الاثنين، 30 مايو 2011

سؤالى




بما انى قاعدة زهقانة ففكرت انقل فكرة الاستفتاء اللى بنعملها عندنا فى الجروب هنا هتبقى على هيئة سؤال هطرحه وعليكم بقى تجاوبوا ونناقش اهو نتعرف على اراء بعض ويبقى فى ترابط بين المدونات

السؤال هيتم تمريره بمعنى بعد ماتقول سؤالك فى اى مجال تحبه سواء سياسه او امور حياتية  هتقول مين اللى حابب يسأل بعدك وممكن ترج السؤال لحد سال عادى يعنى

                                                    سؤالى
                                              ____________
هل انت مع بناء الكنائس امام المساجد ولا ضد ده؟ هل شايف ان ده بيقرب الناس من بعضها ولا بيقلل من حرية العبادة؟

السؤال نمرره لخالد صاحب مدونة سواح فى ملك الله ولشرين صاحبة مدونة حدوتة مصرية

هناك 7 تعليقات:

سواح في ملك اللــــــــــــــــــه- يقول...

صباح الفل يابنوتة
تعرفي ان السؤال ده عمره ماخطر عي بالي
عارفة ليه لان كلنا اتولدنا لقيناها حاجة
طبيعيه موجودة في مصر فعلا
ولو رجعتي بالتاريخ لورا شويتين
هتشوفي كنيسة القيامة في المسجد الاقصي
لاتبعد عن المسجد الاقصي سوي 200 متر
وقد راي ذلك الفاروق عمر بن الخطاب
اما عن وجهه نظري الخاصة انا مع ذلك
صباحك زي الفل يابنوتة

مصطفى سيف الدين يقول...

سؤال اجابته بسيطة
وهي ان اغلب الكنايس في مصر موجودة قصاد جوامع و عمرنا ما سمعنا عن مشكلة بسبب الحكاية دي
تحياتي

reemaas يقول...

صباحك سكر يا خالد
استعد بقى علشان تدينا سؤال متين كده


بالنسبة للموضوع فجه على بالى بعد ماسمعت رائ شيخ الازهر فيه

reemaas يقول...

صباحك سكر يا مصطفى
يارب تكون الفكرة عجبتك وهستنى حد من الشباب يمررلك السؤال

الحكاية ممكن تكون فرضت نفسها للتفكير مؤخرا فى الكام سنة اللى فاتت وهتستغرب من اراء الناس عندى فى الجروب هعرضها بعد ما اتاكد ان ماحدش هيزود هنا اراء

سواح في ملك اللــــــــــــــــــه- يقول...

ماشي يابنوتة
هجهزلكم سؤال عويص شوية
ههههه وهكتبهولك في بوست
انشاء الله

Unknown يقول...

ازيك يا بنوته معلش إتأخرت في الزيارة
بشكرك على تمرير السؤال و ثقتك إني هعرف أجاوبه تعرفي يا نور أنا بجد عمري ما ركزت في الحكاية دي بس أعتقد إن مفيش حاجه تمنع أو تحد حرية العبادة يعني أنا لو داخله مسجد مش هتفرق معايا قدامه كنيسة و لا لأ.
بالعكس أنا بحترم المسيحين اللي بيصلوا و بيزورو كنيستهم بإستمرار لأن أكيد التدين عموماً بيخلي الأخلاق أرقى و القلوب أصفى و أطيب طبعاً ده لما يكون مرتبط بتربية سليمة و علم.
حملة التدوين اليومي هتبدأ انهارده بليل معانا و لا إيه
دمتي بسعاده و خير يا أرق بنوته مصرية

reemaas يقول...

ايه هى حملة التدوين اليومى دى ياشرين

عموما معاكى يا ستى مش هسيبك:)