- مش عارفة أختار إيه على الغدا
- أنا هختار فهيتا وانتى؟
- مش عارفة بفكر فى جمبرى بس خايفة يطلع وحش انا ماجربتوش قبل كده .. آخد حاجة مضمونة وخلاص؟
- مش هتبطلى التردد بتاعك ده ؟! حتى فى الأكل !
-والله انا كمان إتخنقت كل حاجة محتاجة قرار وانا مابقتش لاقية حتة فى دماغى عارفة تفكر وتاخد قرارات تعبت فعلا
-ماهو انتى اللى تاعبة نفسك ومتخيلة ان حياتك هتتهد بسبب قرار.. خايفة تاخديه لاتندمى .. خايفة ماتخديهوش لا تندمى .. وخوفك مخليكى واقفة مكانك متكتفة فى الأرض حياتك زى ماهى من 10 سنين مع انك لو أخدتى القرار حياتك بس هتتغير، للأحسن للأسوء كلها نتايج قرار هنتقبله ونقطة ونبدأ من حيث إنتهينا.. فلو اختارتى الجمبرى وطلع حلو خير وبركة طلع وحش عادى انتى جربتى ومافيش فى نفسك حاجة ومش هتكررى التجربة لأنك أتعلمتى .. وصلت ؟
- أه
- هتاكلى إيه بقى ؟
- ............ 😱
ليست هناك تعليقات:
إرسال تعليق