك فيما هو منسوب اليكى انتى وزميلتك ؟
يافندم اللى حصل ..... وقعدت اشرح بقى باستفاضة
حاولت اقرا تعابير وشه انه فاهم او انه مقدر او حتى انه مش مصدق مافيش ولا الهوا
امضى على اقوالك .....مضيت
اتصلى بقى باى حد يمليكى رقم البطاقة.....
اتصل بالبيت وطبعا متخييلين ...ماحدش رد
بصتله فى يأس كده وقولتله انا حافظة رقم البطاقة الورق القديمة تنفع؟
قالى ماشى ماشى اى حاجة رحت مملياه للكاتب وخرجت جرى وسماعه بيقولى ابعتيلى زميلتك
دخلت اميرة قعدت بالظبط 4 دقايق وخرجت!
اى اللى حصل اشمعنى انا اتاخرت جوا؟
قالتلى قرالى اقوالك وقالى موافقه عليها؟قلتله اه ومضيت ...
انتى ازاى تنسى بطاقتك يا مجنونة انت؟!
ايه ده هو سيحلى ولا ايه؟
اه كانوا بيضحكوا جوا ساعه مادخلت على الموضوع ده
يادى الفضايح.........
مر بعدها اسبوع وعرفنا ان التحقيق اتحفظ واسقطوا من علينا تهم اهدار المال العام!
وده كان فى شهر ديسمبر فى مثل هذا الوقت يعنى.....من اول سنة تكليف حكومى لينا!
هناك 37 تعليقًا:
كفارة
ههههههههههههههه
اصلى انا مرة رحت النيابة الادارية عشان كنت راكب عربية الشركة فى مامورية و مكنش معايا الكارنيه
و رحت لقيتهم بنات و كانت وكيل النيابة بنت حلوة فعجبتنى اللعبة و بقيت انسى الكارنيه متعمد انى اروح مرة تانية و اتمسك ابدا باين المدام سلطتهم اصلها راحت معايا عشان كنا رايحين مشوار
هههههههههه
تحياتى
يالله
ههههههههههههه
الحمد لله ويارب تبقى اخر الاحزان
الحمد لله انها جت على كده
سلملتك يا نور من كل اذى حبيبتى وخلى بالك على نفسك احنا عايزينك
ابراهيم رزق
ههههههههههههههه
اتارييييييك
لا يا سيدى انا بقى لقيت واحد وكان حليوة برده ;)
هههههههههههه
هبة فاروق
ههههههههه
لا ما انا خلاص ياهوبتى سيبتهالهم مخضرة بقى
هههههههههههههه بجد ضحكتيني بتفكريني بنفسي بالمواقف اللي شبه كدا لما بتحصل حاجة مجنونة من طرفي
ربنا يوفقك داايما والحمد لله اسقطوا عنك تهمة الاهدار دية هههههههههه
ريماس
بالمناسبة انا كنت ساكن فى عمارة وسط باب الشعرية وانا داخل مرة العمارة لقيت راجل شيخ كبير فى السن فى ركن داخل العمارة ولما سألت البوابة اجابت بانه خالها اتحال على المعاش وخرج من الحكومة سليم عقبالك يا استاذ
ياسلام ادايه اللى داخل الحكومة مفقود واللى خارج منها مولود
هههههههههههههه
عسل يا نور والله
هههههههههههههههههههههههههه
تحفه موضوع نسيانك للبطاقه ده
ده ولا كأنك قصداها
المهم حمدالله على سلامتك دى كفايه :))
ويارب مش تحصلك حاجه وحشه تانى ابداً
مساء الخير ..
الحمد الله على سلامتك
والحمد الله انهم اسقطو التهمة
بالتوفيق لكى
تحياتى
ياسمين
هههههههههههههههههههههه..حمد لله على سلامتك ياقمررر بالتوفيق لك ..
مع تحياتى لك
نور
مبرووك يانور براءة
الحمد لله
بس اوعي بقي تقعي في المطب ده تاني
قطرة وفا
اه الحمد لله يا وفا مايقع الا الشاطر :)
موناليزا
:)
تسلميلى يا مونى
faroukfahmy58
هههههههههههه
يدي ويدينا طولة العمر يا استاذنا دى عاوزة صبر
ههههههههههههههه
والله انتي زي العسل...فكرتيني بنفسي بنسي حاجات في اوقات مينفعش انساها ..بيبقي بابا هيولع فيا.....
Bent Men ElZman Da !!
والله يدينا كانت غصب
كنت فى موقف محرج اخر حاجة
بس عدت الحمد لله:)
رحيق الورد
تسلمى يا ياسمينة
نحمد الله
نور القمر
تسلمى يا نور ربنا يخليكى
سواح في ملك اللــــــــــــــــــه-
توووووووووووووبة خلاص
amiraali
لو على بابا ماشى بس مش وكيل نيابه
هههههههههههههه
ربنا يستر
ايه ده نور كل ده حصلك انتى جبل الحمد لله انك عايشه لغايه دلوقتى هههههههههههههه
اظن من وقتها وعمرك ما بتنسى البطاقه ولا انتى اساسا متعوده على كده
على العموم نيابه اداريه نيابه عامه ولا بيهمنى احنا مش بنخاف الا من ربنا
تحياتى الخالصه ابوداود
الاحلام
لا انسى مين بقى ده انا باخدها معايا فى اى مكان
اللى اتلسع من الشربه يا ابو داوود
منورنى
كان نفسى اضحك بس مش قادر غير انى ابتسم
( احداث مجلس الوزراء )
حلوة اوى بجد !
ربنا يارب يبسطك ويفرجها عليكى وان شاء الله خير
بس ايه موضوع شاب فى الثلاثين دا يا عم ريماس انت
اقولك ربنا يسهلك بقى يا عم
تنسى البطاقة وتليفون البيت مش بيرد
والمدير بتاعك يوشى بيكم !
دى اكيد مؤامرة دولية ههههه
تحياتى المستعطرة
AhMeD RaDy
لهو فى التلاتين يبقى عجوز؟
ههههههههههه
احداث مجلس الوزرا تفقع المرارة يا احمد
عباس ابن فرناس
مانا بقوووووووووووووول يا عبس والله
الحمد لله انها جت على كده
قدر ولطف
وكمان اهدار مال عام واحنا بنقول فلوسنا رايحه فين
حمدالله على السلامه ويارب تكون اخر التحقيقات اول حاجه تبصي عليها قبل ما تخرجي من البيت البطاقه ههههههه
تحياتي
max
احمدك ياااااااااااااارب
eng_semsem
دى بقت طقوس يا سمسم والله
خلاويص حررررررررمت
صباح الغاردينيا يانور
معليش بقى سامحيني
اليومين دول عندي اختبارات ادعي لي
وكمان حضرتي كنت تعبانة
المهم نرجع لموضوعك
بجد ضحكت عليكي هههههههه
تخيلت منظرك وانتي عماله تقلبي
في الشنطة قال يعني مبدله الشنط الصبح هههههههههه
واد حليوة هاه :)"
؛؛
؛
لروحك عبق الغاردينيا
كانت هنا
reemaas
ريماس
شكرا على ردك وانا رديت عليه بالفعل
...........
لا طبعا عجوز ال عجوز ال .. ربنايكرمك يا عم يارب ونتمنالك الخير
وانطلقى
ريــــمــــاس
ايوووووووووون يا ريموسة حليوة ههههههههههههههه
الف سلامة عليكى حبيبتى وربنا يوفقك يااااااااارب
AhMeD RaDy
والنعمة كان انن خالص ههههههههه
هروح اشوفه يا ابو حميد اهو
ههههههههههههههههههههه حتة موقف
دانا لو مكانه اقولك تصدقي مش خسارة فيكي الحبس
دخلالهم في عقر دارهم ومن غير البطاقة لأ وايه هتحكيله قصة حياتك بقى وبدلت الشنطة والليلة دي
ماكنتي تقوليله احسن طبختي ايه امبارح
بس بجد ربنا يكون في عونكم
والحمد لله انها جت على قد كدا
إرسال تعليق