*ملاحظين ياترى انى مابتكلمش فى السياسة ولا برد على اغلبية مواضيعكم السياسية سواء بالتأييد او الاعتراض؟
حاليا ده بقى حالى مع انى كنت زمان قبل الثورة من اصحاب الاراء السياسية
فعلا مابقتش عارفة ده لي جايز علشان زمان كان اللى بايده واضح واللى بعارضه واضح
دلوقتى مابقتش عارفة احدد انا مع مين وضد مين؟
***********************
قانون الابعاد عن الحياة السياسية قالوا انه هيتطبق على اللى هيتثبت عليه جرائم فساد فقط!
كان نفسى يحصل استثناء ويتطبق على كل اللى كانوا فى الحياة السياسية سواء وطنى او غيره
وكمان كان نفسى يتطبق على جماعة الاخوان كلها
تفتكروا لو ده حصل كان المشهد هيتغير؟
تفتكروا كان هيفضل حد بيتكلم فى السياسة؟
****************************
سمعت انا عن الحزب اللى بينادى بتغيير اسم مصر ده
ياترى انتم سمعتوا؟
!!!!!!!!!!!!!!!!!!!!!!!!!!!!
********************************
لحد دلوقتى مش عارفة احدد ولا افهم نظام القوايم والفردى
يعنى القايمة ده هيتكلم باسم مين؟والفردى ده بيمثل مين؟
*************************
فى بلدنا المرشحين للمجلس نوعين
اللى كانوا مرشحين نفسهم قبل كده سواء وطنى او غيره والاخوان
فردى وقوايم نفس النوعين!!!!!!!!!
************************
عرفت ان هتتفرض غرامة على اللى مش هيدى صوته من قريب ليا
فسألته طيب هتدى صوتك لمين؟
فسألته طيب هتدى صوتك لمين؟
قالى انا هبطله علشان مش اللى نازلين كلهم يا اما حافظهم صم يا اما ماعرفهمش خالص
شكلى هعمل زيه
****************************
تفتكروا منى الشاذلى بعد ماطلعت هزقت عمرو الشريف على الهوا ولامته على انه ضرب المذيعه على ايدها وطلعت بعد كده المذيعة كبستها وقالت ده كان تهريج
تفتكروا منى هتعتذر؟
طب تفتكروا حد اهتم بالخبر الفظيع اللى خلى المذيعة المبجلة تتشال وتتحط يومها ؟
****************************
سماح انور كانت من معارضين الثورة واحد ابرز نجوم القوايم السودا
وده لانها ايدت النظام وهجمت الثوار على التليفزيون
بقت بتمشى فى الشارع الناس تشتمها وتتعدى عليها هى وابنائها
فصفت اعمالها فى مصر واستقرت فى الكويت
تفتكروا هو ده الحل؟
هو ده المناخ السياسى اللى هنعيشه الفترة الجاية؟
******************************
هناك 16 تعليقًا:
بنوتة ازيك
حظي حلو اني اول تعليق
بصي يانور
هشرحلك الحكاية ببساطة
هي الاعضاء بتو ع مجلس الشعب دول
ماينفعش اننا نقصي او نبعد اي حد فيهم
حتي لو كان حزن وثني سابقا
ليييييه بقي
اقوللك انا
لان المنظومة الللي فاتت كانت كلها تقريبا فاسدة
واي واحد كان بيخش فيها حتي لو كان نزيه ومحترم
كانوا بيفشدوه عشان يبقي زيهم
هي الحكاية مش الاقصاء
الاقصاء ده يحصل بعد تغيير المنظومة
وتطهيرها من الفساد
ساعتها اي حد يثبت عليه الفساد
يتعاقب
بصي معظم الشعب مش ملتزم
وممكن يولع سجاير في المواصلات
لما جم عملوا عرامة في متروا الانفاق علي
اللي بيولع سيجارة كله التزم
ومحدش دلوقتي يقدر يولع سيجارة في المترو
اللي اقصدة
ان اي ادارة جيدة
تلقائيا بتبعد الفاسد
تحياتي يااطيب نور
ما يحدث الان مهزلة بكل المقاييس
نحن نعيش عصر اشباه المثقفين واشباه السياسيين واشباه الوطنيين
لا تعليق على ما يحدث
عزيزتى نور
انا معاكِ لان اللي بيحصل ان النظام
القديم بيحاول يوصلنا للمرحلة دى
وتختلط علينا الامور بكل مقايسها
ودة مش لوحدة طبعاً فيه اللى بيسانده
لكن ان شاء الله التغيير للاحسن
لان هو دا اللى لازم يكون
سعدت بوجودى بين سطورك
لكِ احتراماتي
زهرة
صباح الورد ريماس
للأسف الحديث في السياسة الآن بات
هم وألم فمثلما أشرتي كان كل مصري
يعرف من يؤيد ويعرف من يعارض الآن
نرى فوضة سياسية غريبة والأغرب أن
من الأمور التي قامت عليها الثورة
هو أحتكار مبارك وزمرته للحكم و
للرأي ولكل شيء والويل والثبور لمن
يعارضهم في أي أمر تفتكر معارضة
البعض للأخوان أو السلفيين أو أياً
كان هو من صلب الديموقراطية ؟؟؟
للأسف سماح أنور وغيرها لم يكونوا
يملكون بعد النظر لأنهم وقعوا في فخ
ألسنتهم وسيحفظ لهم التاريخ موقفهم
المشين من الثورة فكون أنها تؤيد
مبارك ليس بمشكلة إنما تطالب بحرق
وقتل كل من هم في ميدان التحرير
فأعتقد هذا من صلب نظام مبارك
الديكتاتوري ولتتحمل نتيجة كلماتها
الدموية ...
دمتي مبدعة
تحياتي وإحترامي
اظن اننا فى فترة انتقالية حتى يدوم الاستقرار ويكون لينا طريقتنا فى الحكم المناسبة والخاصة بينا... الاهم انه يارب يزيد معاها الوعى بين الناس وتقدر تقييم الامور صح... عندك حق طبعا ويارب نقدر بالرغم من اللغبطة دى نعدى الفترة دى بسرعة... تحياتى
لخصتي كتير من الكلام والتساؤلات يا صديقتي بطريقة الفلاش السريعة..
للاسف المناخ الساسي محبط جدا..
خاصة ونفس طرق الانتخابات (بتمارس)
وكأن الموضوع (حفظ) مش (فهم)..!!
سواح في ملك اللــــــــــــــــــه-
وفى دى انا معاك قلبا وقالبا
الناس ممكن تفضل المشكلة فعلا فى القيادة والضرب بيد من حديد على يد المخطئ
Casper
هو متعب ومتعب جدا كمان
بس لو فضلنا بدون تعليق يبقى هنعمل ثورة تانيه
( حياتى
اللى بيحصل من النظام القديم لو امنا بنظريه الفلول يبقى احنا اللى بنساعدهم
يعنى هم بيحركونا واحنا بنسمحلهم بده
ريبال بيهس
كده هنبقى بنعيد نفس اللى كان بيحصل يا ريبال
يعنى يما اما تبقوا معانا ياما تسبوها وتمشوا يبقى بنبدل نظام دكتاتورى بنظام دكتاتورى
مش دفاعا عن اللى قالته هو كان خطئ لكن دفاع عن انها اتخدعت زى اى واحد فينا صدق وجبات كنتاكى والخ
الفترة الجايه محتاجة اننا نستوعب بعض مش نخون بعض
sabry abo-omar
يااااااااااااااااااااارب
Timo..
امبارح سامعه الدعايه الانتخابيه على العربيات ومشغلين اغنيه اختارناك
ههههههههههههههه
قلت نفس كلمتك يا تيمو
انتم حافظين يا جماعه
انا فعلا مابقتش مستوعبه حكايه الانتخابات دى اطلاقاااااا
والواحد بيقول لو مش هيغير فى البلد دلوقتى هيغير امتا
وجديده حكايه يغير اسم مصر دى
الناس اتهبلت باين !!
ازيك يا نور
طبعا انا زيك مش فاهمه ايه اخره اللى بيحصل ده
انا مع رأى كاسبر فى كل اللى قاله
Bent Men ElZman Da !!
واضح جدا اننا كلنا مش فاهمين
طب مين اللى فاهم ؟
هبة فاروق
بعد الجمعه اللى فاتت انا كمان بقيت من رائيكم
إرسال تعليق