الاثنين، 20 ديسمبر، 2010

وبعدين؟

عمرك حسيت انك مكعب تلج نفسه يخرج من الفريزر اللى عايش فيه؟
عمرك حسيت ان شعاع الشمس مش عارف يوصلك!وانك تايه منه وبتدور عليه؟

عمرك حسيت انك لغز نفسك حد يحله؟
                                                  انا حاسة ده 
                                            

هناك 16 تعليقًا:

هبة فاروق يقول...

احساس صعب جدا بس اكيد بنحس بية لما نكون لوحدنا
ومفيش حد حاسس بينا ولا فهمنا ولا حتى بيفكر انة يفهمنا احساس صعب جدا وبنحتاج للشمس وبنحس بنورها
ودفئها لما حد يشاركنا فرحتنا وحزننا
كلمات اكثر من رائعة يا ريماس ووجودنا معاكى حيكسر هذا الاحساس ويذوب الثلج
ابعث لكى شعاع من الحب والدفء يا صديقتى الجميلة

سواح في ملك الله- يقول...

انتي حاسة بالوحدة والا ايه يابنوته
ليه احساس المل ده

صيدلانيه طالعه نازله يقول...

بتيجى علينا اوقات كتير بنحس باحاسيس متناقضه
بتبقى نتيجه احداث كتير متراكمه جوانها و فجاه بتتجمع و تترك تاثيرها على حالتنا النفسيه
متستسلميش للاحساس ده و حاولى تخرجى منه بسرعه
خدى بالك من نفسك يا قمر

شيرين سامي يقول...

بصي بقى يا أجمل بنوته مصريه أنا هخرجك من مكعب الثلج ده ممكن ممكن تكتبي الواجب بتاع (لماذا أدون؟) لأن أنا كنت عايزه أجبرك عليه بس خوفت تزعلي
لكن حقيقي أنا عايزه أتعرف عليكي أكتر و كمان لما هتحليه هتلاقي كلام كتير جواكي بيطلع
تحياتي و حبي ليكي
و في انتظار الواجب:)

اسماء عبدالعزيز يقول...

يا اجمل بنوته
انا عن نفسي هستنى الواجب اللى جالك من السكر شرين سامى لأننا بجد نفسنا نتعرف عليكِ اكتر ياقمرى
الاحساس دا فعلا بيجى للانسان احيانا بس بيكون مميت
زى اللي عايو يتنفس ومش قادر

اراح الله قلبك من كل شر
كونى بخير

eng_semsem يقول...

كتير بنحسه بس لازم نخرج منه بسرعه والا هيغرقنا في الهم والحزن اخرجي وفتشي عن احبابك هتلاقي كتير واقف على بابك ونفسه يساعدك
تقبلي تحياتي

خواطري مع الحياة يقول...

السلام عليكم
اولا
انا اول مره ازور مدونتك الجميلة
شدني اسمك من التعليقات في مدونة اخي سواح
اسمك جميل ويدل على بنوتة رقيقة
ثانيا
حبيت كلماتك
احساس فضيع انك تعيشي في مكان تكوني مقيده فيه
عمرك حسيتي انك قظعة ثلج تخرج من الفريزر وتذوب بسرعة جدا
ان شاءالله مابيكون اخر تعليق ليا بمدونتك الرقيقة
بغلس عليك كثير
ههههه
تقبلي مروري
سلامي لاجمل وارق ريماس.

reemaas يقول...

فعلا يا هبة والله ده احساسى فى الفترة الاخيره ومن بعد ما عرفتكم حسيت ان فيه حد بقى موجود
تسلميلى

reemaas يقول...

مش عارفه يا خالد بس حاسة ده

reemaas يقول...

بحاول والله يا دكتورتنا ربنا يعنى

reemaas يقول...

ههههههه والله فكرة يا شيرى وبعدين هزعل ليه فى سرك يعنى كان نفسى حد يدينى واجب
ههههههههههههه

حاضر من عيوناتى

reemaas يقول...

اللهم امين يارب العالمين
فعلا احساس صعب يا اسما

من عويناتى حاضر هعمل الواجب فى اسرع وقت

reemaas يقول...

من ناحيه بيغرق فهو بيغرق يا سمسم فعلا
ربنا يقدرنى واخرج منه سريعا

reemaas يقول...

خواطرى

اولا مبسوطة كتير انك نورتينى يعنى ياريت على طول تغلسى
ههههههههههههههه

هو احساس مؤلم فعلا اسالينى انا بس ربنا يعين واقدر اخرج منه

faroukfahmy58 يقول...

اختنا الحالمة ريماس-انا حاسس بيكى لانى خيالىزيك ففى بعض الاحيان يأخذنا الخيال الى آفاق بعيدة ابعد مما كنا نتوقعها منه ومع ذلك نجد راحة ازاى معرفشى ومع ذلك اقول وانت معانا كل شئ ممكن بس بعد كده ارجوكى ترجعيناالى عالم الواقع واللى قدر يوصلنا قادر يرجعنا مع تقديرى وشكرى

reemaas يقول...

والله يا فاروق بقى صعب الواحد يتنقل بخياله ويسيب الواقع اليومين دول
وقعنا بقى من القسوة انه حتى مش سايبنا نحلم