بما انى قاعدة زهقانة ففكرت انقل فكرة الاستفتاء اللى بنعملها عندنا فى الجروب هنا هتبقى على هيئة سؤال هطرحه وعليكم بقى تجاوبوا ونناقش اهو نتعرف على اراء بعض ويبقى فى ترابط بين المدونات
السؤال هيتم تمريره بمعنى بعد ماتقول سؤالك فى اى مجال تحبه سواء سياسه او امور حياتية هتقول مين اللى حابب يسأل بعدك وممكن ترج السؤال لحد سال عادى يعنى
سؤالى
____________
هل انت مع بناء الكنائس امام المساجد ولا ضد ده؟ هل شايف ان ده بيقرب الناس من بعضها ولا بيقلل من حرية العبادة؟
السؤال نمرره لخالد صاحب مدونة سواح فى ملك الله ولشرين صاحبة مدونة حدوتة مصرية
هناك 7 تعليقات:
صباح الفل يابنوتة
تعرفي ان السؤال ده عمره ماخطر عي بالي
عارفة ليه لان كلنا اتولدنا لقيناها حاجة
طبيعيه موجودة في مصر فعلا
ولو رجعتي بالتاريخ لورا شويتين
هتشوفي كنيسة القيامة في المسجد الاقصي
لاتبعد عن المسجد الاقصي سوي 200 متر
وقد راي ذلك الفاروق عمر بن الخطاب
اما عن وجهه نظري الخاصة انا مع ذلك
صباحك زي الفل يابنوتة
سؤال اجابته بسيطة
وهي ان اغلب الكنايس في مصر موجودة قصاد جوامع و عمرنا ما سمعنا عن مشكلة بسبب الحكاية دي
تحياتي
صباحك سكر يا خالد
استعد بقى علشان تدينا سؤال متين كده
بالنسبة للموضوع فجه على بالى بعد ماسمعت رائ شيخ الازهر فيه
صباحك سكر يا مصطفى
يارب تكون الفكرة عجبتك وهستنى حد من الشباب يمررلك السؤال
الحكاية ممكن تكون فرضت نفسها للتفكير مؤخرا فى الكام سنة اللى فاتت وهتستغرب من اراء الناس عندى فى الجروب هعرضها بعد ما اتاكد ان ماحدش هيزود هنا اراء
ماشي يابنوتة
هجهزلكم سؤال عويص شوية
ههههه وهكتبهولك في بوست
انشاء الله
ازيك يا بنوته معلش إتأخرت في الزيارة
بشكرك على تمرير السؤال و ثقتك إني هعرف أجاوبه تعرفي يا نور أنا بجد عمري ما ركزت في الحكاية دي بس أعتقد إن مفيش حاجه تمنع أو تحد حرية العبادة يعني أنا لو داخله مسجد مش هتفرق معايا قدامه كنيسة و لا لأ.
بالعكس أنا بحترم المسيحين اللي بيصلوا و بيزورو كنيستهم بإستمرار لأن أكيد التدين عموماً بيخلي الأخلاق أرقى و القلوب أصفى و أطيب طبعاً ده لما يكون مرتبط بتربية سليمة و علم.
حملة التدوين اليومي هتبدأ انهارده بليل معانا و لا إيه
دمتي بسعاده و خير يا أرق بنوته مصرية
ايه هى حملة التدوين اليومى دى ياشرين
عموما معاكى يا ستى مش هسيبك:)
إرسال تعليق