ضايع منى ازازة مية
ومش راضية الطيارة تطير
راح الصبر ورجع الصبر
وتعب القلب ولسه كتير
اه ياتي شيرت العمر يا ابيض
لفيت بيك مشاوير مشاوير
املك صورة انا فيها صغير,شكلى اتغير ماعرفتوش
كان فى جيوبى مكعب سكر ,داب السكر مالقتهوش
واما اتقطعت منى الساعة, وقع الوقت لقتنى كبير!!!!
اعرف واحد قال لواحد اهمل صاحبك واقسى عليه
واحد قال للواحد نفسه انت مزعل صاحبك ليه؟؟!
واحد حاول يعرف واحد طلع الواحد صفر كببير!
هناك 13 تعليقًا:
الله عليكي يابنوته
لما الوحي بينزل عليكي
كلامك زي عنوان البوست
قطعة سكر
علي فكرة
انا بسمع دلوقتي فيروز
اختياراتك جميله في الاغاني
تحياتي لاختنا ريماس
ريماس السكرة
اية الجمال دة بجد كلماتك جميلة جداااا وزى السكر
ابدعتى فى البوست جدا تحياتى لكى يا قمر يا قطعة السكر
تسلم يا سواح ربنا يخليك يعنى بحب اشاركم فى حاجات كتير بحبها ومبسوطة انها بتعجبكم
الله يخليكى يا هوبة انا بحبها جدااااااااااا بصراحة
ريمو مش عارف اشكرك ازى
كانت اجمل حاجة اختم بيها السهرة
متعرفيش قد ايهالشحنة اللى انا اخدتها من الاغنية
كنت حاسس ان اللى كتب قصيد ازرق حد فنان مش اى كلام
كمان لحن الاغنية هايل والتوزيع روعة
والكمنجة والعود شغل على مياه بيضة زى مابيقولو
وحيث كد بقا وبعد المقدمة دى انا هتشجع اكتر
وقولك ياريت بقا تكملى جميلك " وتنخفسيلى " تشوفى يعنى
ان كان ميدو طابع دواوين شعرية ولا لا
احييكى على زوقك واحتياراتك
سكرتة كده بينى وبينك ياعبس الكليب كادو ليك يعنى من عيوناتى اشوفلك
ريمووو..
ايه الاغنية الحلوة قوووي دي..؟؟
بسيطة كلماتها قوي :)
لدرجة اني لقيتني بادنن بيها :)
ريموو..
مش احنا اتفقنا على انك ها تشيلي الحروف التاكيدية اللي بتظهر عند التعليق...؟
حلوة جدا
مشكورة
شوفت بقى يا تيمو اعترفوا يا جماعه انى اختياراتى تجنن
هههههههههههههه
هتغر
والله يا تيمو مانا عارفه عباس حاول يفهمهالى بس الموضوع شكله صعب
هحاول مع انى اصلا مش فاهمه اى الحروف التاكيديه دى
شحاااااااااااات
من زمان مانورتنيش انت
مبسوطة كتير انها عجبتك
روعة
من احلي الاغاني اللي سمعتها الفترة الاخيرة
الف شكر ليكي اول مرة اسمعها كانت هنا
ودى حاجة بالنسبالى حلوة يا مصطفى جدا
كفايا عندى انك كل ماهتسمعها هتفتكر ده
إرسال تعليق