الثلاثاء، 7 ديسمبر 2010

kzbk 7lw-كذبك حلو -فراق








الاغنية دى ديما محيرانى هل ممكن فعلا نحب لدرجة اننا حتى لو عارفين ان دى كدبة حابين نعيش فيها؟


هناك 17 تعليقًا:

سواح في ملك اللــــــــــــــــــه- يقول...

تعملي ايه بقي ياريماس
للناس اللي غاويه شقي
شوفي الست العربية لما بتفارق حبيبها
بيوحشها حتي كدبه
انما بقي لو هو جوزها واتجوز عليها وكدب
تولع الدنيا
ولو هي في بداية العلاقة

مثلا عرفت انه هو متزوج ويعول ممكن تتجوزة
الافلام الرومانسية بوظت دماغ الناس
تحياتي ليكي ياريماس

reemaas يقول...

ماهو لو جوزها واتجوز عليها دى يا سواح عاوزة كلام تانى يعنى بصراحة
هههههههههه
بس انا معاك ان الافلام الرومانسية بوظت الدنيا

Unknown يقول...

ساعات اللي بيحب بيبقى ضعيييييف ممكن يقبل يعيش في كدبه و ممكن يحب عذاب الخداع لأنه أهون عليه من عذاب الفراق
أنا بصراحه ضد الكلام ده الا اذا كان الكدب ده عشان يصلح موقف أو حاجه
تحياتي ليكي يا ريمو و كل سنه و انت طيبه

reemaas يقول...

وانتى بالف خير ياشيرى

هى المشكله لو كانت كل حاجة كدبه

هبة فاروق يقول...

انا مع شرين فاحيانا يسقط الانسان الذى نحبة من نظرنا عندما نعلم انة كاذب
ولكن بيختلف طبعا الاحساس من فرد لاخر
الف مليون وردة لعيونك يا قمراية مشكورة

reemaas يقول...

تسلمى يا هوبا وفعلا الكدب ممكن ينهى اى حاجة حلوة جوانا

اسماء عبدالعزيز يقول...

الحب داء بدون دوا ..
حينما يأتى العشق يكون كالحلم تعرفين انكِ ستصحو منه ولكنه تصدقيه وتعشقيه ..وترفضين واقع الاستيقاظ من ذاك الحلم وتتمنين ان يكون هو الحقيقه وواقعك هو الحلم

على راى مياده الحناوى لما قالت

كدبا انت كدبا ..لكن احلى كدبا ..

رقا ..انت رقا.. لكن احلى رقا
لكن شوء ودمعه وبحر من الاحزان بحر من الاحزان
حبيبي يا انا يا اغلى من حياتى نسيت مين انا

على فكرة مدونتك رائعه تقبلى مرورى بود
كوني بخير حبيبتي

reemaas يقول...

تسلمى يا اسما ومنورانى ديما وهتفضل مشاعر الحب دى منتهى اللخبطة للى عاشها واللى ماعشهاش

بنوتة مصرية يقول...

اصل خلاص بنكون وقعنا فى الحب وغرقنا فى همساتة وحلوتة لكا بعد فوات الآوان نكتشف ان الحبيب كان كدبة كبير ممكن نبعد وننهى علاقتنا معاه ونقنع نفسنا اننا محبناش ونقول دى اكيد كمان كان الحب دة كدبة مهو حببنا كدبة هيكون حبنا إية غير كدبة انما الحقيقة اللى بنحاول نداريها من اوجعنا وجراحنا اللى تسبب فيها حد ثقنا فية الحقيقة اننا حبنا بجد عشان محدش بيختار حبيبة ولا بيختار وقت قلبه يدق فية القلب اعمى مبيفكرش لكن رغم كل دة حب حتى الكدب مش فادر ينسيه انه حب...

حتى كدب حبيبة بيشوفة حلو مهو اللى بيحب بيشوف كل شئ حلو حتى الكدب ...

تحياتى

reemaas يقول...

منورانى يا بنوتة وزى ماقلت لهبه لا اللى حب ولا اللى ماحبش قادر يفهم كميا الحب الغريبة دى

Tamer Moghazy يقول...

كدبك حلو..عشان "منك"..
وهو ده الحب يا صديقتي :)

رجعتيني مع الاغنية دي زمااااان...زماااان قوي.

غير معرف يقول...

سلامي لكي و الى كل كل الزوار الحاضرين

تقبلي مروري

سلام

reemaas يقول...

اى خدمة يا تيتو انت بس تشاور يعنى

حلوة علشان منك دى فعلا لو من غيره كانت هتبقى كارثه

reemaas يقول...

منورنى يا صاحب مدونة الامل طبعا

عباس ابن فرناس يقول...

المثل الشعبى بيقول حبيبك تبلعله الظلط :) مش بس الكدب !

وبعدين ماهى مرايت الحب بتشوف كل حاجة جميلة وحلوة مش بس الكدب

زوقك دايمن جميل ياريمو
تحية عطرة

عباس ابن فرناس يقول...

بالنسبة لالغاء التدقيق

انا اسف انى اتخرت فى الرد

وعمواً على حسب معرفتى المتواضعة

تدخلى من لوحة التحكم الى الاعدادات وبعدين تدوسى تعليقات
ومن الصفحة اللى هتظهر تقدرى تلغى تدقيق التعليقات

reemaas يقول...

تمام جدا هحاول اعمل ده يا عبس وفعلا لو بنحب ممكن نحب حتى الكدب